جعلتني مهووساا (الجزء الاول)

البارت التاسع

رواية: جعلتني مهووساا:-
البارت التاسع

في قصر من اجمل قصور الاسكندريه وتحديدا في قصر ادهم المهدي
في غرفه ادهم كان قاعد على السرير سرحان
أدهم لنفسه : ايه يا ادهم ما لك من يوم ماشفتها وانت مش قادر تنساها ليه غلطت فيك وضربتك كمان وحتى مش قادر ترد لها القلم عمر ما في واحده فكرت حتى تبص لك ده انت البوب اللي ما حدش يقدر يرفع عينه فيك وقف ادهم فجاه وقال بغضب وكمان شكلك نسيت انها متجوزه ولا ايه وغير كده انت عمرك في حياتك ما بصيت لواحده اصلا علي اخر الزمن هتبص لواحده متجوزة
أدهم بحيرة: هي اكيد شاغله بالي علشان اللي عملته وانا مش هسيبها وهنتقم منها بس بطريقتي انا بقى اوووووف بقا انا هدخل اخد دش بارد يمكن اهدي شوية
دخل ادهم اخد شاور بارد وبردو لسه بيفكر فيها وخرج وقف قدام المرايه
أدهم بغضب شديد: ليه ليه مش راضية تطلع من دماغي ليه وخبط ايدة في المراية اتكسرت وايده انجرحت ولكن من شدة غضبة لم ينتبه للجرح ال ف ايده فقط ما يسيطر علي عقله فكرة انها تكون متجوزة ومع راجل تاني
أدهم لنفسه بغضب شديد: مستحيل اعجب باي واحدة مستحيل اضعف قدام اي حد مستحيل
وفجأة انتبه ليده المجروحه ودخل غسلها وعقمها وربطها بقطن وشاش وخرج لكي يذهب الي الشركه.

**********************
في صباح يوم جديد علي ابطالنا
استيقظت عاليا مبكرا غير عادتها وقامت وخرجت قابلتها والدتها واستغربت من استيقاظها مبكرا وهدوئها على غير العاده
والدة عاليا: ايه يا عاليا مالك صاحيه بدري ليه غريبه يعني
عاليا: مفيش ياماما
والدة عاليا: طيب يا حبيبتي انت تعبانه ولا حاجه دي الساعه لسه 7
عاليا: لا يا ماما انا كويسه بس هلبس واروح الجامعه عشان عندي محاضرات مهمه ومش عايزه اتاخر
والدة عاليا: بدري كدا
عاليا: اها هروح اقعد مع اصحابي شوية واعملي حسابك هتاخر عشان هخرج مع عمي
والدة عاليا: طيب يا حبيبتي ادخلي البسي وانا هحضرلك الفطار
عاليا: اوك ياماما
دخلت عاليا اتوضت وادت فريضتها وخرجت كان الفطار جاهز قعدت على السفره فطرت ونزلت لخالد خبطت على الباب فتحت لها خالتها
خالتها بابتسامة: ده ايه الصباح العسل ده على الصبح تعالي يا حبيبه قلبي ادخلي
عاليا بابتسامة: عامله ايه يا خالتو وعمي عامل اي وفين البت اسراء
خالتها: كويسين يا حبيبتي الحمد لله انتي عامله ايه ادخلي بس كدا ونتكلم جوه انتي هتفضلي واقفه على الباب كده
عاليا بعد ما دخلت: امال خالد فين لسه ما لبسش ولا لسه نايم واسراء فين
خالتها بابتسامة: اسراء راحت الدرس عندها درس الساعه 7 وخالد بيلبس جوة بس غريبه يعني انتي ايه اللي مصحيكي بدري كده خالد دايما هو اللي كان كان بيطلعلك
خالد وهو في الاوضه سمع صوتها طلع اول ما شافها قال: ايتا ايتا عاليا هانم بنفسها هنا عندنا لا مش معقول
عاليا بتصنع التكبر : شفت بقى قد ايه انا متواضعه
خالد: اها شوفت يالولى هانم
عاليا بضجر: يلا ياض اخلص يلا عشان نمشو
خالد بتصنع الخوف: يا ساتر يا رب هما بيطلعو امتى دول
عاليا: الصبح بدري نينينيني وبعدين يلا بسرعه عشان تفسحني قبل م اروح الكلية
خالد: اها قولى كدا دا انتي داخله علي طمع بقا
عاليا بتذمر: طمع. طمع اي يامعفن انت دا انت فسحك كلها فول وفلافل
خالد بصدمه : ينهار اسود بقا الشاورما والكريب بقو فول وفلافل ياليلتك السودة ياخالد
عاليا وهي ماشية معاه ع الخط: معلش ياختي كان مستخبيلك فين دا بس
خالد: انا عارفه ياختي دخل عليا زي القضا المستعجل
عاليا: معلش يافوزية ياختي منه لله البعيد ربنا ينتقم منه
خالد: ياتري ياختي كان مستخبيلي فين
عاليا: تلاقيه كان مستخبيلك ورا الكنبة وانتي مش واخده بالك يا موكوسه
خالد بضحك هستيري عليها: يالهوووووي عليكي الله يخربيتك يعني اليوم اللي انت صاحيه فيه بدري هتاخرينا بردو
عاليا بضحك هي الاخري: ومالو ياخويا ميضرش
فضلو يجرو ورا بعض
وفجاة دخلت عليهم والدة عاليا
عاليا: هوبااا علي الكسفة ال انت فيها ياحازم
خالد بص لخالته وقال: ما تفهمنيش غلط والنبي يا اختي انا غرضي شريف
عاليا: اه والنبي الواد غرضه شريف كان عايز بوسه بس وانا مش عايزه اكسفه الايموت وهو نفسه فيها وهو ال جرجرني للرزيلة
خالد: اها ياجزمة بتبعيني
والده عاليا ووالدة خالد ووالد خالد (يوسف) لم يسيطرو علي نفسهم من الضحك علي افعال اولادهم الطفولية وخاصة لما يكونو مع بعض
تقدمت والدة عاليا منها ومسكتها من ودنها: انتي يابت مش ناوية تعقلي
عاليا: طب بذمتك يعني يا زوزو اسيب الجنان لمين مثلا
تقدم منهم والد يوسف وقال لزينب: لو سمحتي سيبي ودن حبيبتي
عاليا وهي بتغمز ليوسف: والنبي يا واد يا جوزي انت عسل ما تجيب بوسه وانت قمر كدا وتتاكل اكل
قربت عاليا منه وهمست له: هي الوليه دي مبتغيرش ولا اي
يوسف: مش عارف ياختي والنبي
امينة: بنت انت بتقربي من الراجل ليه وتقوليله ايه
عاليا: اي لمبي خضيتني الاه ببوس الراجل ايه يعني مبوسهوش
امينه وهي بتحدفها بالمخده: يلا ياجزمة من هنا
خالد: يالهوووي المحاضرة الاولي راحت علينا منك لله ياعاليا
عاليا: احيييييييييييييه 😳 يعني اليوم ال اصحي فيه بدري محضرش اول محاضره🥺
امينه: طب يلا عشان تفطرو الاول
عاليا: لا مليش نفس اديني بس 5 شندوشات من عندك احياة عيالك اخالتي
والدة عاليا: شندوتشات جاتك نيله عليكي وبعدين انتي مش لسه فاطره فوق يا بنت
امينه: سبيها يازينب تاكل الاه
عاليا بتصنع البكاء وبتمسح بايديها دموعها: قوليلها والنبي اخالتي قوليلها مش عايزاني اكل
والدة عاليا: ما تيجي تضربيني احسن يا بت
عاليا: والله يا زوزوه متاخره مش هعرف خليها بكره بقى ان شاء الله
والدة عاليا: يلا ياجزمه من هنا لما ترجعي بس
خالد: مش يلا بقى عشان نلحق المحاضره التانيه
عاليا بغمزة: انت متاكد انك مستعجل عن المحاضرات مش على حاجه تانيه
ضربها علي راسها ضربة خفيفه وقال: اها ياجزمه عايزة تفضحيني
عاليا بصوت عالي: لا متقلقش انت مفضوح اصلا عشان اهلك كلهم عرفو كل حاجه
بصلها خالد بغضب شديد وعينه تحولت كظلام الليل
عاليا اول م شافته بيبصلها: اعااااااااااا ياماما الواد اتحول وهياكلني
يوسف بضحك: يلا ياخالد خد عاليا وروحو كلياتكو
خالد: حاضر يابا وبص لعاليا: يلا بينا
عاليا: يلا ياخلودي
وذهبو سويا الي الكلية
★★★★★★★★★★★★★
كانت الساعه حوالي 10 يعني نص المحاضرة عدت
عاليا لنفسها: انا هجرب ادخل واشوف هيعمل اي
ذهبت عليا علي مكان قاعتها ودخلت راسها من الباب يدوب ال يشوفها الدكتور
عاليا: ببسسسسسسس
نظر لها الدكتور
عاليا: والنبي ياخويا اكسب فيا ثواب ودخلني احياة عيالك
الدكتور: امشي بره
عاليا: طيب براحه متزوقش بس محسسني اني هطلع من الكعبه يعني
ضحكو عليها جميعا
الدكتور بص لها باستغراب على ردها وقال: ايه البنت دي استغفر الله العظيم يا رب
خلصت المحاضره وخرجوا لها اصدقائها وذهبو اليها
ريتال: حازم حازم
عاليا بتسلم عليها: بسيوني بسيوني
رهف: يالهههوي عليكو هتفضحونا اخرسو
عاليا بغمزة لرهف: بس احلوينا ووشنا نور اهو
رهف باستغراب: هو اي
عاليا: ياباي ع الغباء ولا حاجه
تالين: طب يلا نفطر عشان احنا لسه مفطرناش
عاليا: لا اقعدو دا انا معايا سندوتشات كتشييير اوووي
ريتال: ايوا بقا كام سندوتش
عاليا بابتسامه بلهاء : 5 سندوتشات كل واحده نص وانا 3 ونص
ريتال: اتصدقي انتي باردة يابت خليهوملك كلهم وانا هروح اجيب اكل
عاليا: طب استني يابت هاتيلي معاكي انتي يابت وزة وزة
ولكن لم ترد عليها ريتال
رهف: طب يلا نروح احنا القاعه وهي تجيلنا علي هناك ونكلموها نعرفوها
تالين: اوك يلا بينا
عاليا ورهف: يلااا
عاليا: انا هكلمها ورنت عاليا علي ريتال
ريتال: عايزة اي يازفته
عاليا: والنبي ياحج عجه تجيبلي معاك واحد شاورما وواحد كريب وواحده شويبس اناناس
ريتال: والسندوتشات ال معاكي هترجعيها البيت ولا هترميها بقاا
عاليا: لا كلتها
ريتال بصدمه: يخربيت اهلك كلتيها وهتاكلي كل دا
عاليا: ملكيش دعوه هاتي الاكل وتعالي ع القاعه
ريتال: طيب سلام
ريتال لنفسها: بس هي مقالتش قاعه الافراح ولا الرقص مش مشكله هبقا ادور عليهم
وبعد وقت ريتال جابت الاكل ودخلت القاعه لقيت دكتور عمران
ريتال: اي دا هو انا اي ال جابني هنا
الدكتور: نعم بتقولى اي
ريتال: هي دي قاعه الافراح بتاعتنا
الدكتور : اي
ريتال: قصدي الرقص
الدكتور : افراح اي ورقص اي يابت انتي
ريتال: هي دي القاعه ولا انا دخلت قاعه غلط
الدكتور: امشي اطلعي بره
ريتال: طب استني هدخل الاكل دا وجيالك عايزاك في كلمة سر بيني وبينك
تركته ريتال واقف مزهول من طريقتها وكلامها وتصرفاتها دخلت الاكل ورجعتله لقيته متنح
ريتال وهي بتشاورله بايديها: تعالي بقا بدل م انت واقف متنح كدا
خرج معاعا وقال: انتي مجنونه انتي ازاي تتكلمي معايا بالاسلوب دا
ريتال: بص بقا اول حاجه ان المحاضرة لسه م بداتش
تاني حاجه انت المفروض متزعقليش غير ف وقت محاضرتك وتكرشني من المحاضرة
انا خلصت كلامي سلاااموز ياقمر وغمزتله
تركته في زهول من كلامها وغصب عنه ابتسم: يخربيتك مجنونه وبحب جنانك
عمران وهو بيمسك في شعره ويبتسم: شكلك وقعتيني يا مجنونه
وبعد وقت خلصو محاضرات وخرجو
★★★★★★★★★★★★★★★★
عند ادهم في الشركه تليفونه رن وكان صديقه امجد
ادهم:-الووو.
امجد:-اي انت نسيت معادنا الساعه 4 ولا اي
ادهم:-لا مش ناسي بس ابعتلي اسم المطعم.
امجد:-اوك بس ماالك ياا ادهم صوتك مش مظبوط.
ادهم بتنهيده وبيسترخي علي الكرسي :-لا مفيش يا امجد المهم عايزين نخلص بقي الصفقه دي ونرجع القاهره.
امجد:-تمم متتاخرش بقي وانا هبعتلك العنوان.
ادهم:-اوك..باي.
امجد بستغراب من هدوء ادهم:-باي