_
قرأءه شيقه احبتي
_
احيانا تمر عليك لحضات تحس نفسك ضايع
وخايف وتحس هاي نهاية العالم
بالنسبة الك لمجرد موقف صار وياك
قلبك يدك بسرعه هائله وشكلك
يصير يخوف وجهك يصفر
و عيونك مفتوحه علئ وسعهم مثل الي
شايف ملك الموت بس اني جنت
موجودة وياه بنفس الغرفه بوكتها
و عشت هل لحضة واني
لساتني طلفه جنت ماافتهم ولا
اعرف شيئ بس من الصراخ
والحجي الي اسمعه والاصوات
المرعبه صرت ارجف مثل سعفه
ومن يومها ضليت سنتين اني ماانطق ابدا
الكل عباله اني خرسه بس
من رحت للمدرسه عرفو اني
مو خرسه كل يوم احجي
ويه حبيبي واحجيله كل شيئ اله
هوة الوحيد الي يحس بيه
من طفولتي لحد هسه
اشكيله همي وابجي وهوة يصبرني
وينطيني القوة والصبر
تعرفون منو مستحيل
اكو انسان يحبك ويعطيك القوة
والامان مستحيل لتقنعوني
بس احتمال يكون الاهل مثل
الام والاب بس اني نحرمت من
نعمة الام والاب لا ام ولا اب ولا عندي
عائله لذالك حبيبي هوة ربي اي
ربي هوة حبيبي
بيوم الفاجعه خليني
اسولف الكم علئ هذاك اليوم
الي من المستحيل يطلع من مخيلتي
لان الاطفال ينطبع بذاكرتهم الاشياء
المؤثرة بس اني مكانت بس مؤثرة لا
كانت مرعبه قاتله تعرفون شعور
من تتبول علئ نفسك وانت واكف
حتئ بلا متحس بس تحس بالحرارة
تنزل علئ رجليك اي اني اعرف
لحد اليوم ومن اذكر
ذاك اليوم اصير ارجف ينعاد عليه الحادث
شكد حاولت اتخلص من هل حاله
وشكد راجعة اطباء بس الخوف
ماله دواء ومازلت اعاني من هل مشكله
لكن تخيلو لو انتو بمكاني جان مو بس تبولتو
علئ،انفسكم لا جان وكف عقلكم
واصبحتو مجانين زين لسه عندي عقل
لكن بعض العادات صعب تتخطاها
بيومها جان عمري خمس، سنوات
جنت مدلله بابا وماما وااني وحيدة
اهلي النظام سابق اعدم كل عائلتي جدي وعمامي
حسب مافهمت من ماما شنو سبب مااعرف
قبل عبالي ماعدنه احد بس طلع عندنا
بس معدومين بس بعد حادثت
ابي عرفت سبب تهمه سياسيه موجهيها الجدي
بس ابوي نفذ بااعجوبه بس مامر وقت
ولكو واعدموه كبال عيني بس بطريقه
تخليك تتبول علئ نفسك
كنا كاعدين گ العادة من صبح
امي تحضر ريوك وابوي ينظف بالحديقه
واني العب بالمرجوحه جنت اكمز
مثل كل طفله بس اني
ذكيه كلش امي علمتني كل شيئ
وتحجيلي قصص تخوف
جنت دائما ابجي بسبب قصص امي
بس من كبرت و عرفت قصة عائلتي
اكشفت امي مكانت تحجيلي
قصص رعب لا جانت
تحجيلي قصة عائلتي
بس بطريقه سلسة حتئ يستوعبها
عقل طفله ولان عقل طفل مثل
الحافضه كل شيئ
حجته امي ضل عالق بمخيلتي
بذاك اليوم جنت العب يم بابا بالحديقه
وكل همي اصيد فراشه من علئ
الورد الي بالحديقه
بس بالحضه مااعرف شصار
رعب رعب اول مرة اشوف بابا
يرجف باوعت عليه وجها اصفر
وكع المكص من ايده من سمع
صوت شخطة سيارات
ثانيا او يمكن ساعه او عمر بااكمله
مااستوعبت الي صار بس اذكر
باب الحوش مالتنا اندفعة حيل
عبالك اعصار ضربوها ودخلو
رجال لابسين اسود كله اسود
حتئ وجوهم مامبينه شافوني واكفه
اني وابوي بسرعه طفرو علئ،
ابوي وسحلوة مثل خروف لا والله
الناس تخاف الله بالحيوانات
اني شفت بالعيد من يضحون
يجيبون الخروف بكل احترام
وينطو ماي ويقرأ عليه صورة الفاتحه
گانو شيئ مقدس بس بابا لا
حتئ ماحصل معاملة الحيوانات
ليش مااعرف اباوع سحلو ابوي سحل
من الحديقه لحد باب المطبخ
اباب المطبخ الي جانت امي كاعده بي
تجهز النا ريوك جانو ضخام عبالك
مصارعين اقوياء بحيث شكد ما بابا
قوي وضخم يبين يمهم عبالك
ولد بعمر العشر سنوات وملابسهم
غريبه شكد شايلين معدات عبالك
رايحين لسفره اشكال الاسلحه
وشكلهم مرعب شكلهم نساني عياط
امي بس من زاد الوضع عن حده
تقربت من شباك لان ناصي كعدت بزاويه
وصرت اباوع بس الي شفته مستحيل
يتحمله عقل انسان شيئ رعب
مااصدك اكو هيج شيئ يصير بالعالم
هذول الرجال اخطر من للوحوش
لان الوحوش تصرف بغريزتها
بس هذول شنو غريزتهم مااعرف
راح تعرفون كل شيئ
اسمي الي تعرفني بي اناس سيلا مو اسيل
ابنت الخادمه
بيوم الحادث جنت اباوع ثنين من
هذول الرجال المرعبين لازمين بابا
وجها عبالك بي جني مصدوع ويصرخ من كل
حيله بس خلو بحلكه وصله وسدوه حلكه وضل
بس يون ويتبرغث بين اديهم وكلساع واحد
يضربه علئ راسه يريد يثبته
لزمو بابا وثنين لزمو ماما واحد سحب ثوبها
وسحبه وثاني يستجوب بي مااعرف شيكول
اله بالاخير فهمت من امي جانو متهمين بابا
بتهمه سياسيه ضد ريس وهل شيئ اعدام
فوري بس بالاول اخذو اقوال بابا
بس جانو يهددوه بماما بس يكول لا يسون
بيها شيئ وبابا يتخبل شيكولون يكول الهم
اي اي اخر شيئ خلو يوقع علئ،ورقه
وبعدها تقرب واحد علئ،بابا وحط
المسدس براسه وضربه طلقتين
ونثر الدم بالمطبخ وكع بابا علئ الارض
دفعو امي وانطوها ورقه مااعرف
شنو مكتوب بيها الي فهمته من ماما
بعد فتره انطوها مهله ساعات حتئ
تترك المنطقه كلها جانت ماما
تعيط وتبجي بس بسكوت ميصير
صوتها يطلع كامت بسرعه
سحبتني وطبينا للغرفه طلعت
ملابس الي خلتهم بجنطه واخذت
كم ورقه مااعرف شنو ولزمت ايدي
وطلعنا ركض اني وياها محد يعرف شنو
صار بيتنا الناس تخاف محد قرب
علئ بيتنا الي بيومها من طلعت
من ذاك البيت كنت مصدومه
من المنظر الي شفته شكل بابا وهوة
راسه يطشر ودماغه علئ الارض
منظر مرعب طلعنا اني وماما لازمه
ايدي وتركض من راس شارع
صعدت تكسي وللكراج صعدنا نفرات
وين متجهين مااعرف طلعنا من منطقتنا
بطرك ملابسنا مشت بينا سيارة
دموع ماما تنزل واني مثل صنم عبالك
فقدت الاحساس امي تبجي وتحجي
وياي تريد بس احجي اني ماكو صوت
نمت كعدتني امي من وصلنا
مااعرف وين راح نروح بس امي
عدها صديقه اخذتني ورحنا عليها
كانت المنطقه حلوه وصلنا البيت
ميتين تعب دكت ماما الباب
دكت جرس شوي وطلعت الها
مراة عجوز فتحت الباب كالت
أنت تقرأ
أبنة الخادمة
Romanceمسكينة حالتها يرثى لها مات والدها ولم يورثها غير اسمه وماتت أمها ولم تترك لها سوى دموع الأسى وذلّ اليتم. كانت عارية القدمين رثّة الثوب لا يحتاج وصف من شدت قذارته أغبر شعرها القاتم وتلبّد ولاح من تحته وجه كالدينارالزائف في صفرته هي فتاة عليلة قد أخذ...
