سلطة رجل جنوبي

البارت الاول

لم تبلغ غاياتك الى ان تذوق مرارة التعب .. لتعلم ان الشيء الذي تحلم به لا يأتي بين يديك في طبق من ذهب الا بعد ان تبذل جهود كبيرة للحصول عليه ..

#سلطة_رجل_جنوبي
#مريم العامري

بغداد ..الساعة 12:45 ظهرا...
لمار .. طلعت من الامتحان جان هذا اخر امتحان الي فرحانة وطايرة من الفرح حلمي لي درست 11 سنة علمودة قرب انو يتحقق الطب العام حلم الطفولة لي سهرت وتعبت ودرست علمودة صعب احد يتعب هواي ع شي وبالأخير ميتحقق وتخيب امالة بس اني مو من النوع لي يستسلم بسرعة ابد بالاضافة لايماني الكبير بربي وايماني بأنو ربي ميضيع تعب احد اليوم جان اخر امتحان الي بامتحانات نصف السنة وبقة التحدي الاكبر امتحانات الوزاري ..

واكفة باب المدرسة وسلكتني الشمس سلك بس رغم هيج بعدهي فرحتي لهسة لأن كملت نص معركتي وية السادس ولأن الحلم لي بگلبي من سنين راح يتحقق بعد كم شهر .. واكفة باب المدرسة انتظر اخوية يجيني بس شو تأخر ليش ما ادري ..

تمام خلي نستغل هذا الوقت شوية بين ميجي راح احجيلكم عني وعن اهلي عائلتي البسيطة بابا وماما واخوان ثنين تؤام واني البنت الصغيرة اخر العنقود والبنية الوحيدة لاهلي ..

بابا وماما متزوجين عن حب وقصتهم رغم بيها صعوبات هواي بس حلوة لان مرو بكومة شغلات سوة بابا شيعي وامي سنية وجان هذا اساس معناتهم (الطائفية) بالاضافة انو اهل ماما من بغداد واهل بابا من الجنوب من محافظة البصرة..

ف بصعوبة يلة نجمعو سوة وهذا بعد تضحيات هواي اهل ماما مجان عدهم اعتراض ع زواجهم بس اهل بابا جان نص منهم ضد فكرة الزواج من غير طائفة وبالاخص جدو مسعود لي عارض هل شي وبشدة لدرجة خير بابا بين اهلة وبينهة ..

ضل بابا يقنع جدو انو يغير رأية ويخلي يلين بس مكدر لهل سبب بابا قرر قرارة وبيوم جمع شجاعتة وراح لجدو كلة " اني احب مها وما اعوفهة ..

برأيكم شسوة جدي ؟ .. بالضبط طرد ابوية من البيت خاصة انو جدي شيخ عشيرة كبير ومعروف والكل تهابة وتسمع كلمتة ومن شاف ابوية كسرلة كلمة تعصب حيل ومكتفة بس انو يطردة تبرة منة هم ..

لي سوا ابوية بعد هل شي اجة لبغداد تزوج امي واستقرو بيها اول ولادة لامي جانت بعد تلث سنوات تأخر حملهة لحد ما الله رزقهة بتوأم سبحان الله من بعد انتظارهم وصبرهم عوضهم ربنة عن هذا الشي مو بس بطفل لا ثنين..

سماهم بابا علي وأمير .. من بعدهم ماما مجانت تريد تخلف رادت تكبرهم وتربيهم تربية زينة حتة تسيطر عليهم بس ارادة الله جانت عكس هل شي وبعد سنتين بالضبط الله رزقهم بية رغم جيتي للدنيا جانت غلطة ومجانو يردون يخلفون بس لمن اجيت للدنيا فرحو بية هواي لان اول بنية الهم بس شوفو يعني رغم كل المصايب لي واجهوهة بقو واحد متمسك بالثاني برأيي قصتهم لازم تكون بكتاب الف ليلة وليلة ههه ومو بس هيج هم ..قاطع افكاري صوت اخوي ..