Unicode
အိပ်ချိန်ကြာသွားတော့ ယုန်ပိစိ
နိုးလာသည်။
အရင်ဆုံးမျက်လုံးမဖွင့်သေးပဲ
လက်က အိပ်ယာပေါ်လျှောက်စမ်းကာ
ရိထင်းကိုရှာနေသည်။
လက်နဲ့စမ်းလို့မတွေ့တော့
အိပ်မှုန်စုံဝါးဖြစ်နေတဲ့ မျက်လုံးကို
ဖိပွတ်ပြီး ထထိုင်လိုက်သည်။
ထို့နောက် မျက်လုံးတို့ကို
ဖြေးဖြေးချင်းဖွင့်ရင်း နံဘေးကို
ကြည့်လိုက်သည်။
စောင်ကလွဲပြီး ဘာမှရှိမနေ။
အခန်းထဲဝေ့ဝဲကြည့်မိတော့လည်း
ငြိမ်သက်တိတ်ဆိတ်နေပြန်သည်။
အရှင်သူ့ကိုထားသွားပြန်ပြီလားဆိုတဲ့
အတွေးက ရင်ဝကိုဆောင့်တက်လာတာမို့
မျက်ရည်က ဝိုင်းကနဲ .....
" ဟင့် .... အရှင် ... အူးဝါး ...
ယွီယွီ့ကို ထားခဲ့ပြန်ပြီ ... အင့် ... ဝါး "
ဝူယွီငိုရင်း အိပ်ယာပေါ်ကဆင်းကာ
တံခါးဆီအပြေးသွားမိသည်။
အရှင်နဲ့ မခွဲနိုင်ဘူး .....
အရှင် သူ့ကိုဒီလိုမျိုးထားခဲ့လို့မရဘူး ....
အရှင့်နောက်လိုက်သွားမှာ .....
အခုချက်ချင်းလိုက်မှာ ....
" ဟင့် ... လိုက်မှာ ...
ယွီယွီ အရှင့်နောက်လိုက် .... အင့် !! "
ဝူယွီအလောတကြီးပြေးရင်း
တံခါးဆီမရောက်ခင်
တစ်စုံတစ်ခုကို ဝင်တိုက်မိတာကြောင့်
မျက်ဝန်းတို့ကို
အလန့်တကြားမှိတ်လိုက်မိသည်။
ကြောက်ရွံမှုကြောင့် ခေါင်းပေါ်က
နားရွက်ရှည်လေးတွေ
ပေါ်လာတာကိုလည်း ခံစားလိုက်မိသည်။
နောက်ပြန်လဲကျသွားမယ်ထင်ခဲ့ပေမယ့်
ခါးထက်မှာ မြဲမြံနေတဲ့လက်တစ်စုံက
ပြန်ဆွဲယူလိုက်တာကြောင့်
အေးစက်စက်တစ်စုံတစ်ရာကြား
တစ်ကိုယ်လုံးနစ်မြုပ်သွားရပြန်သည်။
" ဝူယွီလေး .... "
" အ .. အရှင် ? "
အံ့ဩတကြီးနဲ့မျက်လုံးတို့ကိုဖွင့်ကြည့်မိတော့
အရှင့်ရင်ခွင်ထဲရောက်နေသည်ကို
တွေ့ရသည်။
YOU ARE READING
ခြင်္သေ့အရှင်ရဲ့ ယုန်ဖြူလေး🔞🔞🔞( ရပ္နား)
Romance၁၈နှစ်အောက်ကလေးတွေနဲ့ အမှောင်မကြိုက်သူများအတွက် မသင့်လျော်ပါ❌❌❌
