البارت الرابع..
الام بفرحه: يمهل ولا يهمل الحمدلله شوفتى مش قولتلك ربك مبيسَيبش
يارا بابتسامه: الحمدلله المهم اننا خلصنا منه
الام: انتي تقولى لسليم ده يبنتي يجي اشكره و يتغدى عندنا
يارا: ان شاء الله انتي معملتيش اكل ولا ايه
الام: لا لسة بقولك اي م ترني عليه يجي يتغدى النهاردة
يارا باستغراب: النهاردة.. اشمعنه
الام: اهو اشوفه و اشكره
يارا: ماشي
دخلت يارا غرفتها بدلت ثيابها و ادت فرضها و همَّت بالرنين على سليم..
يارا: السلام عليكم
سليم: و عليكم السلام خير انتى كويسة
يارا: لا لا كنت عايزة اطلب من حضرتك يعني تيجي تتغدى عندنا النهاردة ماما بتطلبها من حضرتك..
سليم: خلاص بإذن الله ساعه هخلص الشغل و هكلمك.. المهم انتي كويسة دلوقتى
يارا: اه الحمدلله احسن
سليم: يارب دايما
يارا: و اياك يارب خلاص هنستنى حضرتك
سليم: تمام ان شاء الله
يارا: سلام
سليم: سلام
_________________
عند سليم..
سليم لنفسه: يارب اجعلها من نصيبى و انا هتمنلها الرضا ترضى و الله يارب لو خير ليا قربها و لو شر ابعدها و شيل حبها من قلبي..
______________
في شركة الفريد..
فريد لنفسه بعدما داواه الطبيب: بقا انا فريد الشرقاوي يتعمل معايا كده و الله لاوريك ي سليم انت و الزفته اللى معاك ماشي يا حقيرة انا هوريكى
السكرتيرة: لسة بتفكر فيهم
فريد بشر: هو انا كده فكرت فيهم انا لو فكرت فيهم بجد همحيهم من على وش الارض
السكرتيرة(بالتأكيد ليست محجبه فمن يعمل مع فريد يجب ان يكون مثلها..): خلاص انا معاك و هساعدك
فريد: و ده المطلوب
(و نتركهم لافكارهم التى لا تعني لنا شيئ فهؤلاء من سلطت عليهم انفسهم)
__________________
في منزل مريم و تتحدث مع يارا على الهاتف..
مريم: يعني دلوقتى انا مش فاهمه هو عرف منين
يارا:هو قال انه سمعنا و احنا بنتكلم
مريم:انا شايفة ان اللافندي اكله عقله الست هانم
يارا:بت اتلمي عيب و بعدين اي اكله عقله دي
مريم بتنهيدة:انا بقول اللى انا شايفاه شوفتينى هبدت هل انا بهبد
يارا:انتي الهبد بذات نفسه
مريم:انا يبنتي شكرا على ثقتك الغاليه
ضحكتا الفتاتان
ثم قالت يارا بسرعه:بت الباب بيخبط شكله جه باي هكلمك بعد ما يمشي
مريم:ماشي ي عم الحبيب
يارا:غوري ي مريم غوري
_________
ام يارا تفتح الباب..
سليم:ازيك يا حاجه
ام يارا: ازيك يا حبيبي اتفضل يبني
سليم و عيناه تتفحصا المكان يتمنى رؤية حبيبته...
يتبع✨
