قناعتي أنا

الغيرة!

كلنة اكو بداخلنة اندفاع الغيرة وكلنة نحب بجنون والغيرة تكون باينة علينة

غيرة الحب ويمكن هذا النوع اكثر نوع حلو... شلون؟
حلو من اني اغار على الاشخاص الاحبهم وابينلهم من غيرتي عليهم اني شكد احبهم وشكد مهتم التفاصيلهم
حلو من يكلي الشخص المقابيلي احب غيرتك علية
حلو من نحسسة هو شي كلش مميز وعزيز بحياتنة

_وبي شوق اليك اعلَّ قلبي
وما لي غير قربك من طبيب
اغار عليك من خلوات غيري
كما غار المحب على الحبيب_🖤

الغيرة على مختلفة عن الغيرة من!!

اكو اختلاف بين انو اني اغار على شخص وانو اني اغار من شخص

واني من اغار على شخص ( نوع هاي الغيرة يكون حلو بحدود وكلنة عدنة هالنوع بداخلنة ومنكدر نسيطر على مشاعر الغيرة بهالنوع)

اما اني اغار من شخص ف هذا النوع يكون بين اما و َبين او

بالنسبة لل اما يكون ناتج هاي الغيرة ايجابي يعني اغار من شخص نظيف واريد اصير مثلة.
اغار من شخص ناجح بحياتة واني اغار منة لذلك احاول اكون ناجحة بحياتي.

اغار من مساعدة بنت الامها واريد اكون مثلها.
اغار من اخلاق وحدة واسعى علمود تكون اخلاقي حلوة وي الكل.

كل ذني وبعد اكثر تكون نتائجهن غيرة حلوة وغَيْرتنة للاحسن ونطلع بنتائج تكون مفيدة النة وللاخرين...

بالنسبة لل او ف اكو غيرة نتائجها جدا سلبية وتخليني ابدا مو محبوبة بالمجتمع وحتعكس هاي الغيرة علية

بسبب انو اني مقتديت ب الشي الزين ورحت غرت من اشياء توديني للهاوية او تكون سبب خراب حياة غيري

يعني مو اجي اغار من وحدة ناجحة واكون سبب بتحطيمها
مو اجي اغار من عائلة محافظة ومن شدة غيرتي احاول اشتتها
مااغار من صديقتين واجي اقطع علاقتهم في سبيل اصير صديقة وحدة منهم

اي نعم الغيرة من هذا النوع مرض وحقد
لازم نتلافة من هالمرض الفتاك اللي يحاول يقتلنة

خلونة نغار بس نغار ب ايجابية خلونة نغار بشي يفيدنة
لا تغارون من شي وتكلبوه وتحاولون تفككوه تذكرو هالشي مرض
اشفو نفسكم وصدركم وحبو الناس وقبل كل شي حبو نفسكم وارضو بيها مو شرط لازم اصير مثل فلانة
لا تتخلون عن مبادئكم وتخلون الناس نظرتها تتغير وتتجنبكم وتخلون ربكم يغضب عليكم
بسبب غيرتكم من شي انكتب الغيركم ويجوز ربكم كاتبلكم الاحسن بس انتو استعجلتو...

_ولتكن الغيرة بحدود ولا تبوحو بما هو مقصود وغير مقصود لنكن نحن لنكن سند لنفسنا مسنود_

_اني اغار على محاسن وجهه من ناظري ف كيف باقي الاعين؟_

التوفيق للجميع❤️

#الكاتبة_هديل_علاء