ايوة حبيبة مالك مستغربة ليه ؟؟
ايوه حبيبة اللى بسببك حياتها ادمرت عشان غبائك ضمير ايه اللى بتتكلمى عنه ؟؟؟
انتى عارفة احنا تعبنا قد ايه فى البلد دى عشان بس ناكل أكلة حلوة و لا نلبس هدمه كويسة
قبل ما تردى عليا و تفتحى كلام الانشاء بتاعك
من يوم ما عرفتك و انا بكرهك انتى مش فاكرة حاجه صحيح ...بس طول الوقت انتى احسن و الاحلى و بتوصلى للمكانه اللى انتى عايزها
ثم اكملت و عينيها تنطق بكل غل و شر
خلصتى كلية من هنا لاقيتك ماسكه مكتب وزير الصحة ...و انا كنت لسه بلف على جرايد عشان اتقبل
طول الوقت عين ناس مبهوره منك ...طول الوقت. وانا مهمشة مافيش حاجه عملتها و مستنيه منها تقدير إلا لما يشوفوها عادى و ايه يعنى
نظرت فى صدمه : انتى اكيد اتجننتى... انا مش فاكره صح ....بس كل كلامك ده غلط ...سيبك منى انا اولع ياستى ..طيب ناس الغلابة اللى مش بتملك غير شويه ذكاء بتقدر تتعامل بيها شويه فى حياه
هى عقول الناس بقيت لعبه فى إيدك...انتى انسانه حقيرة و انا بحمد ربنا انى نسيتك من حياتى حرفيا
صقفت بديها : لا برافو عجبنى موضوع التعبير ده
ثم اكملت بغل : فين ميمورى كارد الحقيقى
ضحكت أريام : لو فاكره انى زيك ..رخيصه هبيع ضميرى تبقى غلطانه
صفعتها حبيبة على خدها بقوه : انا رخيصة ...هتشوفى الرخيصه دى هتعمل فيكى ايه
أريام : عدى الوقت من دلوقتى لانك هتدفعى تمن القلم ده غالى
................
كمال بزعيق : ادينى سمعت كلامك قولى بقى هنوصل ازاى ليها
بشر : ممكن تهدى عشان افهمك
كمال : ادينى متنيل هادى
نورسين : عم جرانديزر انت
نظر لها كمال نظره ارعبتها ف ابتلعت باقى حديثها
بشر : بص بقى احنا اساسا متفقين مع اريام و هنوصل لها بسهولة
كمال : كمان ...اخلص فهمنى فى اية ؟؟
بشر : بص يا سيدى
Flash back 🔙
بقولكم ايه انا هدخل اخد ميمورى كارد غصب عن اى حد ... الموضوع مفهوش نقاش
قالتها أريام بعصبية ثم دخلت إلى غرفتها فى الكوخ
ظلت تنتظر حتى دخلت عليها نورسين كما توقعت
فاقتربت منها : نور .. فين السلسلة ؟
نورسين : اهيه لابسها
اريام : طيب اقلعيها حالا
نورسين : انا مش فاهمه حاجه هتسلمى دليل تانى برضه
أنت تقرأ
اللعبة the game
Misteri / Thrillerكل لما تقوم تقع فى حفرة اكبر احساس وحش صح السعى فى استمرارية شئ مش عارف نهايته ايه اقولك على حاجه ما تيجى ندخل فى اللعبه ونشوف 🎯👌
