Long and Lasting Love (Completed)

CHAPTER THREE

(Joseph's POV)

"Maganda ba, bro? Pakilala mo naman kami." Sabad naman ni Rick.

"Oo nga, bro. Sige ka, bad ang maging selfish." Si Tyrone naman ang humirit.

"Agree. Kaya nga may tawag na share your blessings 'di ba?" Si John.

"Tumigil nga kayo! Para kayong mga sira diyan!" Natatawang saway ni Wayne sa lima.

Isa-isa nang nagpaalam ang iba pa naming ka-teammates from different departments and years hanggang sa kaming anim na magkakaibigan na lamang ang natira.

Tapos na rin namang magpalit na damit ang lahat. Sina John at Tyrone nag-aayos na lang ng mga gamit habang ako, sina Paulo at Rick ay nakaupo na lang sa mga bleachers at nagpapahinga. Ganoon rin si Wayne na nakaupo sa bleacher habang nag-aayos din ng bag n'ya.

"Ipakilala mo na sa amin 'yan, bro, nang kami mismong lima ang kumilatis." Sabad ko naman.

"Sige na nga, aaminin ko na. She's a very special girl to me kahit kamakailan ko pa lang s'ya nakikilala. For me, hindi lang s'ya basta ordinaryong babae o chick. Siya ang tipo ng babae na karapat-dapat gawadan ng isang lalaki ng tunay na pagmamahal at dapat na seryosohin." Magiliw na sagot ni Wayne. He really looks like an idiot man in love.

"Mukhang tinamaan ka talaga, Wayne ah? Tuloy nae-excite kaming makilala 'yang babaeng 'yan." Si John.

"Sige, kapag may oras s'ya o kaya naman nakita ko s'ya habang kasabay ko kayo ipapakilala ko s'ya sa inyo." Nakangiting sagot ni Wayne.

"'Yon oh!" Makulit na hirit ni Rick.

Nagsihagalpakan kami ng tawang magkakaibigan...

Ilang sandali pa kaming nagpalipas ng oras sa pagpapahinga kaya tuloy kung anu-ano na yung mga napagkuwentuhan namin na maya-maya ay pagtatawanan hanggang sa mabagot na kami sa pagpapahinga at nagpasya nang maglakad palabas ng gym.

Maaga pa naman pala, alas singko pa lang kaya marami pa ring mga estudyante na narito sa loob ng University.

Habang naglalakad kami, kanya-kanyang trip at kulitan ang mga kasama ko habang ako naman ay tahimik lang na nakasunod sa likod ng mga asungot kong tropa at nakikinig tapos maya-maya ay makikitawa lang din kapag may pagtatawanan sila.

"I think, I already built in my mind the picture of a girl whom I want to be with.. forever." Nabigla ako nang sabayan ako ni Wayne sa paglalakad at akbayan n'ya ako kasabay ng tila inspired na inspired na sinabi n'ya. Agad naman akong nakabawi.

Napangisi ako. "In love na nga talaga ang asungot kong bestfriend." Natutuwang sabi ko sa kanya.

"Yeah. Sa tingin ko nga din. You know, its a love at first sight, bro."

"The girl's lucky huh!" Komento ko sabay akbay din sa kanya.

"We're lucky, to be exact!" Masayang sagot n'ya.

Natigilan naman ako.

"Wait! What, Wayne?? Huwag mong sabihing nababakla ka na at naiinlove ka na sa akin?" Birong sabi ko kasabay ang paghagalpak sa sobrang tawa.

"Gago, baliw!. What I mean is nakita ko na s'ya. My girl! She's with her friends now. Follow me at ipapakilala ko siya at ang mga kaibigan n'ya sa inyo " Sagot n'ya saka nagmadali nang tinungo ang isang bench kung saan naroon ang tatlong mga babae.

"Oh saan punta ng isang 'yon?" Walang kaalam-alam na naitanong ni Tyrone habang nakasunod ang tingin sa direksyong tinatahak ni Wayne.

As what we could see, sa isang bench, may tatlong babaeng nakaupo at masayang nagkukwentuhan. Nakatalikod ang mga iyon sa amin kaya hindi pa namin makita yung tatlong mga babae.