قناعتي أنا

ب خاطرٍ طيِّب

وإني أُدين لأولئك الذين جبروا بخاطري يوماً قاصدين أو حتى بمحض الصدفة...

اكو اشخاص نشوفهم ب مجتمعنة او داير مدايرنة تحسهم مو بس اشخاص تحسهم ملائكة
تلقائا جمال روحهم ينعكس بوجهم تلقائيا تشوف نفسك تنجذب انو تحجي وياه ك انو الله دزة الك

يملك طاقة ايجابية بكلامة وسلوك يخليك تحس انو صدك انسان يتكلم مع انسان
ان كان من طبقتنة او اقل او اكثر من عدنة

شخص واحد يكدر يحجي الك حجاية تضل ترن ب اذنك العمر كلة جائز حتى انو متنسة شكلة

الشخص اللي يطبطب على كتفك بوكت حزنك واللي يفرح الفرحك

مندري اي كلمة من كلماتة كادرة انو تبقة معلقة براسنة
نكدر احنة هم نكون من هاي الاشخاص
نكدر نسَمِّع للي مقابيلنة كلام جان بخاطرة يريد يسمعة

كلنة مندري الانسان شوكت يروح من هاي الدنيا
عادي اذا نشبع اللي حوالينة كلمات حلوة تخليهم مبتسمين كل ما نجي على بالهم

(العمر مرة وحدة) لا تكسر خاطر شخص حتى وان شفتة مرة وحدة
متدري بلقائك وكلمة طريفة منك قادرة انو تغير حالتة ان كانت معقدة او نفسية

الحجي اللطيف اللي بكلبكم تجاه شخص خلو يحس بيه
لا تنتظرون لحظة مناسبة تحجون العزيزكم شكد هو عزيز
يمكن اللي بنفسك يصلح نَفَس غيرك

(الكلمة الطيبة صدقة)
هذا اللي قالة الرسول(ص) كلمة واحدة صدقة لعد اذا كان كلام صدقة؟ اذا كان فعل صدقة؟

.... كلنة نتعارك وي الاشخاص اللي نحبهم بس لا يمكن انو نكدر نفترق عنهم! خلينة نكلهم هالكلام خلينة نحجيلهم انو احنة منكدر نفترق عنكم

عادي انو دائما نذكِّر اللي نحبهم احنة نحبهم ان كان كلمات او فعل

كلماتنة البسيطة اللي نابعة من حب بداخلنة يمكن تكون دوة للي خاطرهم مكسور
تكون لمسة حب للي فاقديه
تكون ابتسامة شخص عبوس

وخلونة بالاخير نقدم شكر ال كل شخص:
..ابتسم بوجهنة صدفة
..قدملنة شكر العمل بسيط وحسسنة ب قيمة العمل على رغم بساطتة
..طيَّب خاطرنة المكسور
..كلامة اللي ينزل دوة للمجروح
وينطي تحفيز للمستقبل الكدامنة
.. الكل شخص خلانة نبتسم ونذكرة دائما ب الخير وبكل مرة يجي على بالنة

_في أيامنا الصعبة ، يأسرنا من يلمس قلوبنا بحنيّة_

التوفيق للجميع❤️
#الكاتبة_هديل_علاء