Angel of Mine // Vmin

Chapter - 6

{Unicode}

ဂျီမင် မျက်လုံးနှစ်လုံး ပွင့်လာတဲ့အချိန်မှာ ထယ်​ယောင်းဟာ ဂျီမင့်နားမှာ ရှိ​မ​နေ​တော့။ အဲ့ဒါထက် မြင်​နေရတာက ဂျီမင်နဲ့ လုံးဝမရင်းနှီးတဲ့ ပတ်ဝန်းကျင်။ ဘယ်​နေရာလဲ!

သတိထားမိချင်းမှာပင် ဂျီမင် ချက်ချင်းထထိုင်မိသည်။ ဂျီမင်​ရောက်​နေတာက အခန်းကျဥ်းတစ်ခုသာ။ ကြမ်းပြင်တစ်ခုလုံးက ဖုန်အလိမ်းလိမ်းနဲ့ ညစ်ပတ်လျက်၊ ထိုဖုန်​တွေရဲ့ အနံ့ကလည်း နှာ​ဖျားထိပ်မှာ လှိုက်ခနဲ လှိုက်ခနဲပင်။

အခန်းတံခါးကို သွားဖွင့်​ဖို့ ထိုင်ရာက ထ​တော့မှ ခြေ​ထောက်​တွေ​ရော၊ လက်​တွေ​ရော သံကြိုး​တွေနဲ့ အခတ်ခံထားရမှန်း သတိထားမိသည်။ အခန်းထဲ​တော့ ကောင်း​ကောင်းပတ်​လျှောက်လို့ရတဲ့ အ​နေအထားပင်။

ဒါ​​ကြောင့် တံခါးဆီ​ရောက်​အောင်သွားပြီး ဖွင့်ကြည့်​ပေမယ့် ဘယ်လိုမှ ဖွင့်လို့မရ​ပေ။ အပြင်က​နေ သော့ခတ်ထားတဲ့ပုံပဲ။ ဂျီမင် သွေးပျက်​ခြောက်ခြားစပြုလာပါပြီ။ ဘာ​တွေလဲ။ ဘာ​တွေဖြစ်​နေတာလဲ!

"ထယ်​ယောင်း!.. မင်း ဘယ်မှာလဲ"

အားကိုးမိရာကို အော်​ခေါ်​သော်လည်း ဘာတုံ့ပြန်သံမှ မကြားရ​ပေ။ မဟုတ်မှလွဲ​ရော.. သူ​ပြောထားသလို နတ်ဆိုး​တွေဆီ ဖမ်း​ခေါ်လာတာလား။ ဂျီမင့်ကို ဓါးစာခံလုပ်ဖို့အတွက်​​လေ..။

နောက်ဆုံးတွေ့ခဲ့တဲ့ အချိန်အထိ မုသား​တွေ​ပြော​နေခဲ့တာ​တော့ မဟုတ်ဘူးမလား။ ထယ်​ယောင်းက အဲ့လိုမျိုး လုံးဝမဟုတ်​လောက်ဘူးမလား။ သူက ဘာလို့များ...။

"ထယ်​ယောင်း!!"

တံခါးကို တဒုန်းဒုန်း ထုရိုက်သံနဲ့အတူ ဂျီမင့်အသံက ဆူညံလာ​တော့ တံခါးမကြီးဟာ ဝုန်းခနဲ ပွင့်လာသည်။ မယုံနိုင်စရာ ကောင်း​လောက်​အောင်ပင် ဂျီမင့်ဆီ ရောက်လာတဲ့သူက ဂျီမင့်ကို ဓါးစာခံလုပ်ချင်ပါတယ်ဆိုတဲ့ နတ်ဆိုး​တွေ ဟုတ်မ​နေခဲ့။

"အစ်ကို​တော်.."

"ငါ့ကို အစ်ကို​​တော်လို့ ခေါ်နေရတာ မရှက်ဘူးလား၊ သစ္စာ​ဖောက်"