دقت الباب ثم استاذنت ودخلت وهي تحمل في يدها القهوه وتقول له : بشر بيه البنت منظمه حفله امبارح معها واحده بره وعايزه تقابل حضرتك
بشر بابتسامه مشرقه و لامعه في عينيه قال: نورسين !! دخليها بسرعه يا ماريا
ماريا بابتسامه :حاضر يا بشر بيه
كانت نورسين و اريام في ذلك الوقت يتجادلون بالخارج وحين قالت الاخيره انها مستاءه من الفكره ولكن اقنعتها نورسين بذلك لانها قالت لها ان بشر هو ضابط سابق سوف يتعرف على اي شيء بسهوله ويساعدهم للوصول إلى الرقم
ماريا : اتفضلوا بشر مستنيكم جوا يا فندم
وقف بشر لاستقبالهم وهو يقول مرحبا :اهلا آنسه نورسين ولا اقول راديو هانم ☺️
نظرت له اريام بنظره متفحصة و قالت لنفسها مش غريب عليا شكله مألوف ثم قالت بصوت منخفض لتسمعه نورسين فقط : دايماً كده فضحاني يا هانم وبعدين انا ليه الكلام معك تاني لما نروح يا ... يا راديو
قالت نورسين مخففه للوضع : قلبك ابيض يا استاذ بشر
ثم رد بشر عليها بابتسامه : احنا نشيل الألقاب خليها بشر بس ولا ايه يا نورسين
نورسين بإحراج : اكيد يا بشر ..احم
بصراحه كده انا كنت جايه لحضرتك فى موضوع خاص شوية
بشر : اتفضلي الاول قعدي انتي والانسه وبعدين نتكلم بالراحه تشربوا ايه الاول ؟!
قاطعته نورسين : شكرا والله يا بشر .. بس الانسه دي هي الموضوع كله
قال بشر : طيب ممكن تفهمينى براحه
قصت له نورسين كل ما تعرفه عن اريام ثم تنهدت و قالت : ها هتعرف تفيدنا بقى يا بشر ولا ايه ؟!
بشر بغموض : بصي لو مستنيه مني ان انا اقول لك ان الموضوع سهل وهحله لك في دقيقه ف لا الصراحه الموضوع صعب جدا.. بصراحه خصوصا ان اريام مش فاكره اي حاجه في حياتها اللي فاتت غير الرقم يعني انا حتى مش عارف هو رقم ايه ولا كام ..ولا هندور فين بالظبط هتلاقيه ف الموضوع هيبقى صعب جدا كأننا بندور على إبرة في كوم قش
كادت نورسين ان تقول الرقم و لكن قاطعتها اريام و قالت : انا اسفه جدا بس مش ها قدر اقول لحضرتك الرقم هو ايه .. لأن لو بصيت على الموضوع من وجهه نظري هتلاقي دي الحاجه الوحيده اللي امتلاكها في حياتي
بشر متفهما الموقف : خلاص ما فيش مشكله
ثم سكت قليلا و قال : بصي انا ممكن احاول بطريقه تانيه انا ممكن اقدر اجيب لك المعلومات كتيره قوي عن حياتك القديمه ...لاني اعتقد ان مفروض لما ده حصل من زمان و فقدتى الذاكره كان المفروض تتجهى لجهه حكوميه مش تدوري بنفسك مهما اللي وصلتله ومهما اللي عرفتيه اكيد مش زي اللي انا اوصل له
أريام : متشكره جدا لحضرتك وعلى وقتك ويا ريت اول ما حضرتك توصل لاي حاجه تتفضل وتكلمني اتفضل ده الكارت بتاع المحل هنستناك في اي وقت تشرفنا
أنت تقرأ
اللعبة the game
Mystery / Thrillerكل لما تقوم تقع فى حفرة اكبر احساس وحش صح السعى فى استمرارية شئ مش عارف نهايته ايه اقولك على حاجه ما تيجى ندخل فى اللعبه ونشوف 🎯👌
