شهد:جتها حالة صدمه والف سؤال قاعد يدور في راسها وقاعده تحاول تقنع روحها انه فيه شوية امل يمكن ربي يدير معجزه بالك يصير شي لاكن كل أمالها طارت اول ما مامون ركب سيارته و مشي وطلال تلفت وشبحلها بشماته ونظرة انتصار 💔
هني عرفت مصيرها وقدرها واحد ومستحيل تهرب منه رجعت وهيا تبكي ومنهاره للصالة وطلال ماشي وراها خايف دير اي لقطه وتهرب مره ثانيه
شهد:رجعت لدار العروسه ولوحت شنطتها ووشاحها وهيا تبكي وتردد في كلمة اني انتهيت خلاص حياتي انهدمت كلها توا
اية:خشت لدار بتاخد تلفونها ونصدمت لما لقت شهد
اية:ياامريضه شن مزاال ديريي هنييي 😳
شهد:بنموت يا اية خلاص بنموت مستقبلي انتهي😭😭😭😭
اية:شنن صااار مش مشيتي علاش رجعتيي شهد قولي انطقي شي متشغلينييش ادوييييي
شهد:طلال عرف كل شي واشبح شن هدد مامون خلاه يلغي الموضوع 😭😭😭
اية:نصدمت وقعمزت على الكرسي مش عارفه كيف تتصرف او تواسي شهد لانه وااضح من منظر المالي لعريس ولعريس بحد ذاته حياتها معاهم شني وكيف بتكون
خشت اخت لعريس وشهقت زي المصرين
انتصار:(اخت عزيز) هااااا😨شن هدااا كيييف تحولي الفيلو ياماامااا شن تحسابييه بكيييفك مااالاااااا هااااا حييي عليينا حيييي بتحشم بينا هديي يااا يااااام يااا يااااام زودييي لمرت ولدك عاابيه تحشممم بينا اليوووم ووووه عليينا ووه
شهد:رااك تمووتي بس ردي بالك وانتي عرووقك بيطربقو من راسك هدا لي تقول صبع ع قد ما هوا صغيير مش باين ونبي اطلعي درقي زمتك من وجهي خير ما النوض نعجنك توا
انتصار:حييي يعععع اسلوب شوارعي ياعليك قليلة ربااية لاكن تو نربووك ملييح اصبريي بسسس
شهد:هني مقدرتش تتحكم في اعصابها شدت انتصار من شعرها وطاحت فيها ضرب فشت غلها فيها وتخبيش وعضان ودم بدا ينزل منها وجت ام لعريس وخالاته وحاولو يفكوهم من بعض
عزيز:بصوت هادي لاكن واضح متعفلق شن صاير هنيي
خديجه:ام عزيز
هديي مرتكك الحقوده حاسده اختكك وطايحه تضرب فيها من غير سبب تفييي ياعليك تربايه وخلاص مفهمتش شن عجبك فيها متزوجها وحدا لا اصل لا فصل شن جاابها لعيلة طلال هدي مش واصله ربع رقيهم حتى
اية:كدابهه 😳 اختك لي بدت
انتصار:انتي اسكتي اختك طبيعي بداافعيي عليها
شهد:ع اساس هدي واشرت ع خديجة لقاتك في شكلاطة دحية يعني باش مدافعش عليك ياعيلة الوهميين
عزيز:شبح لشهد نظره تخوف
عزيز:هيا قدامي ع الحوش اطلعي يا يام انتي ولبنات في سيارة خالد خوي واني تو نجيب شهد ونروحو للحوش و توا نتفاهمو في اللي صار
شهد:تحسابني بنخاف من وهمي زيك املا زيد عليا غادي ونبي
عزيز شد شهد من يدها بلقوه واية تشبح و مش قادره دير شي لانه خلاص تزوجها
دخلها للسياره وروحو ووراهم زغاريط والعاب ناريه ومسدسات والكل كان فرحان الا لعروسه بحد ذاتها وخواتها 💔
شهد:تشبح لروشن وهيا تفكر في حياتها لي بتترقى من حياة ظلم واهانة الى لي حياه سوداء وكل لكلام لي فراسها ياربي اني شن درت باش يصيرلي هدا كله معقوله لاني يتيمه معندي حد معنديش ام نحط عليها الراس او بو يسندني او خوت ولا صح ينشد بيهم ظهر خواتي كل وحدة وهمها مفيش حد فاضي بتاني علاش ياربي يصيرلي هكي بس علاش💔 معقوله لانه معنديش عيله باهي اني شن ذنبي مفيش حد اختار يكون يتيم علاش هكي💔
لا شعوريا لقت دموعها قاعده تنزل مع افكارها قاطع حبل تفكيرها صوت لي كل ماتسمعه تتقزز منه
عزيز:انزلي وصلنا
شهد:فتحت باب سياره ونزلت وهيا تتفحص في الحوش كان عادي جدا متوسط ولونه بيج في القهوي فيه كراج سيارات صغير
فتح عزيز الباب وخشو
عزيز: خشي برجلك اليمين ياعروستي 😏
شهد:شبحتله من فوق لي لوطه وخشت برجلها اليسار وفتاته
عزيز:سكت و هو متعفلق وخش يقول تو نعدلها زين
شهد:حولت عبايتها وكانت لابسه سروال وسوريه ومكياج الحفله وتسريحه قاعدين قعدت دور ع دار نوم لين لقتها فتحت الباب وخشت تجري سكرت ع روحها بالمفتاح وقعدت تفك في التسريحه وتمسح في المكياج وعزيز شاد اعصابه بسيف لوطه
عزيز:مرتي الحلوه متمسحيش مكياجك خليه اني بنمسحه
شهد:تسمع فيه من برا وعلى وجها علامات تقزز
شهد:ياعلييك مشاكس احرف تفف على منظر وجهك تقول سلحفاة شارفه وكملت مسح مكياجها وخست دوشت بمية مصقعه هدت اعصابها وهيا تحاول متفكرش نهائيا لانه التفكير يوجع في راسها طلعت ولبست بجامه حريرية لونها اسود وخلت شعرها مبلول يجف ع راحته وخشت في عالم الاحلام رقدت طول من تعب
عزيز: قعد يراجي ساعه واثنين وبعدين خدا المفتاح الاحتياطي لانه كان مداير حسبته شهد بتسكر ع روحها وركبلها فوق فتح الباب ولقاها راقده قعد يشبحلها شويه بنظرات غريبه وخش لدار غير حوايجه ورقد حداها
أنت تقرأ
مأساة منذ الطفوله
Teen Fictionالروايه هذي مقتبسه من واقع و فيها خيال طبعا لان الواقع بروحه اخلي الروايه مش حلوا طبعا القصه تتكلم على تلاته خوات راح تتغير حياتهم بعد موت بوهم 360 #الكاتبه _شيماء الشيخ_اماني😍
