ما تفتح يا حمار انت.... نظر لها بغضب وقال : ايه !!! انا !!! انتى بتكلميني انا يا بتاعه انتى .. عيدى تانى كده !؟
نورسين وهي ترفع يدها( وتشوح في وشه ): يا فتاح يا عليم يا رزاق يا كريم اغنيها لك يابا ولا اعمل لك ايه انا اصلا ما كنتش عايز اخرج من بيتي النهارده... كان مالي انا ومال الهم ده... قال ايه بشوح بأيدى كده وبقول لها لااااااااا انا عايزه ابقى اندبت وامن يا ماما عايزه اشتغل كنت حماره بعيد عنك
الله يرحمها كانت عندها نظرة صح فيا
نظره لها بشر باستغراب وقال : باااااااس ايه انتى بالعه راديو وبعدين اسمها اندبندنت وومن يا جاهله غورى من وشى يابت نشفتى ريقي
نورسين وهي محتقنه الوجه وقالت : انا بت انت قلت بت صح ؟! ده انت يوووومك اسود يومك ايه اسود
بشر معلقاً : يعني جاهله هي اللي عادي ومسكتى فى بت
ردت بتلقائيه وقالت : تدري ليش لانك ما كذبت والله علي
بشر بضحك : والله مجنونة
نورسين : ياعم فكها كده احنا جاين ناكل عيش و اسفه يا سيدى على كلمه حمار
بشر : طيب ما تفكرنيش بس عشان لو حد غيرك كنت زمانى دفنته
نورسين بابتسامه : الله يخرب بيت الروايات هي لحست دماغ العيال ...تدفن مين بس يا قمور ده انت تلاقيك مش لاقي تاكل يلا يا جدع مد ايدك خلينا اخلص و ساعدني.. فى الليله السودة دى عايزه أكل جعاااانة
بشر لنفسه : والله هبله ماشوفتش حد بالهبل والعته ده
وقال بصوت عالى : انتى مين طيب ...مش نتعرف الأول قبل ما افهم انتى عايزه اعملك ايه ؟!
نورسين : لا لا لا البيت ده طاهر وهيفضل طول عمره طاهر مسم ..قال نتعرف قال
بشر بضحك : لا حول ولا قوه الا بالله ...يا بنتى انتى مشكله والله العظيم ... قصدي اسمك ايه ياستى ؟؟ مش قصدى حاجه تانيه
نورسين : احم ...اذا كان كده ف انا اسمى نورسين وانت اسم الكريم ايه ؟!
بشر : اسمى بشر ...مبسوط انى اتعرفت عليكى
نورسين برقت عينها جامد وقالت : ينهااااااار اسود انت بشر بيه شهدى صحاب الشركه دى ...وكملت بمسرحيه وقالت : والله يا باشا ما كنت اعرف كان ينقطع لسانى يوم ما قولت ياحمار ..يا صغيره على هم ياللوزه ..يا شماته ابلة ظاظا فيا دى اريام هتعمل من فخادى بطاطس محمره
بشر من كثر الضحك : ..باااااس خلاص ايه يابنتى ايه رغى ده كله ..محصلش حاجه ياستى ...انتى اللى جايه تنظمى الحفله صح ؟!
نورسين بابتسامه : ايوه يا فندم
بشر بجدية : طيب يالا بقى اقولك محتاج ايه بالظبط
............
أنت تقرأ
اللعبة the game
Bí ẩn / Giật gânكل لما تقوم تقع فى حفرة اكبر احساس وحش صح السعى فى استمرارية شئ مش عارف نهايته ايه اقولك على حاجه ما تيجى ندخل فى اللعبه ونشوف 🎯👌
