جعلتني مهووساا (الجزء الاول)

البارت السابع والعشرون

رواية: جعلتني مهووساا
               البارت السابع والعشرون
في قاموسي يا سيدتي أحبكِ تعني أن أحٌبكِ بقوة مرهقة، وضعف فاضح، أن أشتم قلبي حين يغضبكِ، وأشفق على نفسي في غيابكِ، أن أثمل بكِ، وأبكي من لذة الوقوع فيكِ، تعني أن يكون سقوطي بكِ عميقاً، للحد الذي أعجز فيه من إنقاذي، أن أستمر بالسقوط فيكِ بلا وعي، ولا تفكير بالنهاية، ولا تساؤل عن الوصول للقاع. ♥🍂
في قاعه الحفلات كانت شبكة ريتال علي عمران ورهف علي خالد كانت رهف لم تستوعب كل ما يحدث الي الان لم تفق الا علي جمله "بارك الله لكما وبارك عليكما وجمع بينكما في خير "
قام خالد بسرعه من مكانه وضمها إليه بفرحه عارمه
خالد بفرحه وهو يضمها إليه بقوة : مبروك الف مبروك ياقلبي
رهف بدموع : الله يبارك فيك
خالد وهو يبعد عنها : بحبك بحبك اووي عمري م حبيت غيرك ولا حبيت في حياتي قدك أخيرا بقيتي ليا اوعدك عمري م هزعلك هعملك كل حاجه انتي عايزاها ولو مش بتحبيني هعمل المستحيل عشان تحبيني بس مستحيل ابعد عنك ولا اسيبك تبعدي عني
رهف بدموع : بحبك
خالد بصدمة :انتي قولتي ايه
رهف : ب ح ب ك ومش من دلوقتي بحبك من زمان اووي كنت دايما بدعي في صلاتي انك تكون من نصيبي
خالد وهو يضمها إليه مره اخري بفرحه : انا اللي بعشقك وبعشق كل تفاصيلك
عاليا : ماخلاص ياعم النحنوح سيب شوية للفرح ياخويا
خالد وهو يضع يده علي كتف رهف : انتي مالك يابت دا انتي يافصيله واحد ومراته عايزه اي منهم
عاليا : وانا هعوز منك اي يا جزمه انت في ناس قاعدين مستنيين عشان يتجوزوا هما كمان علي فكره
خالد  بضحك : طب م يتجوزا هوا أنا ماسكهم
عاليا : ايتها الحيوان البت مستنيه صاحبتها عشان تكتب الكتاب سيبها دلوقتي ودكتور عمران بردو مش صاحبك ولا اي
خالد : صاحبي طبعا يلا بينا يابنتي قبل البت دي ماتحفل علينا وتنكد عليا وانا مبسوط مش عايز ابوظ فرحتي
رهف بضحك : انا بقول كدا بردو يلا بينا عشان ريتال
عاليا : اها يا كلاب وانا اصلا اللي جمعتكو ببعض لولايا كان زمان كل واحد منكو في حته لوحده محدش فيكو يستاهل اني اقف جنبو
أدهم من خلفها : محدش يستاهلك غيري
عاليا بخضة : ياخي منك لله طب قول احم ولا دستور
أدهم وهو يقترب منها : انتي حلوه اووي كدا لي انهارده
عاليا بخجل : شكراً
أدهم : هوا اي اللي شكرا هوا انا بديكي حلاوه ولا حاجه
عاليا: بقولك اي
ادهم وهو يقترب منها اكثر: قولى
عاليا بتوتر: متقربش اكتر من كدا
ادهم: قولى عايزة تقولى اي
عاليا: انت مالك انهاردة من ساعه م جيت وانت هادي وبتتكلم بمحن كدا وانا جالي حموضه منك انت وخالد اصلا
ادهم بضحك: بعيد عن لسانك ال عايز قطعه دا بس هتعرفي كل حاجه انهاردة
عاليا: طب يلااا عشان كتب كتاب ريتال وجاءت لتمشى مسكها ادم من معصمها
ادهم: كل الحدود اللى انتى حطاها بينا دى انا هشيلها النهارده كلهاا
عاليا بعدم فهم: قصدك اى
ادهم:هتعرفنى كل حاجه متستعجليش يلااا عشان كتب كتاب صاحبتك وتبقى جنبها
ذهبت معه عاليا ونطق اخيرا الماذون اخر جمله "بارك الله لكما وبارك عليكما وجمع بينكما في خير"
حضنت عاليا ريتال بسرعه بعد سماع هذه الجمله وظلو يبكو مع بعض وانضمت لهم رهف وتالين بعد وقت بعدو عن بعض
عمران بمرح: حتى الحضن اللى المفروض من حقى هوا كمان راح
ضحكو جميعا عليه قرب عمران من ريتال وقبل جبينها وقال: الف مبروك يا اغلى من روحي
ريتال بابتسامه: الله يبارك فيك
عمران وهوا يهمس لها: الحضن مش دلوقتي هيكون مع المفاجأة اللى بعد الحفله
خجلت ريتال كثيرا واحمرا وجهها ونظرت الى الارض اخذها عمران من يدها وجلسو مكانهم وارتدو المحابس كان يوجد مكانين مزينين للعروسين
ريتال بضحك: اول مره اشوف كتب كتاب قبل الشبكه
عمران بابتسامه: اول حاجه عشان عايز ان انا اللى البسك الدبله تانى حاجه عايز اخرج معاكى عشان عاملك مفجأه
ريتال باستغراب: نخرج ومفجأة
اوما لها عمران براسه
كانو جميع الفتيات يقفون يحتفلون بهم جاء صوت من خلفهم بجانب اسراء
شخص: هو القمر اسمه اي
اسراء: نعم
الشخص وهو يمد لها يده: انا عدي وانتي
اسراء: وانت مين يا استاذ عدي وعايز اي
عدي: ولا حاجه لقيتك واقفه بعيد عنهم وانا كنت واقف لوحدي قولت اجي اتكلم معاكي لاني معرفش حد هنا بصراحه
اسراء باستغراب: لما انت متعرفش حد هنا جاي ليه
عدي: جاي مع اخويا
اسراء: اخوك مين
عدي وهو يشاور علي ادهم: دا ال لابس تيشرت كحلي وبنطلون ابيض
اسراء: دا استاذ ادهم جوز عاليا
عدي: ايوااا انتي تعرفيه
اسراء: مراته تبقي بنت عمي بس ثانية واحده انت اخوه ازاي هو معندوش غير اخت بس
عدي: ايوااا م انا ابن عمو بس متعودتش اني اقول ابن عمي
اسراء: اهااا تمام
عدي: بس انا لسه معرفتش اسمك
اسراء: اسمي اسراء
عدي: اسمه جميل وصاحبه اجمل
اسراء بخجل : شكرااا
ظلو يحتفلون الي وقت طويل
ادهم: مش يلا بينا بقااا
عاليا بخضه: خضيتني يا اخي في اي
ادهم: يلااا عشان منتاخرش
عاليا: هنروح لوحدنا
ادهم  : عايزة حد معانا يعني
عاليا: لا مش قصدي انا بسال بس
ادهم: لا محدش معانا انا وانتي بس هوصل عدي البيت ونخرج علطول نقعد في مكان حلو كدا زيك
عاليا باستهزاء: المرارة
ادهم بابتسامه جذابه: مالها
عاليا: اتفقعت ف ارحم امي العيانه وخف محن يا عم بخ
ادهم بضحك: لحقتي تخليني عمي بخ كمان
ظلت عاليا تنظر اليه بهيام والي ضحكته التي تعشقها
انتبه ادهم لها وظل يضحك اكثر من الاول ليراها هكذا تنظر اليه هذه النظرة العاشقه
ادهم بغمزه: اي سرحانه ف اي
عاليا بانتباه وخجل من نفسها: هاااا لا ولا حاجه انا بقول يلا بينا عشان منتاخرش
ادهم بابتسامه: يلا بينا
وصلوا الي مكان خالي تماما لا يوجد به احد
امسك ادهم بيد عاليا ودخلو انبهرت عاليا من جمال المكان
كان المكان مزين بطريقه تخطف الانظار ظلت عاليا تنظر ف كل اتجاة باعجاب
ادهم من خلفها: اي
عاليا وهي تنظر اليه: مفيش حد خالص موجود ليه
ادهم: انا حاجز المكان لينا لوحدنا
عاليا: ليه
ادهم: عشان اقولك كل ال انا عايزة تعالي معايا
مسكها ادهم من يدها واجلسها امامه
عاليا: عايز تقول اي
ادهم بتنهيدة: اسمعيني للاخر وبعد كدا قرري ال انتي عايزاه وانا هحترم قرارك
اومات له عاليا براسها
ادهم: من واحنا صغيرين وانا بقول عاليا ليا ومش هتكون لحد غيري كنت بقرر الكلمه كتير وانا صغير ممكن اكون مكنتش فاهم معناها اوووي بس مقدرتش اني اتخيل نفسي مع واحده تانيه قولت اكيد هترجعي تاني ووقتها هتقدملك علطول وتبقي ليا العمر كله بس مرجعتيش استنيتك كتير بس لما مرجعتيش قولت تبقي نسيتيني ولغيت فكرة الجواز من دماغي خالص بقي كل وقتي وتفكيري ف الشغل وبس لحد م القدر جمعني بيكي تاني بس لا كنت عارفك ولا انتي تعرفيني رغم اني اتشديتلك جدا وكنت حاسس انك قريبه منك بس بردو خوفت متكونيش انتي نفضت الفكرة من دماغي لحد بردو م ماما زارتكو مكنتش اعرف انها رايحالكو بس لما شوفتك حسيت اني بقيت عيل صغير لقي حاجه كان ملهوف عليها وبيدو عليها من زمان بس للاسف سمعتك وانتي بتتكلمي مع خالد وبتقولى قرة عيني وجوزي وقتها حسيت اني كل احلامي اتهدت قلبي اتجرح كرهت صنف البنات كله بس بعدها مياستش بردو وقولت لازم اعرف عنك كل حاجه عرفت وقتها انك مش مرتبطه ولا حاجه اتضايقت اوووي وفضلت افكر مين هو الشخص ال انتي بتقولى عنه كدا  وفي نفس الوقت فرحت انك ممكن تكوني من نصيبي بنيت احلامي تاني عليكي وسافرت برة مصر عشان كان عندي صفقه وكررت اني اول م ارجع اتقدملك ونكتب الكتاب علطول بس اتفجات اني لما رجعت اول خبر وصلني انك اتخطبتي وكتب كتابك بعد اسبوعين اتوجعت اوووي واتوجعت اكتر لما عرفت ان خطيبك هو اعز صديق عندي قولت هروحله واخليه يسيبك عشان انتي ليا انا وبس بس جالي ال كنت مخليه يراقبك وقالي ان خطوبتك دي خطه منك انتي وامجد عشان تشوفي انا بحبك ولا لا قررت اني استني لحد م تكملي خطتك وكلمت ابن عمك بس لقيته هو كمان عارف بالخطه رن ف مرة علي رقمك وانا رديت عليه
فلاااااااااش بااااك 
رن خالد علي عاليا وجاءه الرد من الطرف الاخر
الشخص: الووووو
خالد باستغراب: اي دا هو دا مش رقم عاليا
الشخص: ايوااا هوا. مين انت ؟
خالد: والله المفروض انا ال اسالك السؤال دا وغير كدا اكيد اسمي موجود
الشخص بغضب: والله حضرتك مكتوب سندي مشمتش انا بقا علي ضهر ايدي وعرفت مين هو سندها
خالد: طيب ممكن توديلها الفون
الشخص: مش قبل م اعرف انت مين
خالد: والله دا ميخصكش
الشخص بغضب : بقولك انت مييين
خالد بخوف: انا خالد ابن عمهاااا مين انت
الشخص: خاااالد طيب عاليا مش موجوده لما تيجي هعرفها انك كلمتها وكنت عايز تطمن عليها
خالد: انت استاذ ادهم صح
ادهم: ايواااا انا فيه موضوع مهم كنت عايز اتكلم معاك فيه
خالد: خير في اي
ادهم: هاخد الرقم واكلمك من فوني دلوقتي عشان اعرف اتكلم معاك براحتي
خالد باستغراب: تمام ال تشوفه
نهي ادهم معه المكالمة واتصل به من تليفونه
ادهم: الووو
خالد: استاذ ادهم؟
ادهم: ايوااا
خالد: خير اي الموضوع المهم
ادهم: بنت عمك مخطوبه وعامله خطه مع خطيبها عشان تعرف انا بحبها ولا لا
خالد بتوتر: وانت عرفت الموضوع دا ازاي
ادهم: شكلك عارف بالموضوع بس مش مهم وعرفت ازاي ومنين المهم اني عرفت وخلاص وانت هتساعدني
خالد: ازاي بقااا وهساعدك في اي
ادهم: هقولك اسمعني كويس عاليا بالنسبالي النفس ال بتنفسه كلمه بحبها دي شوية وانا كان عندي صفقه برة وكنت ناوي اني ارجع اخطبها بس لقيتها عملت ال الخيبه ال عملتها
خالد: طيب وبعدين هتعمل اي
ادهم: الخطه هتفضل ماشية زي م هي ويوم كتب الكتاب انا ال هكوم موجود ه واكتب عليها بس انت هتظبطلي الموضوع دا مع العيله بقا
خالد: بس انا مقدرش اتفق معاك عليها عاليا دي اختي
ادهم: تمام خليها تدبس ف ال هي عملت معاه الخطه بقااا ووقتها تندم انها عملت كدا
خالد بخوف عليها لانه يعلم كم هي تحبه: تمام هساعدك عشانها هي لاني عارف انها بتحبك
ادهم: بس خلي بالك كويس محدش يعرف بالموضوع دا غيرك يعني لو حد عرف بحرف واحد هعرف ان انت ال اتكلمت ومش هرحمك ووقت م اقولك ظبط مع العيله تنفذ
خالد بتوتر: يا عم في اي اهدي كدا انت محسسني اننا داخلين نحارب تمام ماشي
ادهم: انا بس بعرفك واي جديد تعرفني
خالد: تمام
بااااااااااك
بس بعدها سكت ومتكلمتش بس ال استغربته ان امجد مقاليش حاجه روحتله يوم كتب الكتاب لقيته لابس مكنتش مصدق انو ممكن ياخدك مني
فلااااش باااك
ادهم: اي دا اي دا بقا صاحبي وصديق عمري رايح يكتب كتابه انهاردة علي حبيبتي
امجد باستغراب: حبيبتك ومن امتي بقا الكلام دا
ادهم: انا هقولك من امتي
ضربه ادهم بالبوكس وهو يقول له: من يوم م جت علي وش الدنيا وهي كل حياتي مش حبيبتي بس
امجد بوجع: اااه انت بتضربني يا ادهم
ادهم: م هو لما صاحبي ياخد مني الانسانه ال بعشقها ميبقاش صاحبي ولما يعمل علي صديق عمره خطه زباله زي دي يبقي بيهد الصداقه ال بينهم
امجد بضحكه وجع: لو معملتش كدا مكنتش هتعمل انت حاجه كنت هتفضل مستني لما هي ال تجيلك وتقولك انها بتحبك ومفيش بنت محترمه وعندها اخلاق تعمل كدا
ادهم بغضب : المفروض لما انت عرفت يا صاحبي كنت جيت قولتلي وانا وقتها كنت اتصرفت انما مسافرش وارجع ومقرر اني اروحلها ولقيها مخطوبه لصديقي
امجد: ولما لقيتها مخطوبه لصديقك كنت اتكلمت معايا ع الاقل انما انت عملت اي هنتها وجرحتها وقليت بكرامتها دا كل ال انت عملته اوعي تكون مفكر ان كدا تبقي راجل وهي تحبك بالعكس دي تكرهك اكتر الواحده بتحب الراجل ال يبوح بحبه ليها في كل مكان عارف لما قولتلها افرضي هو مجاش هتعملي اي سالتني قالتلي انت هتعمل اي قولتلها هبقي محظوظ لو ربنا كرمني بواحده زيك حتي لو مبحبكيش بس كفاية اني هحبك حب عشرة وقررت انا وهي علي كدا بعد م فقدنا الامل فيك نهائي
ادهم بغضب جامح يحاول كتمانه قبل ان يلقي عليه امجد الجمله التي جعلته مثل الثور: قالتلي انها موافقه
غضب ادهم كثير ولم يري امامه ظل يضرب فيه الي انا بقي جثه هامده
امجد بوجع: حسبي الله ونعم الوكيل فيك يا ادهم الكلب هتموتني جاي تطلع غلك فيا يابن الكلب انت
جلس ادهم وهو ينهج: لسه فيك حيل تشتم كمان
امجد: يا بجاحه اهلك قوم يا حيوان وديني المستشفي
ادهم: هقولهم اي لما يشوفوك
امجد: قولهم دخلت فيا عربيه نقل لانك تريلا مش نقل بس والله
ادهم وهو يسنده: طب قوم لسه لسانك طويل زي م انت احمد ربنا انك مموتش
امجد: كنت عارف ان هيحصل فيا كدا بس مش للدرجادي
اسنده ادهم وذهب به الي المستشفي
بااااااااااااااااااك
ساعتها روحت كتبت عليكي كنت فرحان بس كنت ف قمة غضبي من كلام امجد وموافقتك عليه عشان كدا اتكلمت معاكي وقتها بالطريقه دي وقررت اني اعاقبك عشان ال انتي عملتيه بس وقتها اكتشفت اني بعاقب نفسي قبلك كل كلمه كانت بتطلع مني كانت بتوجعني اكتر م بتوجعك بس خلاص تعبت ومعتش اقدر استغني عنك بحبك وعمري م حبيت غير سيطرتي علي قلبي وعقلي بطريقة انا نفسي مستغربها
عاليا بضحك هيستيري: ههههههههههههه اتصدق ضحكتني هههههههه
ادهم باستغراب: انتي بتضحكي علي اي
عاليا وهي تحاول ان تسيطر علي دموعها التي علي وشك الهبوط : انت عارف كلامك دلوقتي دبحني مش جرحني  اتفقت عليا مع خالد ومع عيلتي وهما وافقو عادي انك تجرحني وتهيني العيله دي عظمه بصراحه مفيش حد بيحب عياله زي م هما بيحبوني وبتضرب امجد عشان كان هيتجوزني انت مستوعب انت عملت اي اتفقت مع اهلي عليا وضربت صاحبك واتفقت بردو معاه انكو تقولو انو عمل حادثه حقيقي بحييك مستر ادهم علي افعالك المبهرة
ادهم: عاليا اسمعيني
شاورت عاليا بيدها لكي يصمت
اقترب ادهم منها وقال: عشان خاطري سامحيني صدقيني عمري م هفكر حتي اني ازعلك انا بحبك وعارف ان انتي كمان بتحبيني ف خلينا نتجوز ونعيش حياتنا انا بجد تعبت من البعد دا وعايز اكمل حياتي معاكي ومستعد اعمل المستحيل عشان بس تكوني مبسوطه
عاليا: توعدني انك هتعمل الحاجه ال هتخليني مبسوطه
اومأ ادهم لها براسه بمعني اهااا
عاليا: تطلقني
ادهم بصدمه ممزوجه بدموع: ارجوكي يا عاليا متعمليش فيا كدا وصدقيني هخليكي تنسي اي حاجه انا عملتها فيكي بحبي ليكي انا مقدرش ابعد عنك تاني متعمليش فيااا كدا ارجوكي انا م صدقت وصلتلك وبقيتي ليا
عاليا بدموع وهي تاخذ شنطتها : انت وعدتني انك هتعمل الحاجه ال هتسعديني ف نفذلي طلبي ارجوك تركته وذهبت قبل ان يرد عليها جلس ادهم مكانه ودموعه علي وجهه ظل يفكر هل بالفعل سيطلقها كيف يبعد عنها بعد ان حصل عليها لا لم يفعل ذالك ولكن سوف يفعل المستحيل لاجل ان يكسب قلبها مرة ثانيه
***********************
في مكان اخر وتحديدا في منزل عائلة المهدي كانت تجلس ايلين مع والدتها تتحدث معها
والدتها: بقولك اي عايزاكي ف موضوع
ايلين: قولى يا ماما خير في اي
والدتها: متقدملك عريس
ايلين باستغراب: عريس ! عريس اي يا ماما انتي عارفه رايي ف الموضوع دا
والدتها بغضب: وهتفضلي رافضه الموضوع دا لامتي يابنت بطني كل ال قدك معاهم عيال
ايلين: ماما ياريت بلاش الكلام دا انتي عارفه اني مبحبش الطريقة دي
والدتها: تحبيها ولا متحبيهاش بقي علي العموم ابوكي اداه ميعاد تقعدي معاه وبعد كدا تقولى رايك
ايلين: اداه ميعاد خليه هو يقعد معاه بقي
والدتها بصوت عالي: ايلين اي طريقة الكلام دي شكلي دلعتك زيادة عم اللزوم عشان تتكلمي بالطريقه دي كدا
ايلين: يا ماما شوفي انتي بتقولي انتو م اخدتوش رايي حتي لا دا انتو بتحبروني
والدتها: احنا مش بنجبرك احنا بنقولك اقعدي مع الشخص ال جاي وشوفيه باباكي شايفه مناسب ليكي بس ف الاول وف الاخر الراي رايك طبعااا
ايلين: حاضر ياماما فيه حاجه تانيه ولا اي اوامر تانيه
والدتها بهدوء: اسمعيني يا بنتي احنا مش بنجبرك علي حاجه احنا بس بنقول الشخص مناسب ف شوفيه واقعدي معاه وقرري
ايلين: رغم اني متاكده انو هيترفض بس حاضر يا ست الكل
والدتها: وانا متاكده انو هيعجبك ان شاءالله
ايلين: ماشي يا امي
رن تليفون ايلين وكان المتصل محمد استاذنت ايلين من والدتها وقامت لترد عليه
ايلين: الووو ازيك يا كابتن
محمد: كابتن اي بقا خليها محمد بس خلي البساط احمدي
ايلين بضحك: ماشي يا محمد عامل اي
محمد بفرحه: انا اسعد انسان ف الدنيا انهارده
ايلين: اي دا اي دا شكلك مبسوط اووووي وانا لازم اعرف سر الفرحه دي
محمد بضحك: م انا رانن عليكي عشان اقولك اصلا
ايلين: طب قول
محمد: لا لا مينفعش لازم اشوفك عشان اقولك ينفع ولا اي
ايلين: اكيد طيعا ينفع
محمد: خلاص نتقابل ف الكافيه ال عندكو بيتكو
ايلين: تمام هستناك
محمد: 5 دقايق بالظبط وهكون عندك
ايلين: اوك
ذهبت ايلين الي الكافيه وجلست لتنتظر محمد بعد وقت وصل محمد الي الكافيه
محمد: ازيك يا ايلي
ايلين: الحمد لله يا كابتن انت عامل اي
محمد: بردو كابتن ماشي يا ستي انا تمام الحمدلله
ايلين بحماس: هااا احكيلي مبسوط اوووي كدا ليه
محمد بضحك: طب اهدي لحد م اخد نفسي حتي انتي مستعجله كدا ليه
ايلين: محمد بقااا قول
محمد: خلاص هقول انا قررت اني اعترف للبنت ال بحبها
تلاشت ابتسامت ايلين وحاولت ان تظهر ابتسامه مزيفه وقالت: اي دا بجد
محمد: بجد وهروح اتقدملها قريب اووووي ان شاء الله
ايلين: ربنا يتمملك علي خير فرحتلك اووووي
محمد: ممكن اسالك سؤال
ايلين: اكيد طبعا اتفضل
محمد: احم هو انا غالي عندك
ايلين بهيام: دا انت اغلي من روحي
محمد بفرحه: بجد
انتبهت ايلين لما قالته وخجلت كثيرا: احم احم مش قصدي انا ا ا اقصد
محمد بابتسامة: خلاص مش عايز اعرف قصدك كفاية عليا كلمتك دي عندي بالدنيا وما فيها بس حابب اقولك انك عندي اغلي من حياتي
ذهب محمد وتركها في دوامه تفكيرها
ايلين لنفسها: انا ليه زعلت وقلبي اتقبض لما قالي انو هيعترف لحبيبته بحبه وهيتقدملها كمان اي دا ثانيه واحده كدا ينهااااار اسووود اي ال انا قولته دا اي الجنان ال فيا دا يا كسفتك السوده ايلي هشوفه تاني ازاي دا انا مقدرش ابص ف وشه ثم قالت بحزن وانا هشوفه تاني ليه كدا كدا هيتجوز وهيبعد عني عشان خطيبته اكيد هتغير عليه مني ياارب يفركش اي دا وانا مال اهلي انا اما اقوم اروح احسن بدل الناس هيفتكروني مجنونه
*************************
# في صباح يوم جديد علي ابطالنا دخل امجد الشركه وذهب الي مكتب ادهم لعلمه بوحود صقر
امجد وهو داخل المكتب: اهلا اهلا برجوع صقر بيه
صقر وهو يفتح له يده لكي يحتضنه: كابتن امجد ال واحشني اخبارك
امجد: الحمد لله انت عامل اي واحشني والله اوووي كل دي غيبه يراجل لسه فاكر تنزل كل شوية نازل نازل لما دوشت راس اهلي
صقر: اديني نزلت اهوووو وهتزهقو مني عشان معتش هسافر تاني
امجد: مصر نورت بيك وهتنور اكتر لو استقريت فيها
صقر بابتسامه : لا متخافش هستقر بقي خلاص
امجد: الابتسامه دي مش طبيعيه وهعرف سببها دلوقتي
صقر بضحك: فكك من سبب الابتسامه وقولى مين ال شلفطك كدا
امجد: هو حد يقدر يعملها غير الجاحد
صقر بضحك: الله يخربيتكو لسه مصايب زي م انتو
امجد: ولا عمرنا هنتغير
صقر: ربنا يخليكو لبعض بس انا مبسوط من ال عملته
امجد: هو اي
صقر: ال خلي الجاحد يعمل فيك كدا
امجد: اسكت بقا متفكرنيش ايده تقيله ابن الكلب
صقر بضحك: يلااا معلش لو انت مستحملتوش مين يعني هيستحمله ادهم طيب وقلبه ابيض
امجد: يا محنو يا محنو خدو ياخويا الطيب دا مش عايز اشوف وشه تاني بس عايزك تتكلم قدامه علي مراته هتلاقيه اتحول لدراكولا علطول
صقر: لا يعم لا اتكلم علي مراته ولا يتكلم علي مراتي
امجد: انت اتجوزت ولا اي ياااض
صقر بابتسامه: لسه بس قريب ان شاء الله
امجد بضحك: مش بقولك الابتسامه دي مش مرتاحلها بتحب ولا اي
صقر: تقدر تقول حاجه زي كدا
امجد: اوباااااا بقا مين سعيدة الحظ نعرفوها
صقر: شوفتها مرة وانا ف نيويورك وبصراحه سحرتني بجمالها واحترامها ومعتش شوفتها تاني
امجد: وانت جاي عشان نرجع معاك ندور عليها صح
صقر وهو يضربه بخفه علي قفاه: يا اخي اسمع كلامي للاخر وبعد كدا اتكلم
امجد: اسفين ياباشا كمل
صقر: لما جيت هنا لقيتها وشوفتها بالصدفه
امجد: طب والله انت حظك حلو وربنا بيحبك الحقها بقا قبل م تضيع من ايدك
صقر وهو يرجع بظهره علي الكرسي باريحيه: لا مش هتضيع
امجد: وانت واثق اوووي كدا ليه
صقر: انت عارف هي بتشتغل فين الاول
امجد باستغراب: فين
صقر: هنا
امجد: هنا فين قصدك ف شركتنا
صقر بابتسامه: بالظبط
امجد: اي دا بجد مين هي او اسمها اي
صقر: حور
**********************
رايكو يا قمراتي بقا متنسوش 🌚❤
# يتبع
#جعلتني _ مهووساا
#بقلمي✍️📚
#علياء _ احمد