سلطة رجل جنوبي

البارت الرابع

الضربة التي ستؤجعك ستهذبك ، فما ضربات الحياة إلا تهذيب للروح..!
#سلطة_رجل_جنوبي

" احجي واكلة ابتعد ميجاوب جر حجابي من راسي ورجع حضني حيل خفت هواي كلش لان لمساتة بدت تصير جريئة اكثر دفعتة بكل قوتي بس ميفيد اقوة مني دكات گلبي كمت اسمع صوتهة خفتت صدك خفتت كمت ابجي اني واقاومة جان تنتفتح باب الصالة رفعت راسي اشوف منو ..

اخذت حجابي لبستة وركضت وكفت يم روان اني وابجي ..

روان .. كعدت بنص الليل عطشانة الغرفة ظلمة كلش مشيت ع كيفي حتة لا اكعد لمار ونزلت للمطبخ دا اشرب مي وسمعت صوت جاي من الصالة فتحت الباب وشفت مرتضى ولمار بهل منظر اخترعت بقيت واكفة بمكاني لان بعدة النوم بعيني وبعدني ممستوعبة لي اشوفة اني جنت شاكة بينهم علاقة بس هسة تأكدت ..

دفعتة لمار وجتني تركض وكفت يمي تبجي قهرتني كلة من اخوية الچلب مسحتلهة دموعهة وحضنتهة باوعت ع مرتضى بعصبية "لك انتة شنوو من بشرر گلي كل يوم سالفة وكل يوم مصيبة شوكت توب ممليت كل يومية مورطنة بمشكلة ..

مرتضى .. معليجج لجج وصوتج لتعلي فهمتي 

روان .. شوف مرتضى ترا والله العظيم زودتها سوي كلشي طايح حضة بكيفك مالي دخل بس مال توصل يم صديقتي والله تشوف مني العجايب خليك بعيد عنها احسنلك ..
كملت الجملة لزمت ايد لمار وصعدتهة للغرفة موكفت حتة اسمع جوابة ادري بي بوخة اذا اكعدلة ابوية هسة واكلة ع لي سوا يصير كدامة عصفور مهلس بس اخاف يصير ع ابوية شي ف لازم اسكت ..

فوتتهة للغرفة كعدت ع الجرباية وكعدت كدامهة اشوفهة ترجف وتبجي ..  كلت اشاقيهة .." هاا وين لسانج البيكيسي شو ما اشوفة بس من تحجين ع فهد كدامي وتغلطين علية وهوة المگرود ميدري نص ذنوبة طايرة من وراج ..جان طلعتي لسانج ع اخوية البوخة ..

ابتسمت وضفت ع كلامي "صراحة متوقعتج انتي هم بس بوخة مثلة ..

لمار .. ضحكت بنص البجية وكلت " هسة انتي دتواسيني لو ترزليني

روان .. الاثنين ههه

.. سكتت شوية وكلت " روان والله انتي كلمة شكر قليلة بحقج وكفتي وياية ضد اخوج شكرا من كل گلبي لوما انتي جان ما ادري شصارلي هسة ..

.. طبعا اوكف وياج لعد ترديني اصف وية اخوية وهوة الغلط راكبة من راسة ل أساسة بس يعني لو كايلتلي من الاول ع هل سالفة ما جان صار كل هذا ، هسة احجيلي كلشي من البداية حتة افهم

..ابتسمت "اوك .. حجيتلهة كلشي صار بكل التفاصيل وصرت ابجي ف هية بدورها واستني ..