جعلتني مهووساا (الجزء الاول)

البارت الخامس

رواية: جعلتني مهوساا :-

                    « البارت الخامس »
قام أدهم ودخل خد شاور وغير ملابسه وخرج لكي يؤدي تمارين الجري لانه متعود كل يوم يصحي الساعه 6 ونص ويطلع برة البيت يجري لمدة نص ساعه ورجع البيت لقي اهله في غرفة الطعام
أدهم: صباح الخير
الكل: صباح النور
والدة أدهم: ياحبيبي انت هتفضل كل يوم كدا
أدهم: كدا ازاي يعني يا ماما
والدته: كل يوم كدا من الصبح بدري تقوم تجري دا انا تعبتلك والله
أدهم بابتسامة جميلة: الف سلامه عليكي يا امي انا اتعودت ياحبيبتي علي كدا
والدته: ربنا يقويك يابني ويحميك
أدهم: ياارب
ايلين: اي ياحاجه هو احنا ملناش ف الحنية دي شوية
والدة أدهم: انتو الاتنين حبايبي ال طلعت بيهم من الدنيا وخدتهم في حضنها
أدهم خلص فطارة وطلع خد شاور ولبس وراح شركتة ودخل علي مكتبه وبعد شوية من الوقت دخل امجد علطول
أدهم بص لامجد بحدة وقاله: برة يا امجد
امجد باستغراب: اي يا عبيط انت فيه اي
أدهم: اطلع خبط ولما اذنلك تبقي تدخل
أمجد: ادهم انت كدا هتخلي شكلي وحش قدام الموظفين
أدهم: برة يا أمجد
أمجد: الله يخربيت اهلك ياشيخ وحسبي الله مقدما
ادهم بصله بغضب
امجد: خلاص ياعم طالع
أمجد وهو طالع: منك لله يا ادهم هتخلي شكلي زي النيله قدام الشركه كلها وخرج وخبط وبعد خمس دقايق اذن له ادهم بالدخول
امجد: اتصدق بالله انت م عندك دم ياراجل يعني تخرجني وتحرجني وتسيبني واقف ع الباب 5 دقايق كمان اي يابني البرود دا
أدهم: عشان تتعلم الادب بعد كدا وتخبط قبل م تدخل انت ولا كانك داخل بيت اهلك هنا
أمجد: والله لولا اني عايزك ضروري لكنت روحت ومكنت شوفتني انهاردة خالص
أدهم: اخلص يلاااا عايز اي
أمجد: الشركة ال هنمضي معاها الصفقه
أدهم: مالها
أمجد: عايزين نمضي العقد في فرع اسكندرية
أدهم بدون اهتمام: واي المشكله
أمجد: اي يابني البرود دا
قام ادهم من علي مكتبه وقرب من ادهم
امجد: وحياة عيالك م تمد ايديك عشان انت ايديك تقيلة وانا اصلا تعبان والله ومطبق من امبارح
أدهم بابتسامه وهو يتجه الي مكتبة: سيبهم يعملو ال هما عايزينو عشان بعد كدا اعمل انا ال انا عايزة
أمجد بابتسامه: عرفت انا ال في دماغك كدا يابوب
أدهم: تمام روح انت وريح شوية عشان هنمشي بليل
أمجد: ماشي يلا سلام وعلي تليفونات بقا
أدهم: ماشي
نادي أدهم علي السكرتيره دخلت السكرتيرة علي الفور
أدهم: عايزك تاجليلي مواعيد الاسبوع دا كله للاسبوع الجاي
السكرتيره: ليه يا ادم بيه
ادهم بغضب: وانتي مالك انتي يلا غوري ف داهية من وشي اعملى ال قولتلك عليه
السكرتيره بخجل: اسفه يا ادهم بيه اي اومر تانيه
أدهم: لا روحي انتي اعملى اللى قولتلك عليه
ادهم وخلص شغله وراح البيت لقي اهله قاعدين في غرفة الطعام مستنيينه دخل عليهم ادهم وباس ايد والدته وقعد مكانه وبداو في الغداء ثم نظرت له والدته لقيته سرحان
والدته: اي يا حبيبي مالك
أدهم: مفيش يا امي انا مسافر انهاردة
ايلين: ليه يا أدهم السفر المفاجئ
أدهم: عندي شغل مهم
والدة: مسافر فين
أدهم بعدم اهتمام: اسكندرية
والدة: مسافر اسكندرية ليه بقا
أدهم بغضب: وانت من امتي بقا وانت بتسال كدا م انت طول عمرك مبتسالش ومبتفكرش فينا اصلا ومن واحنا صغيرين جاي دلوقتي وبتسالني
قام ادهم من علي الاكل وسابهم وطلع غرفته ووالدته فضلت تنادي عليه مردش عليها سابها وطلع وطلعت وراه اخته علي غرفتها 
والدته: انا قولتلك يامحمد من الاول تقولو كل حاجه وانت مرضتش
والده: خلاص ياسمية بقي الكلام معتش ينفع دلوقتي المهم اطلعي قوليلو اننا نسافر كلنا وخلي ايلين تجهز هي كمان وانا هتصل علي الخدم ال في الفيلا ينضفوها ويجهزو كل حاجه
والدتة: حاضر
طلعت لادهم وخبطت علي الباب
أدهم بغضب: ميييين
والدتة: انا يا ادهم
أدهم: اتفضلي يا امي
دخلت والدته وقعدت جنبه ومسكت ايده
والدتة: مالك يا حبيبي في اي
أدهم بحزن: مفيش يا امي تعبان بس شوية
والدتة بحزن عليه: الف سلامة عليك ياحبيبي واخدتة في حضنه وقالتله ممكن اطلب منك طلب
ادهم مسك ايديها وباسها: اكيد طبعا ياحبيبتي اتفضلي
والدته: متزعلش من بابا ياحبيبي بابا بيحبك وبيخاف عليك
أدهم بحزن: خلاص ياماما مش عايز اتكلم في الموضوع دا
والدته: طيب ممكن نسافر معاك من قبل م ترفض انا نفسي اخرج وغير كدا انا ليا واحده صاحبتي كانت عايشه هناك وسافرت من هنا ومشوفتهاش بقالي اكتر من 15 سنه عشان خاطري وافق نروح معاك
أدهم: انا عمري ما اقدر ارفضلك طلب ياست الكل قومي يلا حضرو الشنط بتاعتكو وقولى لايلين عشان هنمشي بليل يلا عشان منتاخرش وباس راسها
والدته: حاضر ياحبيبي
جهزو جميعا وخرجو ذهب ادهم ومعه ايلين في سيارة ووالده ووالدته في سياره اخري وبعد عدة ساعات وصلو الي اسكندرية واتجهو الي فيلتهم وكل واحد ذهب الي غرفته ما عدا أدهم ووالدته
والدته: اي ياحبيبي مش هتطلع ترتاح انت كمان شوية
أدهم: هشوف أمجد الاول واطمن عليه وبعد كدا هطلع
والدته: ماشي ياحبيبي تصبح علي خير
أدهم: وانتي من اهله
ذهب أدهم الي غرفة المكتب واتصل بصديقه أمجد
أمجد: الوو
أدهم: انت فين يلااا
أمجد: اي ياعم انت خضتني اتكلم براحه
أدهم: اتصدق انت لو قدامي لارزعك قلمين اخلص ياااض انت فين
أمجد: ياعم براحه انا داخل علي اسكندرية اهوو
أدهم: طب يلا بسرعة ومتتاخرش انا مش عارف انت ليه اصريت تمشي لوحدك ومتمشيش معانا اصلا
أمجد: ياعم اهدي كدا انا هروح علي شقتي واخد شاور وانام علطول لاني انا هموت وانام
أدهم: طب ماتيجي هنا يابني وخلاص
أمجد: لا سيبني علي راحتي انا خلاص وصلت اهوو تصبح علي خير
أدهم: وانت من اهله متتاخرش بقي الصبح
أمجد: تمام يلا سلام
أدهم: سلاام ذهب أدهم الي غرفته وخلد الي النوم

***************************************************
معلش مقدرتش اكتب اكتر من كدا انا عارفه ان البارت صغير بس ان شاء الله هعوضها في البارت الجاي بس انا تعبانه شوية ياريت تدعولى 🙂🥺
قولولي رايكو ♥🖤