✨منطق الحياة✨
فيروز
جنت اعرف محمد مو الي ومقتنعه
جنت اعرف بعمرنا ماراح ننجمع ولا
راح نكون سوه حتى لو امه رضت
هواي ناس ممكن تتساءل ياترى اكو
مثل ابوية وبالجنوب ؟! اول شي رح
يخطر ع البال مستحيل لان احنا
عادات وتقاليد اتفق اكثريتنا عادات
وتقاليد والاب مجرد مايعرف انو
البنيه تحب واحد تنقتل وتنذبح
بس مايفكر هو شنو تربيته؟!
غمضت عيوني اتذكر مواقفنا سوه
بقلب تعبان ويطلب الاستغاثه من
ربه كل لحظة تمر عليه واني اسمع
صوت الهلاهل تلچم بصدري اليوم
عرسه وكل ثانيه اتمنى الله ياخذ
عمري گبل ماتصير بغرفته ويتقربلها
ضربت خدودي قوي وبحسره واني
احچي بصوت مخنوك....خلص فيروزه
عافچ وراح هو ميحبچ وباعچ من يوم
الطلب منچ علاقة
گمت امشي وادك ع راسي باطراف
اصابعي متوجهه للشباك اللي بيتهم
يصير مقابيله....ميحبچچچ كافي اوهام
ميحبچچچ
وخرت البرده اباوعله شلون واگف يم
الزلم يضحك ويتشاقه ودموعي تصب
اخذ من صديقة السلاح وبلش يرمي
والفرحة باينه بعيونه ضربت ع الشباك
حيل وصحت بحرگة گلب.....الله
يلچم كلبكككك يامحمد مثل لچمة
گلبيييي
گعدت بالگاع اضرب ع راسي واتذكر
ليلة البارحه بالحنة مالته جنت رايحه
واكابر بس حتى ابينله مامهتمه گاعده
ع الكرسي عيوني ع العروس بس
بالي بغير مكان عيوني مغورگه وگوه
لازمه روحي بودي اگوم واگوللها هاذ
روحي وكل حياتي لاتاخذي بسس اخخخ
ياكرامتي ، صارت عيوني بعيون
امي باوعتلها وخانتني دموعي
نزلت راسي لان بس اضل اباوعلها
يمكن اموت بشهگاتي اجتي يمي گعدت
همستلي بهذن كلماتها اللي ماانساهن ابد
....لو كلمن دعى ياخذ حبيبه والله
استجاب جان ماشفتي واحد عاش
اختبار
خليت راسي ع متنها واني بس
دموعي تنزل باوعتلي جولير
رادت تجي ناحيتي عفتها وگمت
مسحت دموعي وسألت وحدة
من النسوان ع الحمام رحت دخلت
غسلت رفعت راسي بالمراية ابتسمت
هاي شصاير بحالي وكلي 16سنة
هيچ الحب يسوي الواحد ضعيف
وهش قربت وجهي اكثر للمراية
نزلت دموعي من جديد....شجاج
وحبيتي ياروحي مو جنتي محترمة
نفسج وعايشة تحبين نفسج واهلج
وبسس؟! مو اني اللي جنت اباوع
ع البنات اليتزوجن ويحبهن وهن
عمرهن 12 واگول ذني شبيهن
متلهفات هو شبي الحب تاليتي
انطاح حظي اكثر منهن
ضحكت بقهر.....باچر عرسه والمفروض
عرسنا باچر ينجمع هو وياها بغرفه
والمفروض اني وياه جان المفروض
اني اتسجل باسمه بس شو مو اني
نصيبه ولا هو قسمتي
أنت تقرأ
منطق الحياة
Misterio / Suspenso✒في السابعة من ابريل عند الساعة 9:00، مساءاً كل ليلة يبدأ ذلك المنزل بـالإنـهـيـار تـحـت مـا يـسـمـىٰ "ثـأر العَــشـائـر" تـخَـلـف، قـتـل، انـتـقـام صَـنـع "فـيـروزة مـهـمـشـه" داخـلـهـا سـرداب مـن الـذكـريـات والانـكـسـار كـوادي ذئـاب
