" ဦး ငယ်ကြည့်ကောင်းရဲ့လား "
" ကြည့်ကောင်းတာပေါ့ ငယ်ရာ လောကကြီးထဲမှာ ဦးအတွက်တော့ ငယ်ကကြည့်အကောင်းဆုံးဘဲ "
" ဒါနဲ့ ဦး ဦးက ကုတ်အဖြူရောင်မဝတ်ဘဲဘာလို့ အမည်းရောင်ဝတ်တာလဲဟင် "
" ဟင် သြော် ဒါလား ဦးကငယ်နဲ့ဆင်တူဖြစ်အောင်လို့ပေါ့ ငယ်ရဲ့ "
" ဦးက ငယ်နဲ့ဆင်တူဖြစ်စရာမလိုဘူးလေ "
အူကြောင်ကြောင်နဲ့ပြန်မော့ကြည့်နေသော ငယ့်ကိုပုခုံးလေးဆွဲဖက်ရင်း ခန်းမထဲအသာဆွဲသွင်းလိုက်ရသည်
သေချာတယ် ဒီအချိန်ဆိုဖိတ်ထားတဲ့ဧည့်သည်တွေစုံနေကြလောက်ပြီ ~
တလှမ်းချင်းလှမ်းရင်းပွဲတက်လာကြတဲ့လူတွေရဲ့အလယ် ငယ့်လက်ကိုဆွဲပြီးလျှောက်နေရတဲ့ ဦးဘာ့သာ ဦး ကိုယ့်ကိုကိုယ် ဂုဏ်တွေယူလိုက်ရတာ
ဝဲဝဲတက်လာတဲ့မျက်ရည်တွေကိုပုတ်ခတ်ပုတ်ခတ်လုပ်နေတဲ့ငယ့်ပုံရိပ်လေးကြောင့် ဦးရာခိုင်နှုန်းအပြည့်
အဝ ပျော်နိုင်တယ်များထင်သလားဟင်
" ငယ် ဖြေလိုက်ဦးလေ "
" အာ ဟုတ် ကတိ…ကတိ …ကတိပြုပါတယ် "
အလျင်စလိုငုံ့ချလိုက်တဲ့မျက်နှာလေးအောက်မျက်ရည်တစ်စက်လွှင့်ထွက်သွားတာကအစ မြင်တွေ့ရပါတယ် ငယ် ~
ရင်နဲ့ရင်းလို့ နှလုံးသားကိုမြေသြဇာလုပ် ကြီးပြင်းလာအောင်စောင့်ရှောက်ပေးခဲ့ရတဲ့ဦးရဲ့ အရင်းအနှီးတွေဟာကြီးမားနိုင်မယ်မှန်းလည်းခန့်မှန်းမိပါတယ်
ဘယ်လိုလုပ်မလဲ ငယ် ~
ငယ်နဲ့ဝေးဝေးမနေရဲတဲ့ ဦးနှလုံးသားကိုလည်းအပြစ်ပေးလိုက်ချင်ပါရဲ့
အခုတော့ ဦးကြောင့် ငယ်နာကျင်ရတော့မယ် ~
" ဟော သတို့သားလေးနှစ်ယောက်ကအခုမှဘဲပေါ်တော့မူလာတယ် "
သိပါတယ် ငယ်ရယ် နားမလည်တဲ့မျက်ဝန်းလေးတွေနဲ့မော့မော့ကြည့်ရင်းမေးချင်နေတဲ့ငယ့်ပုံစံလေးကို ~
မတတ်နိုင်ဘူး ငယ် ~ ဦးကတော့သေတဲ့အထိငယ့်ကိုထွက်မပြေးနိုင်အောင်ဖမ်းဆုပ်ထားရမှာဘဲ
