Unicode
မြို့တော်တွင်း စည်ကားလှသည့်
စျေးတစ်နေရာ ......
အရောင်အသွေးစုံစုံလူတွေကြား
ခရမ်းရောင်ပိုးထည်ဝတ်စုံကို
ခန္ဓာကိုယ်နှင့်ကွက်တိကျအောင်
ဝတ်ဆင်ထားပြီး ဖြူနုနုလက်တစ်ဖက်က
ဓားကိုတင်းကြပ်စွာဆုပ်ကိုင်ထားသည့်
လူငယ်တစ်ဦးရှိလေသည်။
ထိုလူငယ်၏နောက်တွင်
အမျိုးသမီးတစ်ဦးပါရှိနေပြီး
အဖြူရောင်ဦးထုပ်ရှည်ဖြင့်
မျက်နှာကိုဖုံးအုပ်ထားတာကြောင့်
သဲကွဲစွာမမြင်ရချေ။
ထိုလူငယ်ကို ရုတ်တရက်ကြည့်လျှင်
မင်းသားတစ်ပါးသို့မဟုတ်
သခင်ငယ်တစ်ဦးကဲ့သို့ထင်ရသော်လည်း
မသေမျိုးလောကသားများမှာ
စွမ်းအားကြီး မိစ္ဆာတွေမှန်းတန်းသိကာ
ခပ်ဝေးဝေးကရှောင်ရှားသွားကြလေသည်။
လူငယ်ကမူ ပတ်ဝန်းကျင်ကို
ဂရုမစိုက်ပဲ
ရှေ့တူရူကိုသာ တည့်တည့်မတ်မတ်ကြည့်ပြီး
ခြေလှမ်းတို့က မြို့ပြင်ကို ဦးတည်နေလေသည်။
" မုန်လာဥတွေ ရမယ် ..... မုန်လာဥတွေ
လတ်ဆတ်တယ်နော် မုန်လာဥတွေ "
" ...... "
ဝေ့ချန် စျေးထဲလမ်းလျှောက်လာရင်း
ရင်းနှီးလှသည့်အသံကြားရတာကြောင့်
ခြေလှမ်းတွေကို ရပ်တန့်ကာ
အသံလာရာဆီကြည့်လိုက်မိသည်။
" မုန်လာဥချိုချိုလေးတွေနော် မိတ်ဆွေတို့....
စွပ်ပြုတ်လုပ်သောက်မလား
ယုန်လေးတွေကို ကျွေးမလား ....
အကုန်လတ်ဆတ်တယ်နော် "
အညိုရောင် ခပ်နွမ်းနွမ်းဝတ်စုံကြီးကို
ဝတ်ဆင်ထားသည့် စျေးသည်အမျိုးသားကို
ကြည့်ရင်း ဝေ့ချန်ရင်ဘတ်ထဲ
တင်းကြပ်ဆို့နင့်မှုနှင့်အတူ လွမ်းဆွတ်မှုကိုပါ
တစ်ပါတည်းခံစားလိုက်ရတာကြောင့်
သူ့နှလုံးသားနေရာကို တင်းကြပ်စွာ
ဆုပ်ကိုင်လိုက်မိသည်။
ဒီခံစားချက် !!!
လွန်ခဲ့တဲ့နှစ်ပေါင်းသုံးရာက
နတ်ဘုရားတစ်ပါးကို
မတော်တဆထိတွေ့မိလိုက်ချိန်ကလို
ခံစားချက်မျိုး။
" ဒီလူက ထူးဆန်းတယ် "
အနောက်မှာကပ်ပါလာတဲ့ ဝမ်ထင်က
ဝေ့ချန်ငေးကြည့်နေတဲ့ မုန်လာဥသည်ကို
ကြည့်ပြီး ပြောလိုက်သည်။
YOU ARE READING
ခြင်္သေ့အရှင်ရဲ့ ယုန်ဖြူလေး🔞🔞🔞( ရပ္နား)
Romance၁၈နှစ်အောက်ကလေးတွေနဲ့ အမှောင်မကြိုက်သူများအတွက် မသင့်လျော်ပါ❌❌❌
