"سرقت نبضات قلبى"
بقلم هاجر العفيفى 🌺أستغفروا🌺
الفصل الثامن
فى القسم
عند سيف ضحك على فعلتها وسرح فيها شويه بس دخل العسكرى وبلغه إن اللواء محمود عايزه ضرورى
سيف : تمام روح انت
العسكرى باحترام : تمام يافندم
خرج سيف وراح مكتب اللواء محمود واستأذن ودخل
سيف : حضرتك طلبتنى
محمود : اتفضل ياسيف يابنى
سيف جلس وأردف بهدوء : خير يافندم
محمود : فى تهريب آثار هيتم بكره الفجر وأنا مكلفك أنت بالمهمه دى وللأسف ال عمل كده هو برضوا ال ضرب نار على الكمين ال أنت أتصابت فيه
سيف باستغراب وتساؤل : مين هو ؟
محمود بهدوء : ال عمل كده هو هشام الجوهرى
سيف بصدمه : هشام !!!
محمود : للأسف هشام طلع أكبر تاجر آثار فى مصر بس محدش عارف يمسك عليه حاجه
سيف بصدمه وعدم استيعاب : طب وعرفته منين ان هو السبب فى ضرب النار
محمود : مسكنا واحد من رجالته واعترف بس احنا دلوقتى صابرين عشان نقبض عليه فى القضيه الكبيره متلبس
سيف بتساؤل : والمطلوب منى
محمود : أنك تمنع العملية بتاعت بكره انها تتم
سيف : تمام أى أوامر تانيه
محمود : لاء بس ياسيف بقولك بلاش تستخدم عاطفتك فى عملية بكره أنا عارف أن هو أبن عمك بس ده قانون
سيف بسخريه : ابن عمى كان هيموتنى بس متخافش حضرتك كله هيعدى بأذن الله
محمود بامتنان : بأذن الله
🌺🌺🌺🌺🌺🌺🌺🌺🌺🌺🌺بقلم
هاجر العفيفى 🌺أستغفروا🌺
عند فاتن خرجت من الكليه وبتتلفت على محمد ملقتهوش حمدت ربها ومشيت شويه عشان تلاقى تاكسى بس فاجأه وقف قدامها عربيه ونزل منها محمد بابتسامه سمجه
محمد : اركبى
فاتن بتأفف : هو فى أيه هو أنا صغيره
محمد ببرود : حاجه زى كده
فاتن بعند : مانا طول عمرى بروح لوحدى عادى
محمد : هو كده بقا مزاجى اركبى
فاتن بغيظ : يامستفزززز
وركبت بجانبه وهو ركب وشغل العربيه ومشى
فاتن باستغراب : ده مش طريق البيت
محمد : ماحنا مش رايحين البيت
فاتن برفعة حاجب : أومال فين
محمد : الشركه عندى
فاتن بصدمه : ده ليه إن شاء الله
محمد : هتشتغلى معايا
فاتن : والله !!وده قرار أخدته من نفسك
محمد ببرود : والله هو ده ال أنا قولته وهيتنفذ
فاتن بعصبيه : لاء بقا كده كتيير هو أنا مليش شخصيه بتتحكم فيا ليه ماتشوف خطيبتك وتتحكم فيها ايه ده
محمد : خلصتى
فاتن بصتله بتعجب من بروده الغير معهود
فاتن بغضب : اه
محمد باستفزاز : كلامى هو ال هيتنفذ برضوا وأسكتى بقا ولما نروح هناك هفهمك
فاتن سكتت وهى تكتم غيظها بالعافيه منه وهو بصلها بخبث وانتصار
🌺🌺🌺🌺🌺🌺🌺🌺🌺🌺🌺بقلم
هاجر العفيفى 🌺أذكروا الله🌺
فى ڤيلا الاء أخت سيف
آلاء : بس يابنى أنت وهو تعبتونى😥
عصام دخل وجلس بهدوء وشاف شكلها ومعلقش
آلاء : أيه مفيش حتى مساء النور أى حاجه
عصام بزهق : آلاء أنا مش ناقص كلام أنا على أخرى
آلاء جلست بجانبه ووضعت يدها على كتفه وأردفت بجديه : مالك ياحبيبى
عصام أزاح يدها بهدوء وأردف : مفيش يا آلاء أنا طالع أرتاح شويه
آلاء أستغربت تغيره معاها بس قالت فى نفسها يمكن عنده مشاكل فى الشغل ولا حاجه
آلاء : تمام
عصام طلع غرفته ونام على السرير بهدومه وافتكر ال حصل فى الشركه النهارده
فلااش بااااك
عصام : الاجتماع انتهى تقدروا تتفضلوا
كلهم خرجوا ماعدا مديرة الشركه ال هما متعاقدين معاها قربت منه بدلع وجلست بجانبه
نيرمين : بس تصدق عجبتنى أووى النهارده
عصام بصلها بسخريه وحاول يبعد عنها بس هى قربت أكتر
عصام : عايزه ايه
نيرمين بخبث : عايزاك
عصام بدهشه : عايزانى !!!
نيرمين أومأت راسها بدلع وأردفت : أيوه وصدقنى مش هتندم
عصام قام وقف بعصبيه : أنتى أتجننتى
نيرمين وقفت بجانبه بمكر : لاء متجننتش بس عندى ليك عرض هيعجبك أووى ومتأكده أنك هتوافق
عصام باستغراب : عرض ايه
نيرمين : تتجوزنى عرفى وهكتبلك نص الشركه بتاعتى
عصام بصدمه : أنتى بتقولى أيه أنا متجوز وبحب مراتى
نيرمين بخبث : بس ده عرض ميتعوضش متنساش أن شركتك دلوقتى محتاجه أي جنيه فكر وكلمنى أكيد معاك رقمى سلام
وخرجت وسابته وهو كان فى صدمه شديده
بااااك
عصام بتنهيده : سامحينى ياحبيبتى بس الشركه محتاجه فعلا ترجع زى الأول
🌺🌺🌺🌺🌺🌺🌺🌺🌺🌺🌺بقلم
هاجر العفيفى 🌺صلوا على شفيعكم🌺
فى الشركه عند محمد
وصل هو وفاتن ودخله مكتبه
فاتن جلست بغيظ : ها بقا فهمنى
محمد : بصى دلوقتى أنا محتاج محاسب للشركه ضرورى والصراحه فكرت فيكى بما أنك كلية تجاره وكده قولت بدل مانزل اعلانات وحواروات قولت أنتى أكتر واحده هتساعدنى
فاتن : طب ومقولتليش قبلها ليه
محمد : كنتى هترفضى أكيد
فاتن بسخريه : على أساس كده هوافق مثلا
محمد : ياريت يافاتن توافقى فعلا محتاجك جدا الفتره ال جايه وبعدين لسه بدرى على الأمتحانات واوعدك أن وقت الامتحانات هخليكى تركزى جدا فكرى
فاتن بتحدى : موافقه
محمد بارتياح : الحمد لله احم بس فى حاجه
فاتن بدهشه : ال هى ؟
محمد : هتكونى معايا هنا فى المكتب عشان تساعدينى وهجبلك مكتب مخصوص
فاتن : بس أنا مش السكرتيره الخاصه بيك
محمد : ها ع عادى يافاتن كده هيكون أحسن وكمان عشان تكونى تحت عينى
فاتن بعدم اقتناع : طيب بس هبدأ من أمتى
محمد بفرحه : من بكره ايه رأيك
فاتن باستغراب من فرحته الظاهره : تمام ماشى عن أذنك بقا
محمد : على فين
فاتن : هروح
محمد : لاء ياماما هوصلك قدامى
فاتن بنفاذ صبر : صبرنى يارب
🌺🌺🌺🌺🌺🌺🌺🌺🌺🌺🌺بقلم هاجر العفيفى 🌺وحدووو🌺
عند حنين خلصت شغلها فى المستشفى ونزلت لقت سيف بينتظرها راحت عنده
حنين : مساء الخير
سيف بابتسامه جذابه : مساء الجمال على أجمل ملاك😉
حنين اتكسفت وسكتت
سيف : يلا اركبى عازمك على العشا النهارده
حنين : هعطلك
سيف بحب : عمرى كله فداكى
حنين بخجل : ماشى يلا
وركبت بجانبه وشغل العربيه وطلع على مطعم جميل جدا وغالى وصلوا ودخلوا وطلبوا الاكل وفضلوا يتكلموا شويه عن نفسهم بس حصلت المفاجأه
الشخص بخبث : ياهلا بالحبايب
حنين رفعت راسها تشوف مين صاحب الصوت واتفاجأت
حنين بصدمه : هشااام !!!
سيف بحده : أنتى تعرفيه منين
حنين : ............
و
يتبع
تفاااعل ياحلويات ورأيكم❤
دمتم بخير💜
أنت تقرأ
"سرقت نبضات قلبى"
Misteri / Thrillerالحبيب ليس من يُبهرنا من اللّقاء الأول، بل من يتسلّل داخلنا دون أن نشعر وكأنّك فجأة تكتشف أنّه هو الهواء الذي تتنفّسه♥️
