بسم الله الرحمن الرحيم مالك يا اريام بتنهجى كده ليه .... ثم اعطتها كوب مياه وقالت لها سمى الله يا حبيبتي خير اللهم اجعله خير
أريام وهى تشرب : الحمد لله بس انا تعبت قوي يا نورسين امتى هيخلص الكابوس ده بقى
نورسين: استهدي بالله يا حبيبتي معلش قلتلك لازم نروح نكشفلك
الكابوس ده كل ليله يجي لك بقى لنا خمس سنين وبرده في الغلب ده قلت لك لازم نروح نكشف عند اي دكتور وانتى مش راضية تسمعي كلامي
أريام: ما على ايدك من ساعه اليوم ده واحنا في مشاكل واخرهم موت ماما الله يرحمها
نورسين : بس والله كان احلى يوم عشان دخلتى في حياتي يا غزال انت يا قمر يلا يا حبيبتي قومي صلي الفجر بقى... وقالت بهزار احلى حاجه في موضوع الكابوس ده يابت انه احنا مش محتاجين نظبط منبه ولا حاجه على الفجر انتى ما شاء الله عليكى بتصحينا في الميعاد بالظبط
أريام : ههه طب يلا انا نتوضي بقى وبعد كده نبقى نتكلم
وبعد أداء الصلاه كل منهم خلدت الى النوم
وفي صباح اليوم قامت اريام من نومها و أحضرت الفطار لها و لنورسين وذهبت الى المهام الاصعب هو استيقاظ نورسين
أريام : نور يلا يا ماما بقى بلاش دلع يلا يا حبيبتي بلاش عطله عايزين نفتح المحل بدري عشان عندنا طلبيه كبيره النهارده وعايزين نسلمها قبل ما تحصل اي مشكله زي كل مره يا نور قومي بقى
نورسين بغمغمة : بصي بقى سيبيني اخطف حلم كده حلم واحد بس والنبي هو شغل هيطير يعني يا رورو
اريام : طب والله هعد لحد ثلاثة لو ما قومتى بقى بكوبايه الميه وفي وشك على طول 1 2 ..
قاطعتها نورسين بلهوجة وقالت : لا لا لالا ابوس ايدك مش كل يوم هو .... استغفر الله العظيم يا رب ادينى قمت اهو يا ستي
ثم قامت واعطت قبله لاريام وقالت لها صباحو العسل على احلى غزلان في الدنيا ..حضرتى الفطار بقى
اريام :
طول عمرك همك على بطنك اه يا اختي ....صباح الفل يا حبيبتي و حضرت الفطار زي كل يوم و يلا بقى بسرعه عشان ننزل على طول على المحل
..............
في احدى الاماكن الراقيه في القاهره يوجد شركه جولدن للامن ينزل من سيارته الفاخره ويتجه الى مقر شركته وتكون في انتظاره سكرتيرته ماريا ثم قال ...احم صباح الخير يا ماريا هاتي القهوه بتاعتي وتعالى ورايا على المكتب
وعايزه اعرف عملتى ايه فى تنظيم الحفلة
ماريا : حاضر يا بشر بيه
دخلت ماريا ومعها القهوه وقالت : تفضل يا فندم حضرتك طلبت نجيب ورده عشان الحفله اللي حضرتك منظمه النهارده في الشركه واتفقنا مع و ورد غزلان احسن احد في السوق حاليا يا فندم و هيبعث لحضرتك حد مندوب عنهم علشان ينظم القاعه ان شاء الله اي اوامر ثاني يا فندم
أنت تقرأ
اللعبة the game
غموض / إثارةكل لما تقوم تقع فى حفرة اكبر احساس وحش صح السعى فى استمرارية شئ مش عارف نهايته ايه اقولك على حاجه ما تيجى ندخل فى اللعبه ونشوف 🎯👌
