للكاتبتين أماني وشيماء الشيخ ♥️
صباح:خدت ايفكو وكانت ماشيه طريقها لنجاة باش تحكيلها لي صارلها 💔
طق طق طق طق طق
نجاة:سرور افتحي الباب
سرور:به ماما
سرور:فتحت اهلين خالتي صباح 😊
نجاة: صباح 😳
صباح:سلمت عليها وخشت
نجاة:ااهلين صباح كيفك انتي والصغار
صباح:الحمد الله على كل حال والله يانجاة مانشكيلك وضعي لاكن الحمد الله على كل حال
نجاة:اه اي الحمد الله الحمد الله
نجاة:سرور عدي قولي لوجين دير شاهي للمراه
صباح:لا عادي متعبيش روحك مابيناتناش
نجاة:لاكيف عاد نوضي هيأ
سرور:به
صباح:نسيت مقتلكش الحمد الله على السلامه من كثر المشاكل لي عشت فيها 💔
نجاة:خير انشاء الله
صباح:نجاة طلع عندي سرطان الثدي 💔
نجاة:اه لباس لباس كيف هكي
صباح:لا اعتراض على حكم الله اللهم لك الحمد وخلاص
نجاة:والله وجعتيني
صباح: صباح جيتك اليوم ع خاطر شي تاني
نجاة:اااه غير اشربي قهوه وبعدين نهدرزو
صباح:لا خليها مره تانيا المهم لازم نتعالج يا نجاة ضروري 💔صغاري معندهم حد غيري لا اب ولا اخ يسال وعمامهم عايشين حياتهم ومسيبينهم بروحهم عندهم اني والله بس في مستشفى قالتلي عليها صاحبتي ليلى لعلاج الاورام خلال شهر فقط بنقولك نبي الامانه لي عطيتهالك نبي لفلوس باش نخش فيها
نجاة:ااه أمانة شن اااه ااه خاتمك وسنسلتك
صباح:اي وحدايدي
نجاة:والله شن بنقولك صباح
سرور: قعمزت جنبهم (بنت نجاة عمرها ثلاثه سنين )
نجاة:والله احتجتهم وطريت نصرفهم الله غالب
صباح:كييف كيييف نجاة تضحكي عليا صح
نجاة:شن كيف هدي صباح وحدي الله خيرك نقولك حتجتهم وصرفتهم ولدي خش الحبس ولدي زياد وطريت نصرفهم باش نطلعه
سرور:لا ماما كدابه ماما صرفتهم علينا في تونس شرتلنا هلبا حاجات وحوايج والعاب سلتلي(شرتلي) دبدوب تبيييير(كبيير) تو نوليهولك 😊
صباح:مسحت دمعتها صار ولدك خش الحبس علاش درتي فيا هكي ياصاحبة عمري هادم امانه وصيتك عليها وثقت فيك لانه ماعندي حد في ها الغربه منين بنجيب لفلوس اني توا علاش درتي فيا هكي 💔
نجاة:صباح متضحكيش عليا مفيش واحد ميتمناش يكون عنده فلوس ويفرح صغيويرته بتغضلي لفلوس علياا!
صباح:هزت راسها بالنفي ودموعها تنزل لا اكتر شي وجعني كيف وثقت فيك وامنتك عليهم وانتي كيف رديتيلي الخير باشر حرام عليك وياريت صرفتيهم في حويجه باهيه صرفتيهم في حوايج ياصاحبة عمري علاش ردي اني توا كيف بنتعالج منين بنجيب لفلوس 💔
نجاة:ربي يعوضك خير الله غالب صباح ونبي زكي صوتك راجلي بيسمعك
صباح:بصوت عالي هداااا لي هااامك راجلك يسمعكك رديي عليا كيف بنتعالج الورم كل يوم يكبر وينتشر وكل يوم نتعب اكتر من اليوم الي بعده شن بنديير تواا
نجاة:ونبييي وطيب صوتك تو عزوزتي ترقى اسكتي اسكتييي وهيا تخبط في وجها
فاتح:شن في هنيي خيرك تصرخي انتي احترمي روحك
صباح:اسال مرتك شن في مرتك امنتها ع الشي الثمين لي نملكه ومرتك خانة الامانه عطيتها كل الدهب متاعي ومشت دهورت بيه في تونس لين عيت 💔
فاتح:صح لكلام هدا
نجاة:هزة رأسها وهيا تبكي وخايفه
فاتح:قعد يضرب فيها كله منك قداش مره نقولك لمرا هدي تجيب في المشاكل علاش واخده من عندها
فاتح:اطلعي براااا انتي اطلعييي وشد صباح من حوايجها بااستحقار وطبعها من الحوش
صباح:حسبي الله ونعم الوكيل فيكم ومشت وهيا تبكي والناس مصدومين وقتالهم لفضول يعرفو شن في (طبعا حوش نجاة يجي ع الرئيسي هدا علاش لما طلعت صباح الكل شبحها)
صباح:صدريي اااه كانت تحس بنغص قوي في قلبها ومعاش تحملت وداخت 💔🔥
أنت تقرأ
مأساة منذ الطفوله
Novela Juvenilالروايه هذي مقتبسه من واقع و فيها خيال طبعا لان الواقع بروحه اخلي الروايه مش حلوا طبعا القصه تتكلم على تلاته خوات راح تتغير حياتهم بعد موت بوهم 360 #الكاتبه _شيماء الشيخ_اماني😍
