سلطة رجل جنوبي

البارت الثاني

‏تكتمل حياتنا بأشياء وتنقص بأخرى
ليست مسألة حظ ، إنما هي أقدار لأن الله يعطي كل ذي حقٍ حقه .
#سلطة_رجل_جنوبي
#مريم العامري

.. باوعت لنفسي بالمراية البسة متناسقة وية جسمي وطولي صارت بالوحدة اخر شي رشيت عطر ونزلت اجني البنات طلعنة گبل المطعم تغدينة خلصنة افترينة المولات كلها يعني تونسنة من صدك قبل المغرب رجعنة البيت روان فتحلنة الباب اخوهة .. فاتن كلهن وبقيت اني اخر وحدة دا افوت ..

مرتضى ..أبتسامة جانبية "هلا لمار شلونج زمان ع شوفتج

..باوعتلة صفح " هلا .. كلت هيج عفتة وفتت سريع لازم ابتعد عنة نظراتة ابد مو مريحة صعدت فوك وياهن طلعت تراك من الملابس لي اشتريتهن ولبستة ..

روان.. يا لمار لو ادري هيج راح يطلع حلو باللبس جان اشتريت مثل تراكج حلو كلش حتة لونة  ..

.." يمعودة صدك تحجين كدامج والله اذا عجبج اخذي

روان ..لا يولي الف عافية عود ع غير مرة اذا لكيت مثل فصالة اشتري ..

.. "ماشي حروح اصلي أَذن من زمان

.. ماشي عمري مقبولة مقدمآ

.. تقبل الله اعمالج .. عفتهن ورحت اصلي كملت لبست حجابي ونزلت اشوف روان وين مختفية لگيتهة بالمطبخ تسوي عشة هية وأمهة " خالة أني وروان نتساعد ع العشة انتي روحي ارتاحي ..

أم روان .. لا بنيتي شلون انتي خطارنة

..رحت اخذت منها السجين واصريت اشتغل كملنة العشة سريع ومدينة السفرة وكعدنة ناكل كملنة شو كل وحدة من البنات صفطت وكعدت ع صفحة وحدة تسولف وحدة راحت ع الموبايل ف كمت اني ساعدت روان خلصناهن وصعدنة ..

صارت ب 12 ونص بالليل جابت روان سناكات جباسة ع نساتل ع هل سوالف تجمعنة ع شكل دائرة واول مبدن فتحن موضوع الحب كل وحدة بقت تمدح بحبيبهة وتتباهة بي وحبيبي جابلي كذا شي وكاعدات وحدة تجذب ع الخ بس اني وروان مصفطات وكاعدات ليشوفنة يضحك علينة هنة يحجن واحنا فاتحات حلكنة ع سوالفهن ..

لان ماعدنة حبيب ولا صديق ولا اي شي ..ملتهيات بالدراسة والسادس الضيم ..

بس ما ادري احس صارت عندي رغبة اجرب لي يحجنة واجرب الحب نفسة ..اخذت روان ع صفحة وگلتلهة ..

..اكلج روان عود احنة ليش ممرتبطات لحد هسة

.. لان عيب هل شي اذا ارتبطنة وحبينة من ورة اهلنة راح نخسر ثقتهم وبالتالي رب العالمين هم راح يغضب علينة لان مثل هيج علاقات حرام