للكاتبتين:أماني وشيماء الشيخ
__________________________________
شهد:خشينا للحوش والمنظر لي قدامنا صدمنا حرفيا بمعنى الكلمة 💔
خشينا ولقينا هداية وصغارها ومرت طلال قاعدين يتعشو ويضحكو وضحكهم واصل للشارع 💔مش مقدرين وفاة صايره هني ولا كيف لا واقوى شي بنت هدايه لكبيره لي مفروض تكون واعيه اكتر قاعده تسمع في الأغاني ولا گأنه في شي 🔥
رهف:قلت باصوت عالي شن قاعد يصير هنييي
شهد:ياناس شن العار لي مدايرينه اما ناس انتم مستحيل تكونو طبيعيين انتم كلاب بشرية الله لا يريحكم ع الأقل احترموا الميتت مش لدرجة هدي لاكن كلاب زيكم ميفهموش الا با الطريقه هدي ومشيت نجري قربعت السفره والكل يشبحلي بصدمه كيف شعري منثور على وجهي بطريقه مخيفه وجهي كان احمر من العصبيه واحتمال الدخان كان يطلع من ودني 🔥محسيتش الا بيد لفتني بقوه لين كتفي قريب تحول من مكانه
طلال:شن درتييي
شهد:برا ياعيل هدا بوك لي ماتت انتم شن معندكمش احساااس خلاص ضميركم مات بوك كيف مات ومدايرين هكي شن باصير بعدين كان انتم معندكمش اخلاق قولوها عادي تو نعذركم يا كلاب لفلوس
طلال:الكلمة الاخيره كانت موجه ليا ؟!
شهد:بكل قوه واندفاع قلت>إي كانت ليك انت ياكلب لفلوس
طلال:وبكل قوته طاح فيها ضرب وفش فيها غله
شهد:بعددد حقييير وكلب فلوس
أية:مقعمزه في تركينه وتبكي با هستيريا 🔥💔
رهف:بعدد منها بعدددد
طلال:دف رهف بقوه لين طاحت وكمل ضرب في شهد لين عيا ووقف وعيونه حمر من العصبية
شهد:نضت بصعوبه منكدبش عليكم حرفيا كانه كان في ضهري مباني كبار طايحين عليا كسره في أيده مسحت الدم لي نازل من فمي وتلفتت لي رهف مديتلها يدي وقامت مشيت لي ايه نوضتها حتى هيا وشبحت لي طلال وابتسمت با استفزاز وهمست في ودنه< كلام الحق وجاع صح
طلال:كان ماشي يضربها تاني لاكن وقفه راجل هدايه
سامر:ياسر طلال متحطش عقلكمن عقل عيله خلاص
شهد:استغلت الفرصه ومشت تجري هيا وخواتها للمربوعه وريان تشبحلنا باحزن عكس خواتها لي كانو متشمتين فينا (يكرهونا من غير سبب هادم العالم الأمراض نفسيا الله غالب 🤦♀️)
شهد:فتحت الباب وتلوحت ع المندار وايه مزال مستمره في البكي
شهد:وووه ياسر اسكتي معاش عندك دموع خزانك متاع الدموع با تم يابنتي 😂🤦♀️
أية:باصوت متقطع من البكي قعع د يضضرب فف يك ال حيي واان وجعك صح💔😭
شهد:اني واحد مريض زي هدا يوجعني متخافيش ميقدر يديرلي شي انا طرزان 😂
ايه:ابتسمت ومسحت خشمها بكلينكس وعيونها حمر
ريان:جيت
رهف:اهلين
ريان:متزعلوش من خالي صح عصبي لاكن طيب را
شهد:اي واضح طيب تي كان باطلعني جثه اليوم كان مش سامر راجل هدايه را توا قاعده في عداد الموتى
ريان:سكتت وابتسمت وخلاص
رهف:اليوم هدا بنسجله اسوء تاريخ في حياتي كلها خلاص عييت نبي نروح للحوش انيي
شهد:نفس الشي وربي تعبت اشبح ماما شن صاير فيها توا 💔
أية:مشت قعمزت حداهم وحضنتهم
ريان:هاكم كولو مكليتو شي تو دوخو
شهد:معنديش نيه نبي ميه بس
رهف:حتى اني
ايه:خدت السندوتش وبدت تاكل
شهد:مفجوعه 😒
ايه:ضحكت وعيونها مزال عمليات دموع وكملة ماكله
ريان:تفضلو ومدتلهم شيشات الميه
شهد:انتم وين. تسكنو؟
ريان:حني في الطابق التاني وخالي خالد في التالت وخالتي فدوى في الرابع وخالي محسن في الخامس وحوالي الزوز التانين مسافرين لاكن بيرجعو بعد غدوا
شهد:اها
ريان:هاكم اتصلت با امكم
طلال:باصوت عالي ويخوف رياااااان
ريان:نعم خالي 😨
طلال:جيبي التلفون
ريان:لاكن ماا
طلال:قلت جيبي يعني جيبيي
شهد:متخافش منعضوش حني ودير في بالك امي بنمشولها يعني بنمشولها تبي ولا متبيش
طلال:الصبح بنرفعكم لي امكم ريحي روحك وأدوية زين ولسانك قصيه احسنلك واتفي شري وقعد يشبحلها بنظرات تخوف واستحقار
طلال:ريونه حبيبتي هاك التلفون ❤️
ريان:خداته وهيا خايفه اول مره تشبح خالها متعصب بالطريقه هدي
شهد: منكدبش عليكم وجعتني اللقطه شن نفرقو حني على صغار هدى وخواتي التانين كيف يعامل فيهم بكل حب وحني يشبحلنا با استحقار من اول ما جينا كليت قريب 4 طرايح اليوم مفكرش يجي ويعتذر حتى 💔لاكن عادي مش مهم شبحتله بنفس النظره حتى اني وتلفتت
أنت تقرأ
مأساة منذ الطفوله
Teen Fictionالروايه هذي مقتبسه من واقع و فيها خيال طبعا لان الواقع بروحه اخلي الروايه مش حلوا طبعا القصه تتكلم على تلاته خوات راح تتغير حياتهم بعد موت بوهم 360 #الكاتبه _شيماء الشيخ_اماني😍
