للكاتبه شيماء الشيخ
______________________________________
أية:شن لكساد هدا كان قعدت في الحوش ارجل اففف
ساره:هيي انتي نكلمو فيك
أية:شنو
ساره:قررت اني ولبنات بعد الدوام المدرسي نطلعو لكافي لاتي اهو قريب
أية:فكرت بيني وبين روحي هادم شكلهم يبو يديرولي فخ لاكن يلا تو نوريهم الفخ كان بيضربو بنضرب شن ناقصني يد ولا رجل '
أية:تمام تو نشوف
سارة:تم مالا
الأبله:ركزي انتي وياها اخر مره
أية: Teacher Sorry
الأبله:اي زي ماقلتلكم البناء الضوئي ...
وكملت شرح
__________________________________________________
شهد:واااك عييت منها الحصه افف خيرها معاش بت تم النهارات
سمية:حتى ني تعبت باتريس يا ابله عطلتي را البنات طلعو من مبكري 😒
شهد:اي يا ابله لبنات من بكري نشبح فيهم يطبعو قعدنا غير حني
الأبله:احترمي روحك انتي وياها كيف تتكلمي مع مدرستك هكي اني نعرف أنه التربيه قبل التعليم زمان كنا نتحشمو نقيمو عيونا في مدرستنا مش زيكم حيل ميتحشمش😡
سمية:باهي يا ابله سامحينا وووه فتحتلنا دسكه
الأبله:تو نوريكم ياقليلات الادب
المديريه:أبلة حنان الجرس رن نزليهم
شهد: 😈
تهاني:شبحت لشهد من فوق لي لوطا ونزلت وهيا قايمه خشمها
الأبله:تحركي انتي وياها
سميه:هي باي بنات نتلاقو
شهد:باي
ونزلوا
شهد:طلال وقف جنبي وركبت تهاني وبنات هدايه وركبهم ومشو با سيارته ومعبرهاش💔واني نقعد نستنى في الباص. كاني مش أخته 💔حسبي الله ونعم الوكيل فيه ومسحة دمعتها وقعدت على الدروج نستنى أية ورهف
رهف:هي باي ابتسام ☺️
ابتسام:باي رهوفه ❤️
شهد:ننن رهوفه واضح عليها فأرة كتب زيك 😒
رهف:مدخلكش 😌
أية:بنات روحو انتم اني بنطلع مع صحباتي
رهف:صحبات شن تطلعي معاهم ايه خيرك هبلتي
أية:قالولي هما باوصلوني ونبييي رهفففف
رهف:ديري بالك ع روحك
ايه:ابتسمت باي وركبت سيارة سواقة ساره هيا وزوز بنات تانيات ومشو الكافي
شهد:هيا نوضي الباص جي
رهف:لحظه مامون يتصل ..الو مامون...بخير الحمد لله وانت شن اخبارك وكيف حال عمتي... بخير الحمد لله....اي هدا اول يوم دراسه.....اي يعاملو فينا كويس ❤️💔...
شهد:اي بالله لدرجة امس رحبو بينا أحلا ترحيب با الحزام 😌
رهف:ضحكت ع شهد وكملت هدرزه هيا ومامون والباص مشي من غير مايحسو 🤦
شهد:غبرررر فيييك انتي وياه الباص مشييي ووووووه
رهف:باي مامون نهدرزو بعدين كييف الباص مشييي 😨
شهد:كله منك افففففف
رهف:شن عرفني به عندك رقمه الباص
شهد:اي عندي ماهو صاحبي هوا منين ب جيني رقمه بالله
رهف:باهي اسكتي وانتي نطيتي عليا تعالي نتمشو وخلاص حفظتي عنوان الحوش ولا
شهد:اختي تشبحي فيا خريطه يعني ولا فيلسوفه كيف بنحفظه وهوا في عين زاره داخل
رهف:تعالي نطلعو من هني وبعدين ساهل
شهد:شرفي الهم
ومشو الزوز و الطريق كلها وهما يتعاركو 😂
_________________________________________________
أية:بنات مش قلتو بنمشي كافي لاتي وين حني
ساره: وهيا دير في روج احمر فاقع 'غادي مش حلو هلبا بنمشو كافي تاني
أية:وين يجي اصلا
ساره:تو تعرفي خفي انتي وقت بيوصلو قبلنا
أية:من هماا لي بيوصلو قبلنا ؟!
ساره:حبيبي وصحابه
أية:كيف 😧لا يوخيتي رجعيني وين ماكنت منحبهمش المواضيع هيا
ساره:مضحك بنهدرزو شويه ونروحو متخافيش
أية:تنهدت وهيا مضايقه وخايفه وقعدت نشبح للروشن
السواقه:انسه ساره انزلي
ساره:هيا يابنات انزلو
ريناد:اخيراااا
اسماء:مكياجي مساوي؟
ساره:اي اي غير هيا وتلفتت لشهد'وانتي خيرك مش حاطه مكياج
أية:لالا منبيش
ساره:ايلاينر بس جيبي شنطتي ووه عطلنا
ريناد:طلعت الايلاينر من شنطة ساره ومدتهولها
ساره:خداته ورسمت ل ايه الايلاينر في عيونها
أية:هيا خلاص
ساره:اصلا كملت وطلعت قصتها وخشو
أية:بنات شن لمكان هوا هيا نروحو ونبي
ساره:سكري فمك ووه قلنا نص ساعه ومروحين
ساره:ها زياد وينك انت ...اي اهو نشبح فيك ودارتله باي من بعديد ومشو
زياد:وين يروح معاش ريناك
ريناد:واني متسلمش عليا ولا كيف وضحكت ضحكه مايعه
زياد:نسلمو ليش لا شجو ريناد
ريناد:تموم الحمد لله
زياد:عضو جديد معاكم قعمزي خيرك متحشمه
أية:قعمزت وهيا متوتره
زياد:هدا الزين ولا رضا الوالدين 🤤
ساره:ياسر حشمت البنت قعمزي ايوش
زياد:هادم صحابي محمد وأمين
محمد:يشبحلهم من فوق لي لوطا وهوا عارفهم بنات ليل ويحساب ايه معاهم
امين:هاي 😂
أية:ساره انا ...
طلال:هيييييييي 😠😠😠
أية:تلفتت لمصدر الصوت وهيا مصدومه وخايفه ومعدتها توجع فيها من الخوف
طلال:شدها من شعرها بقوه وعطاها كف وطلعها من شعرها والناس كلهم يتفرجو
ساره:مشت فيها الفرخه
أنت تقرأ
مأساة منذ الطفوله
Teen Fictionالروايه هذي مقتبسه من واقع و فيها خيال طبعا لان الواقع بروحه اخلي الروايه مش حلوا طبعا القصه تتكلم على تلاته خوات راح تتغير حياتهم بعد موت بوهم 360 #الكاتبه _شيماء الشيخ_اماني😍
