الكاتبة: شيماء الشيخ و اماني❤
________________________________
شهد: مر اسبوع على تواجدنا في حوش عائلة مامون وكل يوم وساعه وثانيه خيال ماما وضحكتها وكلامها يجو قدام وجهي حرفيا كنت اني وخواتي اكتر ناس نتالمو اني ورهف كنا نساعدوهم باش ميحسوش بتواجدنا وايه كانت هادئه كل الفتره هدي اما ام مامون كانت تعالملنا احسن حتى من بناتها وخالتي ليلى كانت ديما تكلم فينا أما نجاة لي متستاهلش نقوللها خالتي كانت تتواصل مع ايه بس وتسالها علينا ومامون كل يوم يجيبلنا شكلاطي مارس وكان يحاول غيرنا جونا بكل الطرق واحسن شي انهم طول الفتره هدي فاتحين قران ع روح ماما والتلفزيون ميتغيرش من قناة المجد واجلو أكثر من عرس كان عندهم ع خاطرنا وخاطر الموته متاع ماما 🧡توا خلي نوريكم شن صار اليوم 💜
شهد:نضت وقعدت نتثاوب وصحيت خواتي باش ينوضو معاي ونضمو الحوش والدار لي قاعدين فيها كان يوم الجمعه بضبط 💗
رهف:بنات اني بنخش نغسل لماعين متاع العشي ونطبخ الدحي
شهد:اني امس ضميت الحوش في الليل توا بندير دوره بسيطه وبنولع الوشق وخلاص
أية:اني بنسيق الحمام والجنان
شهد:به
وكل وحدا فيهم مشت تنفذ المهمه
شهد:فتحت سورة البقره وخليت الصوت هادي وطلعت المكنسه وقعدت نكنس بعدها ولعت الوشق
مهاب: صباح الخير
شهد: ابتسمت صباح الخير لحظات بس اختي تسيق في الحمام بعدين خش
مهاب:اه علاش تعب روحها توا تنوضي حنين تسيقه
شهد:لا عادي ع الأقل نعاونوكم في اشغال الحوش هدا اقل شي نديروه
مهاب:ابتسم لانه معاش عرف شن يقول ورجع للمربوعه
شهد:هدا مهاب خو مامون الصغير عمره ١٩
رهف:الله ظهري ووه لماعين هلبا مفروض حنين غسلتهم أو نقص منهم
حنين:سمعت اسمي شن في 😒
رهف:اه صباح الخير
حنين:شبحتلها من فوق لي لوطه وخشت الحمام
أية :حنين لحظه بس ما.
حنين:بدون ماتعدل عليها دفاعا وخشت الحمام أكرمكم الله وسكرت الباب
شهد:خيرها هيا ليها اسبوع في حوش خالتها ولما جت بدت تنكلب علينا
رهف:عيب متقوليش هكي ساد مدايرين فينا خير ومخلينا في حوشهم قولو ربي يهديها وخلاص
ايه:مجبرنا حد يخلينا عنده هما لي قالو مش حني
رهف:خلاص متكبروش الموضوع وهيا نكملو
شهد:هزت راسها وحركة حنين وجعتها هلبا
برنيه:(ام مامون) صباح الخير ❤️
شهد: صباح النور خالتي
برنيه:مشاء الله الفالحات علاش تعبتو روحكم
أية:عادي
مامون:صباح النور شجو
برنيه:اهو ع الكيف الفالحات ناضو وبخرو وضمو الله يبارك ❤️
رهف:☺️
حنين:طلعت من الحمام وهيا بالله وجها
شهد؛ريت ولا اني مش بايره زي ماتقول علي..
وتلفتو ونصدمو لما شبحو حنين فاتحه الاغاني بصوت عالي على أغنية نانسي عجرم ماتيجي هنا وانا حبك
مامون:حنين سكري الواحد
حنين:علاش شن في
برنيه:تحشمي ع وجهك المرا كيف متوفيه وفاتحه اغاني 😠
حنين:قصدي خيركم ماتت ماتت شن هدا ماتت الله يرحمها شن بنديرولها نقعدو متنكدين حني؟
شهد:ماهو مش امك لي ماتت كان امك لي ماتت را مدرتيش هكي 😭💔
حنين:ونبي اسكتي
مامون:عيب حنين تحشمي ع وجهك ياسر
رهف:خلاص عادي عندها حق خلوها ع راحتها 💔
حنين:اي اي طلعوني توا لفعه وبانو انتم ملائكة الرحمة توا
برنيه:ياريتك قعدتي فحوش خالتك ولا روحتي
حنين:مشت لدار المعيشه وهيا تشبحلهم بحقد
شهد؛مسحت دموعها ومامون خش الحمام وهوا مضايق
اية:كانت تشبح وخلاص
ورهف:قعدت في حضن برنيه تبكي
شهد:ركبت للسطح وهوا متعفلقه وتبكي
شهد:ماما وينك 😭💔
شهد:اني محتاجه ليك هلباا ويينك 💔
برنية:خشت على حنين
حنين:شبحتلها ورجعت شبحت لنقالها
برنية:شن هدا لي درايه مبكري انتي
حنين:جولة السماعات وشبحتلها 'خيرني شن درت انشاء الله وانتم بديتو ترعشو عليهم رعيش
برنية:امهم كانت مرا الله يبارك وكانت تعاون فينا ولا نسيتي في عرس اختك قداش عاونتنا دارت الحلويات والمعجنات وفوق هدا كله ساعدتنا في التطريز متاع الصدره وكانت مرا تبارك الله وصغارها مشبحناش منهم الا كل خير بنات محترمات ومستورات ونظاف وديما يعاونو فيا اكتر حتى منك وفي الاخير هكي تجازيهم ها!؟
حنين:امي ونبي اطلعي معنديش خلوق نرد ع حد را
برنية:قليلة التربيه الحق فيا معرفتش نربي وطلعت
حنين: اي اي اجرحوني وقولو معرفتش نربي وقعدت تبكي وهيا مقهوره منهم
أنت تقرأ
مأساة منذ الطفوله
Teen Fictionالروايه هذي مقتبسه من واقع و فيها خيال طبعا لان الواقع بروحه اخلي الروايه مش حلوا طبعا القصه تتكلم على تلاته خوات راح تتغير حياتهم بعد موت بوهم 360 #الكاتبه _شيماء الشيخ_اماني😍
