Unicode
ရိထင်း အိပ်ဆောင်ထဲက ထွက်လာပြီးနောက်
တက်ကြွလန်းဆန်းနေလျက်ရှိသည်။
" အရှင် ... မနက်စာသုံးဆောင်ဖို့အသင့်ဖြစ်နေပါပြီ "
လိုင်ကျင်း ဦးညွတ်ကာပြောလိုက်သော်လည်း
ရိထင်းက ဘာမှပြန်မပြောပဲ
ပြုံးဖြီးနေတဲ့ မျက်နှာနဲ့ ညီလာခံဘက်ကို
ဆက်လျှောက်သွားသည်။
" အရှင် မနက်စာ ... "
" ကျစ် !! မစားချင်ဘူး ...
အဲ့ဒီအရသာမရှိတဲ့ဟာတွေကို
အကုန်လွှင့်ပစ်လိုက် ..... "
ရိထင်းစကားကြောင့် လိုင်ကျင်း
ကြောင်အ,သွားလေသည်။
အရှင့်ရဲ့မနက်စာဆိုတာ နတ်သုဒ္ဓါတွေလို
အရသာကောင်းမွန်တဲ့ အစားအစာတွေချည်း
လုပ်ပေးထားတာလေ ....
တစ်သက်လုံးစားလာခဲ့သမျှ အခုမှ
ဘာလို့ အရသာမရှိဖြစ်သွားရတာတုန်း ....
လိုင်ကျင်း အူကြောင်ကြောင်နဲ့တွေးနေရင်း
အရှင်က နန်းတော်ရဲ့ အနောက်ဘက်ကို
သွားတာကြောင့် အလျင်အမြန်လိုက်သွားရသည်။
အရှင်က နန်းတော်ရဲ့အနောက်ဘက်
ပန်းမာန်တွေစိုက်ပျိုးထားတဲ့နေရာရောက်တော့ ခြေလှမ်းတို့ရပ်တန့်ပြီး
လိုင်ကျင်းကို ပြန်လှည့်ကြည့်လာသည်။
" ဒီနေရာဆို ကောင်းလား "
" ဗျာ ... ဘာ ဘာကို ... "
" ထားလိုက်တော့ ...
မင်းကိုမေးလည်း သိမှာမဟုတ်ဘူး .... "
အရှင်က ပြောပြီး ပန်းပင်တွေကို
လှည့်ပတ်ကြည့်ရှုနေတာမို့
လိုင်ကျင်း အူကြောင်ကြောင်နဲ့လိုက်ရပြန်သည်။
" နန်းတော်ထဲက ရှိတဲ့လူတွေအကုန်
ခေါ်လိုက် ..... "
" ဟုတ်ကဲ့ပါ အရှင် "
လိုင်ကျင်း ဦးညွတ်ပြီး အရှင့်အမိန့်တော်တိုင်း
ခေါ်ပေးလိုက်ရသည်။
အခုချိန်ထိ အရှင်ဘာကိုရည်ရွယ်တယ်ဆိုတာသူမသိသေး ....
အရှင်ကိုက ထူးဆန်းလွန်းနေလို့
သူ့ဦးနှောက်က လိုက်မမီတော့တာလည်း ဖြစ်နိုင်သည်။
ရိထင်း သူ့ရှေ့က ရောက်လာတဲ့ လူအုပ်ကြီးကိုကြည့်ကာ တစ်ချက်ပြုံးလိုက်သည်။
YOU ARE READING
ခြင်္သေ့အရှင်ရဲ့ ယုန်ဖြူလေး🔞🔞🔞( ရပ္နား)
Romance၁၈နှစ်အောက်ကလေးတွေနဲ့ အမှောင်မကြိုက်သူများအတွက် မသင့်လျော်ပါ❌❌❌
