حبيبتي الشقيه

الفصل السادس عشر

❤💜 اللهم صلي على سيدنا محمد 💜❤
أجمَل عبآرتَين ؛ 💭

• مآ أحزَن الله عَبداً إلآ لـ يُسعده ،
• و مآ ابتَلى الله عَبداً إلآ لأنّه يحبه 💙".

❤❤متنسوش الفوت و الكومنت يا حبايبي ❤❤

...........................................

صقر اول ما سمع الي ريان قاله و هو حاسس إن جسمه تجمد ، كل عرق من عروقه اتجمد في مكانه حاسس ان قلبه وقف و عقله وقف كل خليه في جسمه وقفت
صقر بجمود مرعب / يعني إيه اتخطفوا
ريان بص علي صقر بخوف / مش عارف
صقر خطف التلفون من علي ودن ريان وكان الخط لسه مفتوح أتكلم صقر بجمود مرعب و صوت عميق / آنتو فين

الحارس برعب / إحنا قدرنا نلحق العربيه يا باشا و هما رايحين مزرعه و إحنا وراهم هبعت لحضرتك المكان حالا
صقر بجمود / ماشي
بيقوم صقر من مكانه و عيونه مليانه غضب و جبروت ، كأنك أخدت منه اغلي حاجه عندو ، يبص لريان و يقوله بكل قوة / قوم يا ريان، إحنا هنروح وراهم و هنلحق البنات ، قوم يلا بسرعه

يبص ريان لصقر بنظرة فيها ضعف بس نظرة صقر إللي كلها قوة خلته يقوم و في عينه غضب كبير و يطلعوا آلأتنين بكل سرعه و يركبوا عربيتهم و وراهم الحرس

عند مهاب إللي كان قاعد في مكتبه و هو بيبص علي الحيطه إللي قدامه بسرحان و حاسس بحاجه تقيله آوي علي قلبه ، حاسس بالقلق و الخوف غريب عليه ،مسك تلفونه علشان يتصل ب وردة و مهرة يطمن عليهم لكن في نفس الثانيه كان صقر بيتصل بيه و قلبه كل شويه بيتقبض آكتر يبص علي التلفون بتردد
يرد و هو بيحاول يبقي عادي / الو
صقر بجمود / انا اسف بس البنات اتخطفوا، معرفش دا حصل إزاي ولا أمتي بس أنا عرفت مكانهم و رايح ليهم دلوقتي أنا و ريان و الحرس و مش هجيلك غير و هما معايا أنا أسف يا مهاب

مهاب من اول كلمه قالها صقر و هو حاسس انه فقد القدرة علي التنفس ، حاسس إن في صخرة كبيرة اتحطت علي قلبه و خليت قلبه يوقف نبض، بس في خلال دقيقه أتكلم ببرود و جمود / ابعتلي المكان هجيب القوات و اجي
و يقفل مهاب مع صقر و الدموع في عيونه بس بيستجمع نفسه و بياخد نفس عميق و بيطلب من مكتبه القوات إللي تحت ايدو و في خلال 5 دقايق و يتكلم معاهم بصوت قوي و برود / في عميله خطف حصلت ، أخواتي البنات آلأتنين ، تم اختطفهم من الجامعه بتاعتهم ،الوقت بالتحديد مش معروف ، احتمال كبير إللي خطفهم يبقي القاتل المتسلسل إللي إحنا بندور عليه و إللي إحنا اتكلمنا عليه الصبح ، و كنا هنحط مراقبين بس للأسف ملحقناش
، المكان إللي هنا في هيتبعتلي دلوقتي ، إحنا لازم نتحرك حالا و نروح مش عايز ناس نايمه و مش عايزة مندفعه، خطتنا نخرج الرهاين بهدوء و سلاسه و من غير ما الخطف يحس و بعد كدا نقبض علي المجىم ، هنتقسم لفريقين ، فريق للانقاذ و فريق للقبض علي المجرم ... يلا بينا علي الله