Angel of Mine // Vmin

Chapter - 7 (Final)

{Unicode}

ညဥ့်ဦးယံအချိန် နန်း​တော်ရဲ့ အ​နောက်ဘက်မှာ မီးပုံကြီး တစ်ပုံဟာ အ​ရောင်တဖိတ်ဖိတ်​တောက်လျက် ထိန်ထိန်ငြီး​နေသည်။ မီးပုံကြီးရဲ့ ပတ်ပတ်လည်မှာတော့ နတ်သူငယ်အနည်းအကျဥ်းနဲ့ ဂျီမင့်ရဲ့ ညီအစ်ကို​တော်စပ်သူ​တွေဟာ နေရာယူထားသည်။

မီးပုံ​​ရှေ့ဘက်မှာ တည်ရှိ​နေတဲ့ စင်မြင့်ရဲ့ အ​ပေါ်မှာ​တော့ ဂျီမင်ဟာ သံကြိုး​တွေနဲ့ အချုပ်ခံထားရပြီး စင်အစွန်း​လေးမှာ မတ်တပ်ရပ်​နေရသည်။ မီးပုံထဲကို ခုန်ချပြီး ကိုယ့်ကိုယ်ကို အဆုံးသတ်ရမယ့် အပြစ်ဒဏ်​ပေါ့။

ထယ်​ယောင်းကိုလည်း နတ်သားနှစ်​ယောက်က သံကြိုး​တွေနဲ့ ချည်​နှောင်ကာ မီးပုံ​ဘေးမှာ ချထားသည်။ သူက​တော့ အဆိပ်ရည်လူးထားတဲ့မြားနဲ့ နှလုံးသားထည့်တည့်ကို အပစ်ခံရပြီး ပျောက်ကွယ်သွားလိမ့်မည်။

နောင်တရလားဆိုရင်​တော့ မရပါဘူး။ အနည်းဆုံး​တော့ လွတ်​မြောက်သွားလိမ့်မယ်။ နှစ်​ယောက်လုံး လွတ်​မြောက်သွားလိမ့်မယ်။

ဂျီမင် နောက်ဆုံးအ​နေနဲ့​တောင် ထယ်​ယောင်းမျက်နှာကို မကြည့်နိုင်​တော့ပေ။ သူက ဂျီမင့်ကို အဆုံးထိကာကွယ်​ပေးဖို့ ကြိုးစားခဲ့ပြီး ဂျီမင့်ကိုပဲ ရွေးချယ်ခဲ့​ပေမယ့် သူက​တော့ ဂျီမင်ရဲ့အသိုင်းအဝိုင်း​ကြောင့် သေရမှာတဲ့​လေ။ အားနာလွန်းလို့ ဘယ်လိုလုပ်ရမလဲ။

မီးပုံထဲ ခုန်ချဖို့ ဂျီမင်အဆင်သင့် ဖြစ်​နေခဲ့ပြီ။ အားလုံးရဲ့ မျက်လုံး​တွေဟာ ဂျီမင့်ဆီမှာ စုပြုံ​ရောက်ရှိလို့​နေသည်။ သေချာ​ပေါက် ဂျီမင်အရူးအမူး စွဲလမ်းခဲ့ရတဲ့ ထယ်​ယောင်းရဲ့ မျက်ဝန်းညို​တွေလည်း အပါအဝင်ပေါ့။ မင်းမ​သေ​စေရဘူး ထယ်​ယောင်း။ ငါမင်းကိုပဲ ရွေးချယ်တယ်။ ကာကွယ်​ပေးမှာမို့ ဒီအတိုင်း​စောင့်​နေ​ပေး။

ဂျီမင်မျက်လုံးကို စုံမှိတ်လို့ ခန္ဓာကိုယ်ကို ယိုင်ချလိုက်သည်။ မီးရဲ့ အပူရှိန်ဟာ ဂျီမင့်တစ်ကိုယ်လုံးကို ပြင်းပြင်းထန်ထန် ရိုက်ခတ်လျက်။ ဂျီမင့်ရဲ့ သစ္စာခံ နတ်သူငယ်​လေး​တွေက ဝမ်းနည်းတသစွာ ငို​ကြွေးကြသည်။ ထယ်​ယောင်းလည်း သေချာ​ပေါက် မျက်ရည်​တွေကျ​နေမှာပဲ။