جعلتني مهووساا (الجزء الاول)

البارت التاسع عشر

رواية: جعلتني مهووساا
                    البارت التاسع عشر

ريتال: انا جالي عريس وشكلي كدا هوافق
رهف وعاليا وتالين مع بعض: نعاااااااااااااااااام
ريتال: اي يا حيوانه انتي وهي خضتوني
عاليا: مين العريس يعني
ريتال: عمران
رهف: عمران مين
ريتال: دكتور عمران
تالين: اعااااااااااا
ريتال: يا شيخه ابو ال يعرفكو تاني انتو قطعتولي الخلف
عاليا بفرحه: استني بس يعني بجد دكتور عمران طلع بيحبك زي م كنا متوقعين
رهف: هههه والبغل بتاعنا كمان طلع بيحبه
ريتال: انتي صاحبة مش كويسه يابت يا رهف وانا مش هعزمك علي شبكتي انا وعمرانتي
رهف: بقيتي بجحه اووووي يا توتا
تالين: بااااااااس بقا انتو اطفال كدا ليه
عاليا: اخيرا واحده مننا خدت الشخص ال هي بتحبه المهم يابت يا ريتال احكيلنا ال حصل
حكت لهم ريتال كل ال حصل ضحكو عليها البنات جميعااا وعلي افعالها
عاليا بضحك: الله يحرقك داخله بالبجامه كدا يا بجاحتك يا شيخه
ريتال: الراجل محترم ياختي بص ف الارض وقالي البسي حاجه الاول
رهف: الله اكسفك المهم هتقوليلو ع الموافقه امتي ولا ناوية الاول ترفضي وتدوخيه وراكي
ريتال: لا ياختي لو رفضت مش هطوله تاني خاااالص
عاليا: مش هتطوليه تاني ازاي
تالين: ايوا صحيح يعني اي
ريتال: اصله قالي لو موافقتيش دا عمره م هياثر علي علاقتنا كطالبه ودكتورها
رهف: طب والله دكتور عمران دا محترم وانا احترمته اوووي بصراحه من كلامه دا
عاليا وتالين: اهاااا فعلاااا
ريتال: انا صليت استخارة وارتاحت وهصلي تاني بردو وبعد كدا هقول ردي لبابا
عاليا: وهيبقي عندنا شبكه وهلبس فستان لولولولييييي
ريتال: نعم يروحمك انتي ملبستيش فستان يوم شبكتك يعني ولا اي
عاليا: يا حيوانه قصدي ابقي صاحبة العروسه بقا وكدا وبعدين يلا بقا عشان تعبانه من الشغل وهموت وانام
رهف: ماشي يا حبيبتي روحي بس انتي هتيجي شبكة ريتال
ريتال: ليه وهي دي عايزة كلام ولا اي طب تبقا تفكر بس انها متجيش كدا وتشوف هعمل فيها اي
عاليا: اكيد يا قلبي هاجي
تالين: ياريت بقا تيجي قبل الشبكة بيومين عشان نعرف هنلبس اي
رهف: ايوااا بالظبط
عاليا: اشطاااا هرتب اموري هنا واجي
ريتال: تمام يلااااا بقا بالسلامه
عاليا ورهف وتالين: سلام
*******************************
في صباح يوم جديد على ابطالنا باشعة الشمس الذهبية
فهد: اصحابي جايين انهاردة
ملك: وبعدين
فهد: متطلعيش برة باب الاوضه غير لما اطلب منك
ملك: طب انا اتخنقت وعايزة اخرج
فهد: واتخنقتي من اي بقي انا بقالي يومين برجع من الشغل بدري عشان اقعد معاكي ومتعقديش لوحدك
ملك بتلقائية: يا حبيبي جاي علي نفسك اوووووي كدا ليه
فهد: مبحبش التريقه ف الكلام سامعه
ملك بصوت عالي: فهد انا تعبت واتخنقت بقالي اكتر من اسبوعين مشوفتش الشارع حتي وكل م اقولك اني اخرج تفضل تزعق وتقولى انا مش جايبك افسحك هي فترة وهطلقك اناعارفه انك مش بتحبني عارفه انك بتعمل كل دا عشان خاطر جدك وعارفه انها فترة وهتسيبني وهتبعد عني نهائي بس انا مش هفضل طول السنه دي مخرجش كدا مش هفضل محبوسه بين 4 حيطان
انهارت ملك ف البكاء وجلست علي الارض تبكي ثم اكملت كلامها ياريتني كنت مع بابا وماما وهما مسافرين كان زماني ارتاحت ومتحطتش ف الموقف دا ع الاقل كنت هبقي ف وسط ناس متاكده انهم بيحبوني مش مغصوبين عليا 
تاثر فهد بها كثير وجلس امامها علي ركبه وضمها اليه
فهد: متزعليش مني انا مش قصدي والله كل ال انتي قولتيه دا انا بس كل الحكاية اني عندي شغل علطول وانا خايف لو تخرجي لوحدك حد ياذيكي انا عارفه ان ابن عمك دا مش هيسيبك وهيحاول ياخدك مني اوعدك اني هخرجك
ملك بدموع وهي تبتعد عنه: انهاردة ؟
فهد: انهاردة
ملك: هتوديني الملاهي وناكل ايس كريم
فهد: هوديكي الملاهي واكلك ال انتي عايزاه
ملك بفرحه وهي تقوم من مكانها: طب هدخل اجهز بسرعه
جاءت لتمشي مسكها فهد من معصمها وقال: استني عمار وعصام جايين هيقعدو معايا شوية وبعد كدا نخرج
ملك: ماشي هدخل اجهز واستناك لحد م يمشو عشان نخرج علطول
فهد: اعملي ال يريحك احم هو فيه عصير ف التلاجه ولا اعمل انا ؟
ملك بابتسامه جميله: لا متعملش فيه عصير مانجا انا لسه عاملاه ولو عايزين اي حاجه نادي عليا اعملهالكو
فهد بابتسامه: تمام شكرا
ابتسمت له ملك ودخلت غرفتها لكي تجهز
بعد وقت جاء كل من عصام وعمار وجلسو مع فهد ف غرفة الضيوف
فهد: رجلك خدت علي القاهرة يا عمار
عمار: اتصدق انا غلطان اني عبرتك يلااا انا كان عندي شغل هنا وقولت اسلم عليك
فهد بضحك: منور والله يا عفريت
عصام: المهم قولى انت عامل اي
فهد: الحمد لله تمام
عصام: رنيت عليك مردتش رنيت علي عمار قال انو راح يشوفك ف الجهاز قالولو انك لسه مروحتش قولتلو نيجي نطمن عليك ونقعد معاك شوية
فهد: نورتوني والله انا كنت نازل الشغل بس كنت تعبان شوية ف اخدت اجازة انهاردة
عمار: معلش يعني الفهد تعبان وياخد اجازة تيجي ازاي دي
فهد: واي ال فيها ياخويا اروح وانا تعبان يعني
عمار بضحك: بس انا شايفك قدامي حصان اهووو ولا الجواز عجبك
فهد: اوماااااااااال لو مش عارف ال فيها يعني
عمار: عارف يسطااا بس حافظ عليها بقااا
فهد باستغراب: احافظ عليها ازاي يعني وليه ؟
عمار: كدا كدا انت هتطلقها وهي بصراحه قمرررر ومحترمه ف انا فكرت ف اني اتقدملها بعد الطلاق
فهد بضيق: انا هقوم اجيبلكم حاجه تشربوها
قام فهد دخل المطبخ بغضب شديد
عصام بهمس: انت مجنون يابني اي ال انت بتقوله دا متنساش ان فهد صعيدي وميقبلش ان حد يبص لحد تبعه خااالص م بالك بقا مراته
عمار: هو انا بصيت ؟
عصام: لا الحقيقه مبصيتش بتقوله مراتك قمر ومحترمه بس انت عايزه يخلص عليك يابني
عمار: اتقل علي اخوك انا مش عايزه يضيع البت من ايدة بغبائه وانا مش عيل ولا تافه اني ارفع عيني حتي ف مرات صاحبي
عصام: قصدك ايه ؟
عمار: قصدي ان صاحبك وقع
عصام: بس كدا ممكن يزعل منك
عمار: هبقي اقوله بعدين انا بس عايز افوقه قبل م يضيعها منه ويطلقها بجد او تكرهه هي بعمايله
عصام: ربنا يستر
جاء فهد بالعصير وجلس معهم ولكنه كان دائما سرحان يفكر ف كلام عمار خرجت ملك ونادت عليه
ملك: فهد فهد
عمار: يخربيت الرقه يا جدع
فهد بغضب: عايز تكمل بقيت حياتك سليم حافظ علي لسانك يا عمار وتركه وخرج
غمز عمار لعصام وقال: مش قولتلك
عصام بضحك: طب هدي اللعب شوية عشان لما بيغضب مبيشوفش قدامه
عمار: سيبها علي الله
# عند فهد
فهد بغضب : انا مش قولتلك متخرجيش من الاوضه
ملك: تليفونك مبطلش رن
فهد بصوت عالي: انا قولتلك قبل كدا اي حاجه تخصني ملكيش دعوه بيها صح ولا لا
ملك بدموع: اسفه
فهد بصوت عالي: غوري من وشي ومش عايز اشوف وشك برة تاني
دخلت ملك غرفتها بسرعه وهي تبكي ورجع فهد مع اصدقائه
*******************
ف شركة الادهم كانت تجلس عاليا مع ادهم ليعرفها كيف سيكون شغلها
عاليا: هو مش ممكن اي حد غير حضرتك يعرفني الحاجات دي
ادهم: ممكن
عاليا: طيب ممكن تقول لحد يعرفني ع الشغل دا بدال حضرتك عشان تشوف انت شغلك
ادهم: حد زي مين
عاليا: ممكن امجد اعتقد ان شغله هنا خفيف عشان شغله التاني فلذلك يقدر يفهمني كل حاجه
ادهم بغضب يحاول يخفيه: لا مش ممكن
عاليا باستغراب: ليه
ادهم: انتي لسه قايله ان امجد شغله هنا خفيف محدش يعرف ف الشغل دا زيي
عاليا: تمام
بعد وقت انتهو من عملهم
عاليا: اوووف الشغل هنا متعب اوووي وصعب
ادهم: لو شايفه انك مش قده يبقا قدمي استقالتك وخليكي ف بيتك
عاليا بغضب: انا بقول صعب مش بقول انا مش قده
ادهم: خلاص روحي علي مكتبك ف ملفات هتوصلك عايزها تخلص انهاردة
عاليا: تمام
ادهم: اتفضلي
عاليا بتلقائيه: هو امجد مجاش انهاردة
ادهم باستفزاز: ليه؟ هو جنابك مكلمتهوش عرفتي منه هييجي ولا لا ولا انا السكرتير ال عارف مواعيده
عاليا: لا طبعا مبكلمهوش علطول غير كدا انا مقولتش انت السكرتير انا بسالك كصديقه اكيد تعرف هو فين
ادهم: علي مكتبك
عاليا: رد علي سؤالي
ادهم بصوت عالي: وانا بقولك علي مكتبك
خرجت عاليا بسرعه وخوف من صوته علي مكتبها
عاليا لنفسها: دا اتجنن خااالص اي ال حصله دا
دخلت عليها الموظفه بعد ان اذنت لها عاليا
الموظفه: السلام عليكم
عاليا بابتسامه: وعليكم السلام ورحمة الله وبركاته
الموظفه: انا حور
عاليا: اهلا بيكي انا عاليا
حور: دي الملفات ال مستر ادهم طالب انك تخلصيها انهاردة
عاليا بصدمه: نعاااااااااااااااااام اخلص اي دا انا لو قعدت عليهم اسبوع مش هخلصهم
حور: والله بقا معرفش انا استغربت وقولتلو بس مستر ادهم هو ال قالي اديهوملك
عاليا: طيب خلاص متشكرة يا حور اتفضلي انتي علي مكتبك يا حبيبتي
حور: تمام عن اذنك
عاليا بابتسامه: اتفضلي
خرجت حور وظلت عاليا جالسه تفكر
عاليا لنفسها: منك لله يا ادهم يا ابن ام ادهم طب انا كدا شكلي هتاخر هكلم ماما اقولها بقي رنيت عاليا علي والدتها
عاليا: ايوااا يا ماما 
والدتها: اي يا حبيبتي خير في حاجه
عاليا: ممكن اتاخر انهاردة شوية عشان لو مجيتش ف معادي
والدتها: وتتاخري ليه
عاليا: عندي شغل كتير
والدتها: ماشي بس حاولى متتاخريش اوووي بردو
عاليا: حاضر يلا بقا سلام
والدتها: سلام
ظلت عاليا تعمل علي الملفات حتي جاء الليل وهذا كله كان تحت عيون ادهم الذي كان يراقبها عبر الكاميرات وكان كل من ف الشركه ذهبو وبقي عاليا وادهم الذي لم يذهب الي بيته كان ينتظرها الي ان تخلص عملها وتذهب الي بيتها هي اولا
بعد وقت الباب خبط استغرب ادهم لان كل من بالشركه ذهبو الا هو وعاليا من الذي بقي الي الان
ادهم: ادخل
دخل امجد عليه
ادهم باستغراب : انت لسه موجود ليه لحد دلوقتي
امجد: عاليا لسه قاعده لحد دلوقتي ليه
ادهم دون ان ينظر لها وينظر علي اوراق امامه: عندها شغل
امجد: وانت ؟
ادهم: مالي
امجد: اول مرة تقعد لحد دلوقتي ف الشركه يا ادهم
ادهم: عندي شغل مهم هخلصه واروح
امجد باستهزاء: ومن امتي الكلام دا انت عمرك م عملتها دايما بتاخد باقي الشغل معاك البيت اشمعنا انهاردة ال فضلت ف الشركه
ادهم: لسه فيه موظفين ف الشركة مينفعش اروح قبلهم
امجد: اول حاجه مفضلش غير موظفه واحده تاني حاجه عمرك م عملت حساب لكدا كنت بتمشي وفي موظفين عادي
ادهم بصوت عالي: انت عايز اي يا امجد
امجد بصوت عالي هو الاخر: عايزك تفوق وبلاش لعب العيال ال بتعملو دا وانا وانت فاهمين كويس
ادهم: ااامجد كلمه كمان هنسي انك صاحبي
امجد: انت نسيت يا صاحبي اني صاحبك اصلاااا وبقي فيه حاجات كتير بتخبيها عليا
ادهم: شوف مين فينا ال بيخبي عن التاني
امجد: لو خبيت عنك حاجه بتبقي عشان مصلحتك
ادهم باستهزاء: مصلحتك ف انك تاخد مني حاجه ملكي
امجد: واي هي الحاجه ال ملكك ال اخدتها
ادهم بغضب: عاليا
امجد: انا م اخدتش حاجه منك ولا خدت عاليا انت مبتحبهاش ولا عمرك حبيتها الحب مش انك تقول انها بتاعتك ومحدش يلمسها ولا ييجي جنبها الحب تبادل بين الطرفين وانك تعمل المستحيل عشان تبقي ليك وف حضنك مش ملكلك زي انت م بتقول كلنا ملك الله انا شوفتها وعجبتني وحبيتها واتقدمتلها وخطبتها وكمان اسبوع واحد هتكون مراتتتتي كان امجد يقول اخر كلمه بتاكيد شديد وتركه وذهب جاءت عاليا علي صوتهم العالي رات امجد خارج من مكتب ادهم بغضب شديد
عاليا لنفسها: هو في اي امجد خارج متضايق اوووي كدا ليه مش مشكله هبقي اساله بعدين هروح دلوقتي لادهم عشان تعبت اوووي
استاذنت ودخلت لادهم كان واقف امام مكتبه وظهره لها
عاليا بتعب وارهاق: فاضل ملفين او تلاته هاخدهم معايا البيت اخلصهم لاني تعبت
ادهم بغضب شديد وصوت عالي: غوررري من وشي
عاليا: نعم
ادهم بقولك: غوري خلصي شغلك وغوري ف داهيه
عاليا بصوت عالي: انت اي مبتحسش بقولك تعبت مش قادرة الساعه دلوقتي 11 هروح امتي وانام امتي واجي امتي الصبح
ادهم باستهزاء: والله كويس اول يوم ليكي تكوني سكرتيرتي ومستحملتهوش الافضل ليكي تقدمي استقالتك دا احسنلك صدقيني
عاليا: متخفش يا استاذ ادهم انا فعلا هقدمها بس ع مزاجي انا مش مزاجك انتي
ادهم بضحكه مستفزة: ههههه انتي ناسية اني ممكن ارفدك اصلاااا
عالي باستفزاز اكثر وهي تقترب منه : بصفتك اي بقااا ان شاء الله
ادهم بغضب: بصفتي صاحب الشركه دي
عاليا: تؤتؤ متقولش صاحب الشركه لان خطيبي شريك ف الشركه دي
ادهم بغرور وهو يجلس علي مكتبه: عادي عندي استعداد افض الشراكه دي حالا
عاليا: والله دي حاجه ترجع لاصلك ولو عملت كدا فعلا مع صاحبك هو مش هيموت من الجوع يعني اول حاجه ان دي مش مهنته اصلا تاني حاجه بقااا اقل حاجه ممكن اعملها هخليه شريك ف شركات الشيخ كلها او هبدا انا وهو مشروع من الصفر وهفضل جنبه لحد م يبقا اعلي منك 100 مرة متفكرش نفسك حاجه اوووي كدا غرورك دا ممكن يخسرك حاجات كتير اووووي واول حاجه هي صاحب عمرك وصدقني لو امجد يقولى اسيب الشغل هسيبه من دلوقتي عن اذنك عشان اخلص شغلي وامشي وتركته وذهبت قبل ان يرد عليها تركته ف دوامة افكارة
**************************
# ف مكان اخر وتحديدا ف نيويورك
صقر بيرن علي عدي وتليفونه مقفول قلق جدا وطلع يدور عليه فضل يدور عليه ف كل مكان متعود انه يروحه او يقعد فيه ملاقهوش رجع البيت وطلع غرفته ورن عليه تاني واخيرا الفون اتفتح
صقر: انت حيوان يابني تليفونك مقفول ليه
الشخص:(I'm not the owner of the phone)
(انا لست صاحب الفون)
صقر:(Where is his owner) اين صاحبه؟
الشخص:(make an accident) عمل حادث
صقر:(? How is this and in any hospital) كيف هذا ومستشفي اي
الشخص: hospital *******
صقر:(I'm coming quickly) تمام انا جاي بسرعه
طلع صقر وذهب الي المستشفى بسرعه

صقر للاستقبال:( If you please, there is a young man who faced an Arab accident today, a room cam )  لو سمحتي فيه شاب جه ف حادثه عربية انهاردة غرفه كام

البنت باعجاب:(What is his name) ما اسمه
صقر: Uday Al-Mahdi
البنت: Don't worry it's a minor accident (لا تقتق انه حادث بسيط)
صقر بحده: ? What is the room number( غرفه رقم كام)
البنت: number  ******
تركها صقر وذهب بسرعه البرق الي الغرفه الذي قالت عليها الاستقبال ودخل عليه كان عدي يجلس علي الفراش وراسه ملفوفه بالشاش وعنده كسر ف اليد ضمه صقر اليه بخوف شديد
صقر وهو يمسك وجهه بقلق: اي ال حصل عملت حادثه ازاي في حاجه بتوجعك قولي متخبيش عني
عدي وهو يمسك يد صقر: متخافش يا صقر حاجه بسيطه انا بس كنت ماشي وما اخدتش بالي
صقر: انا هجيبلك سواق ومش هخليك تسوق تاني
عدي: اهدي يا صقر مش مستاهله كل دا
صقر: اسكت انت دلوقتي لحد م اعمل تليفون
عدي: هتكلم مين
صقر: هكلمهم ف المطار يلغولي حجز السفر بتاع بكرا مينفعش نسافر بحالتك دي لما تتعافي الاول
عدي بسرعه: لا لا يا صقر انا كويس والله متلغيش حاجه بس انت كنت بتقول السفر كمان شهر قدمته اسبوع ليه
صقر بتنهيده: تعبان اووووي وتعبت من الغربه عايز بقي انزل بلدي واعيش فيها وابقي وسط اهلي
عدي بدموع: حاسس بيك وعارف انت محتاج اي دلوقتي قوم
صقر وهو يحاول كتم دموعه: هعمل مكالمه واجيلك
اوما له عدي براسه قام صقر ليعمل مكالمه
الشخص: الووو
صقر: مالك
الشخص: تعبان اوووي ومحتاجلك 
صقر: انا كمان تعبان ومحتاجلك اوووي عشان كدا نازل بكرااا
الشخص بدموع: بجد حقيقي دا اكتر خبر فرحني انهاردة مستنيك
صقر: يمكن لما نتجمع نهون علي بعض
الشخص: ملقيتهاش لسه
صقر: مش بقولك هنهون علي بعض جرحي نفس جرحك ويمكن انا اصعب
الشخص: لما تيجي لينا كلام كتير مع بعض
صقر: اكيد طبعا اول م اوصل هكلمك
الشخص: تمام توصل بالسلامة
********************** 
اسفة علي التاخير يا قمراتي رايكو بقا متنسوش واعملولى فولت 🌚❤
# يتبع
#جعلتني _ مهووساا
#بقلمي✍️📚
#علياء _ احمد