قناعتي أنا

الحجاب عائق؟!!

هل امور المجتمع تجبرنة او تحطنة بمحط اختيار اما نلتزم بواجبنة الديني او نتخلى عنة حتى نتعايش وي المجتمع واوامرة؟

هل يجوز انو اني انزع حجاب من بعد ما تكفلت بيه حتى ارضي المجتمع
والكم مثال
سمعت: انو انزع حجاب حتى اكدر احصل وظيفة بما انو الوظائف تستقبل البنت اللي بدون حجاب ويكون الها اولوية!!!!

هذا الموضوع ما يخص اللي بدون حجاب ولا يمس اللي من غير ديانة ومن غير طائفة ومن غير اللي ممقتنعة بالحجاب هذني كلهن رأي اخر ومو اني احجي بيهن
اللي دااحجي بيه اللي متكفلة بالحجاب ونزعتة للسبب اعلاه

🔉هل هذا منطق؟ هل يجوز اني اسوي هيج واتخلى عن امر ديني وعن قيمي ومبادئي حتى احصلي وظيفة!
ليش اختار وظيفة تخليني اتخلا عن امر وجب علية

اولا: م رح اتوفق بشغلي ولا حتى بوظيفتي ولا رح احس بطعم التوفيق

ثانيا: ليش تبنين طموحج واحلامج على وظيفة هيج شروطها ومابيها اي احترام...

اني سؤالي هنا : انو انتي من فكرتي للمستقبل البعيد ومقررة تنزعين الحجاب لوظيفة
تدرين انو٧٠٪ اذا موو اكثر الوظائف تستقبل المحجبة والمو محجبةة
الطب بكل انواعة والهندسة والصيدلة والرياضة والتحليلات والمحاسبة والادارة........ الخ

ليش منقرر انو نذب جهدنة حتى نحصل وظيفة مقامها عالي وبنفس الوقت ابقى بما يرضي الله وديني

مو شرط اكون معروفة على منطقة او على عائلة او على دولة واني مثل الباقين
تفردي كوني انتي وكوني بوظيفتج محافظة على نفسج
من انتي لابسة حجاب ومتكفلة بيه وعرفوج بحجابج ليش تجيبين الحجاية الاهلج؟
اي نعم اهلج اللي حتمسهم الحجاية وقبل كل حجي الناس ربج فوك وديشوف

يمكن حتكون الاجابات⬅️ حريتها ونزعتة.؟
اني ضد مبدأ الحرية بالحجاب
من اني متكفلة بحجاب ولابستة وادري ليش لابستة بس اغرتني وظيفة لو عمل لو شي دنيوي زائل مو دائم هذا مو عذر...
حريتج الشخصية من تختارين اكلة معينة من تختارين بيا مدرسة او كلية ترحين من تختارين نوع فاكهتج المفضلة
حريتج الشخصية متخليهة فوك شي الله امر بيه وانتي متكفلة بهالامر

✋🏻ابد لتخلين الحجاب عائق يكدر يعيقج عن امور انتي تحبيها تذكري الحجاب زينة ونتزين بيه خلي الحجاب من ضمن الاشياء التحبيها حببي نفسج بيه حتحتسي شي ملازمج حتحسيه ابد مقيدج بشي بس تفكيرج هو اللى توهم بالحجاب انو هو العائق...

وتذكري شي ربج من اوجب علينة اوامر ابد مجان هالشي الصالحة لا ابد كل الامور الصالحنة حشاه يخلي عبدهُ بحيرة
واذا ابتعدنة عن شي رايديه بسبب هالامور ايقني ربج ضاملنة اشياء مو بس شي واحد اشياء كافلة تخليج سعيدة العمر كلة ماطول هالشي من ترتيب رب العالمين.❤️

_ليس الحجابَ بِمُقصٍ عَنكَ لي املا
             ان السماء تُرَجّى حين تحتجِب_

التوفيق للجميع❤️....