سلطة رجل جنوبي

البارت الثالث

‏وبعد حينٍ تقف حائراً بمفترق طرق ، فإما تستمر إلى المجهول ، أو أن تعود أدراجك لما تألفه ..!
#سلطة_رجل_جنوبي
#مريم العامري

كلي هيج واسمع الصوت جاي من وراية ومن الموبايل بنفس الوقت ..
درت وجهي سريع ونصدمت " مرتضى ؟؟!! .. شتسوي هناا

مرتضى ..بأبتسامة " معقولة بعدج مفهمتي

لمار .......

مرتضى .. شبيج انگلب لونج اي اني نفسي الولد لي يراسلج وكلتلج اسمي مراد بس لي استغربت منة انو مميزتي صوتي ههه

لمار ......

مرتضى .. باعي لمار جوز انتي تكرهيني ومراح تتقبلين تضلين تتواصلين وياي بعد معرفتي اني منو بس خلي بالج اني صدك احبج ..
جوز انتي ماخذة علية نظرة مو حلوة بس صدكيني اني عكس لي تتوقعي وراح اثبتلج كلامي بس كون تنطيني فرصة ..

لمار .. ضليت اسمعة واني ساكتة مصدومة فعليا وما اعرف شنو اسوي طلعت من المطبخ سريع وعفتة رجعت لمكاني واني دايخة لحد هسة بعدني ممستوعبة لي صار محسيت ع نفسي الة واني نايمة ..

ثاني يوم من الصبح خابرت ع اخواني حتة واحد منهم يرجعني بس محد رد اكيد هسة همة بالكلية ..

خابرت ع ابوية خطية عاف محلة واجة رجعني للبيت ..

.
.
مر كم يوم ع هل موقف لي صار مرتضى بعد مراسلني ولا تواصل وياية .. اما اني ف بهاي الايام ولا قريت شي اطلع الكتب اخليهن كدامي احاول اركز بس ما اكدر بقيت افكر بكلامة لي كالة الي اني ولا مرة جربت الحب او افوت بعلاقة وكلام صديقاتي كل ما اتذكرة ينطيني دافع اكبر علمود اجرب هل شي ..

خاصة انو صرت احس اكو فراغ بحياتي .. ف حبيت املي هذا الفراغ .. اهلي بطبيعتهم ينامون من وكت لهل سبب اني استغليت هل شي كملت عشة وصعدت تأكدت باب الغرفة مسدود واتصلت ع مرتضى ..

" هلو مرتضى شلونك

" هلا والله بهل صوت الحلو .. هسة يلة صرت بخير

.. كلتلة وبدون مقدمات " اممم قررت انطيك فرصة

" متوقعت تقبلين صراحة بس صدكيني راح اكون كد ثقتج هاي وراح اخليج تحبيني

.. ابتسمت " نشوف .. ضلينة نسولف لوقت متأخر مرت الايام ع نفس الحالة كدام اهلي اسوي نفسي ادرس بس بالحقيقة اني بالي ولا يم الدراسة ابد بالي كلة وتفكيري انو شوكت يجي الليل حتة اسولف وية مرتضى ..

مجنت اعرف هل شي لي اسوي اكبر غلط مجنت اعرف هذا الشي لي سويتة راح يدمر كل احلامي .. مرت الايام بسرعة ومحسيت الة واني متعلقة بمرتضى هواي بس مرات من يجي فهد لبيتنة يزعجني مرات تصير مواقف احسة راح يكشفني بيها بس الله ينقذني منة رغم هوة يجي بس يومين ويروح بس هم انزعج .. كل لي اهتميت بي بهل ايام انو اسولف وية مرتضى واكضي وقت ويا حتة اهلي مكمت اكعد وياهم هواي ودراستي لي جنت اموت ولا اهدر وقت او اكون كاعدة بدون ما اقرة نسيتهة كلهة ..