Missing person :
Ellice Bianca Villahermosa / Alias : Ellice or Liz / Age : 25 / 4'12" / Brown-eyes / Dark brown hair / Last seen on August 21, 2021 at Venice Hotel Tagaytay wearing pink silk robe.
For any information that can help us find her, plea...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
"Pasensya na po mga sir at mga ma'am...Don Ramon, may bisita po kayo."
"Sige papasukin mo Carmen."
Ilang sandali pagka-alis ng kasambahay, nakita ng lahat na isang bata at matikas na pulis ang pumasok at lumapit sa kanila.
"Magandang araw po Mr. Ramon Villahermosa, ako po si police officer Gabriel Marasigan. Isa po ako sa mga incharge sa missing case ng anak n'yo at nandito po ako para ibalita sa inyo ang resulta ng isinagawa naming imbestigasyon."
"Please sit down officer." Itinuro ni Don Ramon ang isang upuan sa tabi ng kanyang kaibigang imbestigador.
"Sir!" Hindi natuloy sa pag-upo ang pulis sa halip sumaludo ito nang makilala ang imbestigador.
"That's no longer needed PO1 Marasigan, wala na ako sa serbisyo, maaari ka nang maupo."
"Thank you sir!"
"Kamusta officer, anong nalaman n'yo regarding sa pagkawala ng fiancée ko?" nagmamadaling tanong ni Harold.
"Napanood na ho namin ang CCTV sa labas ng kuwarto nila sa oras na 10:05pm ayon sa salaysay ni Ms. Cua.
"At anong nakita n'yo officer?" Naiintrigang tanong ni Meredith.
"Isang lalaking housekeeping na may tulak-tulak na big size green wheelie trash bin ang tumigil sa harap ng kuwarto n'yo...dahan-dahang binuksan ang pinto...at sumilip sa loob."
Kinilabutan si Meredith sa narinig, "I knew it! Tama ako, may nagbukas nga ng pinto!"
"Housekeeping?! Meaning, may keycard rin siya ng room namin, that explains kung bakit niya nabuksan kahit naka-lock!" sabi naman ni Marielle.
"Pero-"
Hindi natapos ng pulis ang sasabihin dahil muling nagtanong si Marielle, "Ano pa ang mga sumunod na nangyari officer?"
"Binuksan niya ho ng malaki ang pinto at ipinasok sa loob ang tulak-tulak niyang wheelie trash bin. Nang makapasok, isinara niya ang pinto at medyo nagtagal siya sa loob."
"Pagkatapos?" Kinakabahang tanong ni Meredith.
"Pagkalabas niya, para bang hirap na siya sa tulak-tulak niyang wheelie bin. Parang marami na o may mabigat na itong laman."
"Oh hindi! Pareho ba tayo ng iniisip kumpadre?!" takot na tanong ni Don Ramon sa imbestigador.
"Maaari kumpadre! Maaaring si Ellice ang inilagay sa wheelie bin na iyon, dahil maliit at payat na babae ang inaanak ko siguradong kasya siya doon."
Napahawak sa kamay ng isa't-isa at nagkatingin sina Marielle at Meredith. Halata ang takot sa kanila dahil sa nalamang maaaring naging dahilan ng pagkawala ng kanilang matalik na kaibigan.
Tiim-bagang naman nagtanong si Harold, "Nakita n'yo ba ang mukha ng lalaking iyon? Nalaman n'yo ba kung sino siya?"
"Hindi maaninag nang mabuti ang mukha ng lalaki dahil naka-cap ito pero may lead na kami sa maaari pagkakakilanlan niya."
"What do you mean officer?" tanong ni Caesar.
"Kahapon ng umaga sir, may isang lalaking housekeeping na nakasando at boxer short lang na nakatali ang mga paa at mga kamay at may tape ang bibig. Nakita itong walang malay sa isang cubicle sa CR ng mga empleyado sa hotel na iyon. Nang magkaroon ito ng malay, agad itong nag-report sa amin."
"May kinalaman ba ito sa pagkawala ng anak ko, officer?"
"Malaki ho ang posibilidad Mr. Villahermosa. Dahil ayon sa report niya sa amin may isang lalaking guest na lumapit sa kanya habang naglilinis siya ng CR. Nagtanong ito kung sino ang pwedeng kumuha ng mga kalat sa kwarto niya. May dala itong maiinom na in-offer sa kanya, tinanggap niya at ininom dahil nahiya siya sa guest. Pagkatapos, nahilo na raw siya at nawalan ng malay."
"Meaning, officer Marasigan ang guest na iyon ang kumuha sa uniporme ng housekeeping na lalaki at nagkulong dito sa loob ng cubicle. Malaki rin ang posibilidad na ang guest na iyon na isinuot ang kinuha niyang housekeeping uniform ang pumasok sa kwarto at kumuha kay Ellice...naaalala ba nung housekeeping ang itsura ng guest na sinasabi niya?" tanong ni Caesar.
"Yes sir! Sa katunayan nai-sketch na ho ng kasamahan namin yung mukha nung guest." Kinuha ng pulis ang papel sa loob ng hawak nitong folder at ipinakita sa lahat.
Nanlaki ang mga mata ni Don Ramon sa gulat, napatiim-bagang at nanlisik ang mga mata ni Harold samantalang napa-awang ang mga bibig nila Marielle at Meredith nang makita ang naka-sketch na mukha ng lalaking guest.
