လတ်တလောလေးတင်မှ တရုတ်ပြည်ကိုပြန်ရောက်လာတဲ့ ရှုမင်ဟွာ က မတွေ့ဖြစ်တာကြာနေပြီဖြစ်တဲ့ အပေါင်းအသင်းတွေနဲ့ တွေ့ဆုံချင်နေခဲ့တယ်။အပေါင်းအသင်းရောင်းရငတွေကိုဖိတ်ကြားပြီး ညစာစားပွဲတွေကျင်းပပြီး လုံလင်းတောင်ပေါ်မှာ စိတ်ကြိုက်ပျော်ပါးနေခဲ့တယ်။
လုံလင်းတောင်ပေါ်ကို နေ့လည်ကတည်းကနေ ရှုမင်ဟွာရဲ့ အပေါင်းအသင်းတွေ တဖွဲဖွဲရောက်လာနေကြတယ်။ရှုမင်ဟွာက ယွီကျွင်းချန်ကို ခေါ်ပြီး ပွဲထုတ်ခဲ့တယ်။စကားအသွားအလာတွေထဲမှာလဲ ယွီကျွင်းချန်ကို သဘောကျနှစ်ခြိုက်ကြောင်း အရိပ်အမြွက်တွေထည့်ပြောလိုက်သေးတယ်။
ရှုမင်ဟွာက ယွီကျွင်းချန်ကို အရေးကြီးပုဂ္ဂိုလ်တစ်ယောက်လို တမင်သက်သက်ပွဲထုတ်နေမှန်း မုန့်ရန်သိတာပေါ့...နည်းနည်းတော့ အရှက်ရတယ်ဆိုပေမယ့် အရမ်းကြီး စိတ်ထဲမှာထည့်မထားတော့ဘဲ အေးအေးဆေးဆေးအနားယူဖို့ကိုပဲ ခေါင်းထဲထည့်ထားလိုက်တယ်။
ရှုမင်ဟွာနဲ့ သူ့ရဲ့အပေါင်းအပါတစ်သိုက်က မုန့်ရန်ရှိနေတဲ့နေရာနားကနေ ဖြတ်လျှောက်လာကြရင်း မုန့်ရန်ဘေးမှာ ဝင်ထိုင်လိုက်တယ်။ရှုမင်ဟွာက စိတ်ပျက်လက်ပျက်ဖြစ်နေတဲ့ အကြည့်တွေနဲ့ မုန့်ရန်ကိုကြည့်လိုက်ပြီး....
"ဧည့်သည်တွေကိုအခုထိ မနှုတ်ဆက်ရသေးဘူးလား??ငါ့သားလော်ရှို့နဲ့ လက်ထပ်လိုက်ပြီဆိုမှတော့ နင့်ရဲ့ လက်ရှိဂုဏ်ပုဒ်နဲ့ထိုက်တန်တဲ့ လောကဝတ်လောက်ကိုတော့ ကျေပွန်ရမှာပေါ့.."
မုန့်ရန်ကလဲ ရှုမင်ဟွာကို တည့်တည့်ကြည့်ပြီး ပြန်ပြောလိုက်တယ်။
"ဒီလို ကျေပွန်မှုမျိုးကို ယောက်ခကြီးဘက်က တကယ်မြင်ချင်တာရော သေချာရဲ့လား??"
"နင်ဘာစကားပြောတာလဲ??လော်မိသားစု အရှက်ရမယ့်အရေးကိုငါကရော မြင်ချင်ပါ့မလား?"
မျက်မှောင်ကြုံ့ထားတဲ့ ရှုမင်ဟွာက တစ်ဖက်ကိုလှည့်လိုက်ပြီး မြေးဖြစ်သူကို အော်ခေါ်လိုက်တယ်။
"လော်ဆန်း!! ဒီကိုလာဉီး!!"
ခေါ်သံကြားလိုက်တဲ့ လော်ဆန်းက ချက်ချင်းကိုရောက်လာပါလေရော...
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...