မုန့်ရန် အခုတလော ကျောင်းစာတစ်ဖက်၊နိုင်ငံတကာအငယ်တန်းပြိင်ပွဲအတွက် လေ့ကျင့်ရတာတစ်ဖက်နဲ့ အတော်လေး အလုပ်ရှုပ်နေတယ်။အဲ့အပြင် တရားဝင်ရနံ့ကုထုံးပညာရှင် လိုင်စင်အတွက်စာမေးပွဲလည်းဝင်ဖြေရသေးတယ်။တစ်ခါတစ်လေဉီးနှောက်ဆေးတဲ့အနေနဲ့ လုံလင်းတောင်တစ်ခွင်ကို မြင်းစီးထွက်လေ့ရှိတယ်။
လော်ရှို့ ရဲ့ညီငယ်လေး လော်ကျီရဲ့ ဖိတ်ကြားမှုကြောင့် အခုချိန်မှာ ဘရက်ဒလီက စံအိမ်ရဲ့ ဂိတ်တံခါးကိုရောက်နေခဲ့ပြီ။ကျက်သရေရှိပြီးတော်ဝင်ဆန်တဲ့ ရွှေရောင်မြင်းပေါ်က ကောင်လေးကိုတွေ့လိုက်ရချိန်မှာ ဘရက်ဒလီတစ်ယောက် တစ်ကိုယ်လုံး လှုပ်မရအောင်တောင့်ခဲသွားခဲ့တယ်။ဒါက ပုံရိပ်ယောင်တစ်ခုလိုမျိုးအရမ်းလှပဆန်းကြယ်ပါတယ်။တောက်ပတဲ့နေရောင်ခြည်အောက်မှာ နတ်သမီးပုံပြင်ထဲကနတ်သားလှလှလေးတစ်ပါးက သူ့ဆီကို မြင်းစီးပြီးဒုန်းဆိုင်းပြေးလာနေသလိုပဲ။ဒီနတ်သားလေးက မြင်းပေါ်ကနေ သူ့ရဲ့ရင်ခွင်ထဲကိုပြေးဆင်းလာဖို့ကို ဘရက်ဒလီ ဘယ်လောက်ထိတောင်မျှော်လင့်နေသလဲဆိုတာ နတ်ဘုရားတွေပဲသိလိမ့်မယ်။
[TN: ကဲ...ဘရက်ဒလီ အတွက်အမွှေးတိုင်ကြိုထွန်းပေးလိုက်ကြပါတော့]
တခြားအရာတွေဆီစိတ်ရောက်နေတဲ့ မုန့်ရန်ကတော့ ဘရက်ဒလီကိုမမြင်ဘဲ မြင်းကိုဝေးရာအရပ်ဆီစီးနင်းသွားခဲ့တယ်။ဘရက်ဒလီရဲ့အကြည့်တွေက မုန့်ရန်ဆီမှာပဲ ကပ်တွယ်နေပြီး မုန့်ရန်သူ့ရဲ့မြင်ကွင်းထဲကနေပျောက်ကွယ်သွားတဲ့ အထိ သတိပြန်မကပ်နိူင်သေးဘူး။
"အထဲဝင်မယ်လေ Mr.ဘရက်ဒလီ "
သူ့ဆီကိုအာရုံမရောက်နိူင်သေးတဲ့ ဘရက်ဒလီကို လော်ကျီနောက်တစ်ခါထပ်ပြီးအသံပြုလိုက်ရတယ်။
"Mr.ဘရက်ဒလီ "
ဘရက်ဒလီ အတွေးစကိုမနည်းဖြတ်ပြီး လော်ကျီကိုလှည့်ကြည့်လိုက်တယ်။
"အထဲဝင်ကြမယ်လေ"
"Mr.လော် အဲ့ဒါကလေ....."
လမ်းလျှောက်နေရင်းနဲ့ ဘရက်ဒလီက လော်ကျီကို မသိမသာမေးကြည့်လိုက်တယ်။သူ မုန့်ရန်ကို မသိသလိုပုံစံမျိုးနဲ့ မုန့်ရန်အကြောင်းသိချင်တာလေးတွေကို စုံစမ်းရမယ်လေ။
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...