Unicode
ရိထင်း သူ့ယုန်ပိစိလက်ကိုဆွဲပြီး
နန်းတော်ရှေ့ကို ထွက်လာသည်။
" အရှင်ရိထင်းကို ဂါရဝပြုပါတယ် "
ကောင်းကင်ဘုံက
လာခေါ်သော နတ်သူငယ်က
ရိထင်းကိုမြင်တော့ ဦးညွတ်ကာ
အရိုအသေပေးသည်။
ဝူယွီကိုတော့ ဘယ်သူမှန်းသူမသိတာကြောင့်ခေါင်းငြိမ့်၍သာ ပြုံးပြလိုက်သည်။
" ကောင်းကင်တံခါးက ထပ်ပွင့်နေပြန်ပြီလား "
" မဟုတ်ပါဘူး အရှင် .....
ဧကရာဇ်က အရှင်နဲ့အရေးကြီးကိစ္စ
ဆွေးနွေးစရာရှိတာမို့
ဆင့်ခေါ်ခိုင်းလိုက်တာပါ "
" ကောင်းပြီ .... သွားကြတာပေါ့
ကိုယ့်လက်ကိုသေချာကိုင်ထားနော်
ဝူယွီလေး "
" နေ ... နေပါဦး အရှင်
ခဏ !! "
" ဘာဖြစ်တာလဲ !! "
ရိထင်း အသည်းအသန်တားလာတဲ့
နတ်သူငယ်ကို မျက်မှောင်ကျုံ့ကာ
ကြည့်လိုက်မိသည်။
ရိထင်းရဲ့ အလိုမကျတဲ့အကြည့်ကြောင့်
နတ်သူငယ်က အနည်းငယ်ရှိန်သွားပြီး
" ဟို ... ဧ .. ဧကရာဇ်က
အရှင်တစ်ယောက်ထဲ လာခဲ့ခိုင်းတာပါ "
" ဘာ !! "
" အရှင် ဟင့် .... "
ရိထင်းအသံကျယ်သွားတော့
ယုန်ပိစိက မျက်နှာငယ်လေးနဲ့တားလာသည်။
ရိထင်း စိတ်ကိုလျော့ချပစ်ရင်း
" ဧကရာဇ်က တကယ်ပဲအဲ့လို
ပြောလိုက်တာလား "
" တကယ်ပါ အရှင် .....
ကျနော်မျိုး မလိမ်ရဲပါဘူး .....
ဧကရာဇ်က အရှင်တစ်ယောက်ထဲကို
သီးသန့်ခေါ်ခဲ့ဖို့ မှာလိုက်တာပါ ....
အိမ်ရှေ့စံ မသိစေနဲ့လို့လည်း မှာလိုက်ပါတယ် "
ရိထင်း တစ်ချက်တော့စဥ်းစားသွားသည်။
ကျန့်လန်ကိုတောင် မသိစေချင်တဲ့ကိစ္စက
တော်ရုံကိစ္စတော့ ဟုတ်မည်မထင်။
ဧကရာဇ်မှာ ဘယ်လိုပြသနာတွေ
ကြုံနေရပြီလဲ .....
တိတ်ဆိတ်မှုနဲ့ငြိမ်သက်နေတဲ့
ရိထင်းမျက်နှာကို ကြည့်ပြီး
ယုန်ပိစိက ရိထင်းဆုပ်ကိုင်ထားတဲ့
သူ့လက်လေးကို ဖြေးဖြေးရုန်းလိုက်သည်။
YOU ARE READING
ခြင်္သေ့အရှင်ရဲ့ ယုန်ဖြူလေး🔞🔞🔞( ရပ္နား)
Romance၁၈နှစ်အောက်ကလေးတွေနဲ့ အမှောင်မကြိုက်သူများအတွက် မသင့်လျော်ပါ❌❌❌
