قبل ما ابدأ للبنات اللى بيقرأوا ع الواتباد دي نوڤيلا جزئين عشان كده ١٣ بارت بس اما البنات اللى بتقرأ ع الفيسبوك عارفين أن دي نوڤيلا جزئين♥️..
يريت نجمه ع الواتباد ولايك ع الفيسبوك انا بقالى اكتر من شهرين بكتب ف الجزئين دول😂♥️..
البارت السادس و الاخير..
~~~~~~~~~~~~~~~
"و سأفوز بحبك مثلما عاهدت نفسي "
بدأ سيف بالحديث:عارف ان ابويا غلط مع حضرتك قبل كده و اظن أستاذ سليم اخد حقك و انا اسف نيابة عنه لما ملك اجت عشان تشتغل عندى ف الشركة كنت عارف انها بنت حضرتَك بس اللى مكنتش اعرفه هي ليه اشتغلت عندى برغم ان والدها صاحب اكبر الشركات ف الشرق الأوسط قولت يمكن مشاكل و معلقتش لقيتها اخدة الموضوع بانتقام و تحدي بصراحه منكرش اني اعجبت بيها بس قولت اشوف اي السبب اللى خلاها عايزة تنتقم كده بعد مدة بينتلها اني وحش و ده اللى والدتي و اختي بيقولوه مع ان السبب ف اللى أنا فيه ده والدي كان بيعاملنى احسن من اختى و امى كان بيعامل امي ك خدامه كانت بتنام كل يوم بتعيط مكنتش بعرف اعمل حاجه كنت فاكر أنها من التعب ف شغل البيت و لا حاجه بس عرفت السبب لما ملك اجت صارحتنى بالحقيقه و اللى هو حصل مع حضرتِك كنت ف اللحظه دي مفكر ان ابويا مُغتال زي م كله عارف و اتفاجئت و انا مروح بأني و اختى ماشيين بيعيطوا و اتفاج واتفاجئت انه كان بيضحك علينا و هربان و كان امى و مهددها انها تمشي من البيت رجعتهم البيت و مشيته و دلوقتى بدعي أنه فعلا يمشي و ملوش دعوة بينا بعدها اكتشفت أن اختى بتكلم ابنكم و جيت ..
سليم بتنهيدة: انت ملكش ذنب باللي عمله ابوك راجل طول عمره مش دغري و مش صافي و قلبه مليان حقد و هو من كلامك جمد قلبك على امك و اختك بس م الرجولة مكنتش تعامل امك و اختك بقسوة امك اللى شايلاك و عارف ان ملك غلطانه و عاقبتها و انا اسف ع اللى مازن عمله صدقني مش هعديهاله..
يارا: ممكن تنسى كل ده و تخلى مريم تجيلى هنا من غير م تعرفها ان ده بيتى
سيف:بس هي عرفت اسم ابنك كامل و عنوانه اكيد عرفت أنه ابنك
سليم: خلاص محلولة انا هاخد يارا ع الكافيه اللى ع اول الشارع و انت تجيب والدتك كأنك عازمها و بس
سيف و هو ينهض: خلاص تمام بإذن الله و شكرا جدا بس أنا عندى طلب من حضرتك
سليم: اتفضل انت زي ابني
سيف: ممكن تخرجوا ملك م الموضوع ملك عملت الصح و اللى كنت لازم اعرفه مكنتش هعيش طول عمري عامي عن الحقيقه اكيد كنت ف يوم هعرف ..
سليم: متقلقش ملك مش بتتعاقب عشان قالتلك انا بعاقبها عشان عملت حاجه مكنتش عامله حسابها و من دماغها م خدتش رأيي أو رأي والدتها
سيف: انا متأكد انها لو كانت قالت لحضرتك مكنتش هتقبل ف ممكن تعفيها م العقاب
سليم: بإذن الله المهم متنساش تجيب والدتك ع الكافيه
سيف و هو يخرج من الباب: بإذن الله عن اذنكم
~~~~~~~~~~~~~~~~~~
دخلت يارا لابنتها..
يارا لملك و هي لا تنظر إليها: على ما اظن ان كان في قصة حب بينك و بين استاذ سيف
ملك باستغراب: قصة حب أي و مين اللى قال الكلام ده يا ماما اكيد هو شوفتي عايز ينتقم مني و الله لاوريه
يارا وهي تلتفت إليها بغضب:انتي ليكى عين تتكلمي الراجل جاي يشتكى من اخوكي و يقولنا نعفيكي م العقاب و أن اللى عملتيه ده صح و انتي بتقوليلي انتقام يبنتي ارحميني انتى عايزة اي بالظبط انا و ابوكى قولنالك ملكيش دعوة بحاجه انتى عايزة تموتيني
ملك ببكاء: بعد الشر عنك انا اسفه
تركتها يارا و غادرت لتبدل ثيابها ف اليوم ستري رفيقتها المقربة ف قد اشتاقت لها و بشدة
ارتدت يارا ما رأته جذابا أمامها
ذهبت يارا بصحبة سليم الى هذا ما يسمى (الكافيه)
~~~~~~~~~~~~~~~~~~~~~
عاد سيف لمنزله و بداخله شيئ سيفعله بالتأكيد و اليوم عندما يذهب بوالدته إلى الكافيه..
دخل سيف من باب المنزل..
هروبا اليه والدته:عملت اي يبني
سيف بابتسامه: هحكيلك عملت اي بس ف الطريق بس دلوقتى تروحي تغيري لحاجه شيك كده و تيجي معايا
مريم:ليه؟
سيف:يلا يا ست الكل تعرفي كل حاجه ف الطريق
ذهبت مريم لتبدل ثيابها
نظر سيف لأخته التى ما زالت الدموع في عينيها ذهب اليها
سيف و هو يربت على كتفها: خلاص اللى حصل حصل و ده اكيد كان هيبقا رد فعلى انا لو مكنش الغلط عليا كان زماني مفشفش دماغك بس الحق كان عليا انا .. أنا اللى مكنتش معاكى من الاول كان المفروض أعلمك و افهمك أنه غلط و حرام بس اللى حصل .. المهم متتكررش تاني
انفجرت جودي في البكاء و ارتمت في حضن أخيها
جودي ببكاء: كان نفسي تبقى معايا من بدري تعرف كل اخوات صحابي بيجوا ياخدوهم لو كان علينا درس بليل عشان ميمشوش لوحدهم و انا كنت بمشي ورا اي ماشي من نفس طريقي عشان كنت بخاف امشي لوحدى بليل كنت بخاف اركب تاكسي لوحدي كنت باجي مشي كانت اه رجلي بتوجعني و اوي كمان بس كنت بقول لنفسي اهو احسن ما حد يخطفك
(جماعه انا فعلا بكره التاكسي مش بركب تاكسي غير مع بابا أو ماما عشان بكون مرعوبة اصلا .. فكرة أن حد غريب بيسوق تاكسي و انا بس اللى راكبة بترعبني😂)
سيف بحنان:من النهاردة اي درس أنا اللى هاخدك منه و هوديكي كمان حتى لو الشغل هيقف عليا هسيبه و اجيلك
جودي بابتسامه و ما زالت الدموع في عينيها: ربنا يخليك ليا
سيف:و يخليكوا ليا..دلوقتى توعديني انك مش هتكرري اللى عملتيه ده تانى
جودى و هي تشير برأسها دلالة على موافقتها: حاضر و الله وعد مش هيحصل تاني
مريم من خلفهم: انا خلصت يا ابنى بس قولى رايحين فين
سيف: هقولك ف الطريق
مريم: و جودي انا مش هسيبها لوحدها ف البيت
سيف: و مين قال إنها هتفضل لوحدها هي هتيجي معانا
جودي: هاجي فين و انتوا رايحين فين اصلا
سيف: يا ربي يلا يا حبيبتى هقولكوا ف الطريق
خرجوا جميعهم و ذهبوا إلى المكان المنشود..
~~~~~~~~~~~~~~~~~~~
ملك في غرفتها
:هو اي اللى عمله الكائن ده انسان براس بخاخه صحيح و بعدين الزفت مازن ده عمل اي اصلا و هو يعرفه منين
ثم نادت بصوت مرتفع
:واد يا ماااااااااازنن ميزوووووووو مصااااايب خدددد عااااايزاااك
والدها من الخارج: اخرسي يا وش مصايب أما اجيلك و اشوف حوارك اي
ملك لنفسها: و انا مالى يا لمبي الراجل جاى يشتكى من مازن انا مالى بس و ربي لاعرف عمل اي
خرجت ملك بهدوء لتعرف ماذا فعل أخيها سمعت والدها يقول مازن
=بقا أنا ابنى يعمل كده انت عارف بعملتك دي زودت خنقتى اكتر مرة اختك و مرة انت مش عارف انتوا عايزين مني ايه عايزين تجلطوني
_ يا بابا اي اللي حصل بس ولد و كلم بنت انا ايه اللى كان عرفني أنها اخت الراجل اللى الحوار ده كله عليه اصلا
=انت بجح اه و الله الغلطه غلطتك يا محترم يا ابن الناس و الغلط راكبك من ساسك لراسك و بردوا بتبجح قسما بالله لولا ان احنا مستعجلين كنت قتلتك و انت واقف قدامي كده مش عارف انا عملت اي في حياتي عشان ربنا يرزقني بمصيبتين
مازن بخفوت:و الله بحبها اعمل ايه
سليم و هو بصفته على وجهه بعصبيه:بتحبها اي ياااا بجححح يااا قليييل الربااااية عيلههه لسهه مطلعتشش من البيضه و تقووولى بحبهاااا دي طفلهههه يااا متخلللف عاااارف يعني ايي يعني حرام عليك و عليا لو وافقتك
ذهب سليم بغضب من أولاده فبالتأكيد هم يخططون للتخلص منه عاجلا غير اجلا ..
____________________
في المكان الذي ننتظره جميعنا و بفارغ الصبر (الكافيه)..
يجلس سيف بصحبة والدته و شقيقته يتركهم على احر من الجمر ينتظرون من الذي يريد رؤية مريم و لماذا؟..
فجأة و بدون مقدمات وجدت مريم من يُغمي لها عينيها بيديه ..تحسست مريم يد الذي يغمي عينيها قائلة: مين
أزالت "يارا"يديها وقفت مريم لترى من الشخص الذي اغمى لها عينيها التفتت مريم لتتفاجأ ب صديقتها التى اشتاقت لها و بشدة
عانقتا الصديقتان بعضهما باشتياق يفوق الوصف فكلاهما كان يتمنى فقط رؤية الأخرى حتى لو عن بُعد
يارا ببكاء:وحشتينى اوى
مريم ببكاء أكثر: وحشتينى اكتر انا اسفه و الله هو السبب و الله و انا كنت غلطانه من الاول
يارا:خلاص اللى حصل حصل و اللى فات مات انسي اللى فات خالص و خلينا نبدأ من جديد
مريم و هي تزيل دموعها: و الله اللى حصل مش بإيدي
يارا بابتسامه و هي تعانيها:خلاص قولنا اللى فات مات و انسي اللى حصل كأن مفيش حاجه حصلت
سيف و هو يحمحم: اسف على قطع اللحظه السعيدة دي بس في حاجه عايز اقولهالكوا بالمناسبة السعيدة دي
سليم بابتسامه: اتفضل
سيف بتوتر: هو بصراحه كنت طالب من حضرتك ايد ملك ده بعد اذن والدتي طبعا
سليم بضحك: انت متوتر ليه بس ع العموم اعمل يا سيدي بالأصول و تعالى اتقدم
سيف بفرحه: بجد يعنى الخلاف اللى كان بينكم و بين ابويا اللى اسمه فريد ده مش هيخليكوا ترفضوا
يارا: انت اهبل يا ولا انت مش سامعنى لسة قايلة انسي اللى فات و كأن مفيش حاجه حصلت
مريم و هي تعانق ابنها بفرحه: حبيبي انت تصدق مكنتش متوقعه
سيف بحرج: عادى يعني
جودي و هي تحتضن أخيها: مبروك يا سيفو
سيف: الله يبارك فيكى يحبيبتى
ثم قبل رأسها .. بس لسة منعرفش راي صاحبة الشأن
يارا:متقلقش منها دي بنتي و انا عارفاها هي اه طاقة منها بس طيبة و تلاقيها بتحبك في الدرا اصلا
ابتسم سيف و بداخله يتمنى أن توافق
_________________
في المساء حضر سيف مع والدته و شقيقته و كانوا كما نقول نحن "متشيكين ع الآخر"
مريم ليارا: وحشتني قعدتنا مع بعض اوى
يارا بضحك:من دلوقتى هنفضل مع مفيش حاجه ورانا كبرنا و عجزنا و قاعدين لا شغلة ولا مشغلة
خرجت ملك و هي تحمل صينية بها اكواب مليئة بالمشروبات الغازية ليست ب "الشربات" فنحن تقريبا في جيلنا هذا نرى أن "الشربات" هو فقط له لون وليس به أي طعم و لا نقدمه في هذه المناسبات و حين نُفكر بأن نتذوقه فيكون للتجربة لا اكثر
قدمت ملك الاكواب بهذا الترتيب
(مريم»جودي»سيف»سليم»يارا»مازن)
{معرفش هم بيقدموا المشروبات لاهل العريس بس ولا أهل العروسة كمان الله اعلم😂}
ثم جلست بجانب والدها و هي ترسم على وجهها علامات الضيق فالبطبع يا سادة هذا ضيق مصتنع فقط من أجل كرامتها فمن داخلها تتطاير اساريرها من الفرحه ..
مريم بابتسامه: طبعا احنا اتكلمنا في الموضوع النهاردة بس احنا جايين النهاردة عشان نطلب ايد ملك لابني سيف
سليم بابتسامه: و الرأي رأي ملك
ثم نظر لملك..صح ولا ايه
ملك بخجل: لازم اصلي استخارة الاول
مريم: براحتك يا حبيبتى..ثم وجهت نظرها ليارا..مش المفروض نسيبهم مع بعض ولا ايه ...
يارا: اه طبعا يلا احنا نقوم نقعد جوة عقبال ما يتكلموا شوية
سليم و هو ينظر لمازن: قدامى يلا هنطلع احنا نقعد برة
مازن بضجر من والده فهو يريد أن يجلس ليرى جودى فقط و بالطبع يعلم والده فأخذه من "قفاه😂" و خرج..
اما جودي فكانت تجلس بحرج من كل الحاضرين فجميعهم علموا الآن و من نظرها يرون أنها فتاة غير محترمه
يارا لجودي: تعالى يا حبيبتى معانا يلا
جودى بحرج: حاضر
خرجوا جميعهم و تبقى "ملك" و "سيف"
ملك بضجر مصتنع: اي جاي تنتقم منى
سيف و هو يمسح على وجهه: يارب الصبر من عندك ..اي اللى هيخلينى انتقم منك و بطلة تبينى انك متضايقة و زعلانه و مخنوقه اني جيت اتقدملك و انتى اول م ابوكى قالك الراي رائيك .. و هو يقلد صوتها "لازم اصلي استخارة الاول" لو انتى متضايقة مرفضتيش ليه عشان تعرفي انك بتحبيني
ملك بضيق مصتنع: اي بلاعه اتفتحت براحه شوية
سيف و هو ينظر لها بسخرية: يا شيخه يعنى بزمتك مش فرحانه
ملك بتوتر: هفرح ليه يعنى .. واحد متقدملى قولت مكسرش بخاطره و خلاص
سيف: يا شيخه قولى و الله
ملك و هي تنظر له بضجر: استغفر الله العظيم
سيف: طب ما خلاص عرفنا انك بتحبيني فكي بقا
ملك: مين قالك انى بحبك
سيف: انتى
ملك باستغراب : انا؟!
سيف: اه ..مش انتى قولت "مين قالك اني" و بعدين قولتي "بحبك"
ملك بخجل: ع فكره انت فهمت غلط انا قصدى انت عرفت منين ولا بتفتى و خلاص
سيف: تخلصي الخطوبة نحددها انتى
ملك: خطوبة اي انت اهبل مش لما اصلى استخارة
سيف: اشطا نستنى بس بسرعه ها بكرة الصبح بالكتير اعرف
ملك: و هي تنهض: ان شاء الله
ثم غادروا لتذهب ملك لمريم و يارا و جودي و يذهب سيف لسليم و مازن
_________________
بعد عامين
صاحب"الدي چي"
دلوقتي دور رمي البوكيه يلا كل صحاب العروسة يتجمعوا هنا و يا حظ من هتمسك البوكيه هيبقى الدور عليها يلا يا بنات ..
استدارت ملك و قامت برمي البوكيه
جودي بفرحه بعدما التقطت البوكيه: هاااااااااي مسكتههه
ضحك جميع من بالقاعه..وجهت نظرها لمازن رأته يغمز لها من بعيد و يبتسم..
خجلت جودي و ذهبت لتقف بجانب أخيها الوحيد ..
"و كانت خطواتنا بها العديد من المعضلات ولكن اتمها الله علينا بالكرم.."
"تمت بحمد الله" ❤️
✍️Afnan elfeky
#افنان_الفقي
#و_قبلت_التحدي
