قناعتي أنا

التوكل على الله

‏يتعافى المرءُ باللهِ باللهِ وحده

كلنة نريد الطمأنينة والحياة السليمة اللي نريد نسيرها واحنة سعيدين

كلنة نريد نكون ب مواقف ندركها ب مواقف احنة متجهزين للتصرف ب هذا الموقف

بس هل يا ترى احنة كلنة عايشين مثل منريد؟ مثل(اللي ذكرتة فوك)
هل احنة مؤمنين ب قدراتنة وتصرفاتنة؟
مؤمنين انو اكو رب هو اللي مُيَسِّر حياتنة ب ابهى ما تكون؟

التوكل على الله ب ابسط المواقف وب ابسط الاشياء
التوكل على الله ب اصغر الاشياء قبل اكبرها

كلنة مصيرنة الى الله واليه نرجع
هل فد يوم فكرنا وعملنا جاهدين بالتوكل عليه؟
كل المتوكلين على الله فازو مخسرو
كل المتوكلين حياتهم ب اروع المسير

اليوم احنة بعضنة اذا مو كلنة نمشّي حياتنة على اراء غيرنة نمشي ب طريق مو مرغب به بسبب عواطفنة وحبنة الة
احنة اليوم دنقنع نفسنة نمشي ونتصرف ب تصرفات احنة ممقتنعين بيها فقط بسبب ضياعنة وعدم معرفة احنة شنريد وشلون نتصرف

هذا كلامنة اليوم :
اني م رح اوصل متأكدة
اني رح اخسر اعرف
اني حظي مو وياية اعرفة
اني متخوفة انو اسوي هذا الشي
احنة اليوم كلنة راسبين

خلينة ببدال منكول هذا الكلام اللي يشجع العقل الباطن على تحقيقة ويخلي ثقتنة ب نفسنة محدودة
ويعدم الثقة ب الله والتوكل عليه

خلينة نبدلة ب طريقة تكون اكثر اطمئنان

اكو مقولة كلش حلوة(حاشاه لله ان يخذل عبده)

وصدك ماكو احد توكل على الله وخذلة ماكو احد دعى ربه ب قلب صافي ونية ورب العالمين ملبى دعائه
شيصير لو اني اليوم ب سجدة وحديث بيني وبين ربي شكيلتة
شيصير لو طولت سجدتي وشكرتة وكتلة(ربي يسر لي امري)
(ادعوني استجب لكم)
كل ما تضيق الدنيا نلزم سبحة كاملة ونكول(لا حول ولا قوة الا ب الله العلي العظيم)
ورح تشوفون شلون ب اقل وقت كل فرج رح ينور حياتكم
وكل ضيق تشوفوه راح وانمحى
وتشوفون حياتكم شلون تترتب

هاي السبحة احس بس المؤمن ب ربة حق الايمان يسويها لان كل كلمة من هاي التسبيحة تدل على عجز العبد امام الله الكبير
يعني اني اليوم اكول الربي اني ماعندي قوة انتَ قوتي
اني دا اكول الربي انتَ عليك توكلت انتَ الله الجميع بك قوتي وبك استعانتي

شكد رح يفرح رب العالمين ب توجه العبد الة
وشلون رح يبدع الله ب توفيقة لان التجأ الة وملتجأ العبدة ولا الغيرة
التجأ الى رب الكون رب العزة والجلال
...........
نص رح تكلولي هديل احنة ندعي بس مرات ميستجاب دعائي
احنة نتوكل بس ربي مينطيني(حاشاه)
رح يكون جوابي:
رب العالمين ابد ميتجاهل دعاء احد بس ب نفس الوقت رب العالمين يعرف اللي يناسبج ويعرف اللي يضرج
(اقرب اليكم من حبل الوريد)
رب العالمين ياخذ دعائج ويباوع للشي اللي انتِ ترديه بس هو يرتبة الج
مينطيج الترديه بس ينطيج الاحلى
وما عطاء ربي الّا ب جميل ومدهش

ينطيج اضعاف جمال الشي اللي جنتي رايدتة ينطيج الشي اللي تشكريه حق الشكر

ياخذ منج بس يعوضج ب اشياء كفيلة تخليج سعيدة العمر كلة
ينطيج شي ب لحظات ينسيج حزنج على الشي الراح منج
.........................

‏"عش مُتيقنًا أنَّ الله لا يريـد بك إلا خيـرًا  وكن محسن الظن بالله🖤"

الكاتبة_هديل_علاء
التوفيق للجميع❤️