_
قرأءه شيقه احبتي
_
سيلا .. طبع الي بالبدن مايغيره
غير الكفن هاذا الكلام دائما اسمعه
من ست سرئ من اروح اشتغل يمها
من تقصد مااعرف واني مااهتم ابد
وهاذا طبعي والةثل هاذا ينطبق عليه عمو حسام
قليل اشوفه ومن اشوفه ابتعد
مو عن شيئ بس اني كبرت وصرت
افتهم من حجي المعلمات علئ الخادمات
وطريقه الي لازم يتعاملن بيها مع اسيادهن
لذالك صرت اجنب عمو حسام
اي اني سيلا عمري صغير بس اخذت مكانتي
واحترامي بالمدرسه كل يوم المديرة تدز عليه
بالفرصه اروح اساعده بتنظيم
الملفات لو اسويلها جاي
مااحجي ابد بس علئ كد سؤال
واذا ماكو شيئ اكعد اقرأ
ماعندي اصدقاء ابد تعرفون
من ينجمعن المعلمات شلون يسولفن
فلانه هيج وعلانه هيج
بس مرة لفت انتباهي حديث
وحدة من المعلمات باانو الخادمه
مالتهم تحاول تغري رجلها
وصارت سوالف الخادمات
يسون علاقات مع اسيادهم ومن
هل سوالف يمكن بوقتها الله
خلاهم يحجون حتئ اسمع وافتهم لان
اني ماعندي احد يعلمني
ومن يومها بعد ماقربت علئ
عمو حسام ابقئ اني بنت خادمه بس هوة رجال
صح هوة كبير بس من ذاك اليوم
والي صار بينا بطلت اعتبر نفسي
صغيرة لان الي صار صحاني
صرت اخذ حذري منه مهما يكون
هوه رجال واني بنت
بدات المدارس وصرت اداوم هاي
صار شهرين اكعد من الاذان
اغسل والبس ملابسي مال المدرسه
وامشط شعري واخذ جنطتي واروح
لبيت ست سرئ نفس روتين شغلي
اكوي ملابس عمو حسام واحضر
ريوك واروح اكعد راكان و اغسله
وابدله واريكه و ست سرئ هم صارت
تكعد ويانا لان تروح لدوامها وتاخذ
وياها اجود ابنها و عمو حسام هم
يروح لدوامه اني مااحجي
لساتني علئ طبعي منغلقه علئ
نفسي تماما اليوم مثل كل
يوم كعدت الصبح بدلت ملابسي ومشطة
شعري ضفرته ضفيره
ولبست شوز ورحت لبيت ست سرئ
اول مطبيت للمطبخ شفت
عمو حسام كاعد ليش
كاعد من صبح اليوم مااعرف شكله يخوف
ماادري اني اخاف منه ومن
اشوفه كاعد حتئ مااعرف
اشتغل اني اخاف مو بس
من عنده من الكل بس دااحاول
اتخطئ هل خوف لازم
اجاوز هل حاله لان وراي مستقبل
ميصير اضل هيج دخلت للمطبخ
رفع راسه باوعلي ورجع دنك
يشرب جكاره
سيلا .. صباح الخير عمو
حسام .. صباح النور سيلا
/
سيلا .. عفته و رحت خليت قوري جاي علئ طباخ
ورحت الغرفة الملابس گالعاده
كويت ملابس عمو حسام
وملابس ست سرئ وعلكتهم
بالباب وطلعت للمطبخ
عمو كاعد مااهتم لوجوده اصلا
لان اني عايشه بعالمي
بس شكلي تاخرت صرت اشتغل
بسرعه بسرعه خليت الجاي
علئ طاوله ورجعت خليت الجبن والمربئ
ورحت سويت بيض اومليت
طلعت الحليب و الصمون وصار
كل شيئ جاهز رحت حميت الحليب
وسويت كوب حليب وخليت
بي خاشوكت عسل هاذا لازم
كل يوم قبل ريوك اسوي العمو حسام
بلا حتئ مااسئله وهوة هم
يشربه بسكوت خليته كدامه
علئ طاوله وطلعت وهوة هم مكال شيئ
رحت شلت ركان من فراشه
وللحمام كبل لان لو اصيح كل نهار
مايكعد اخذته للحمام يمشي هوة ونايم
غسلت اله وجها صحصح
حباب وشنو اكله يسوي لبسته
ملابسه مال المدرسه
وطلعت اني وياه للمطبخ لكيت ست سرئ
كاعدة باوعت عليها
المكياج والبس يمكن كاعدة قبلي
بس ملتهيه ترتب نفسها
أنت تقرأ
أبنة الخادمة
Romanceمسكينة حالتها يرثى لها مات والدها ولم يورثها غير اسمه وماتت أمها ولم تترك لها سوى دموع الأسى وذلّ اليتم. كانت عارية القدمين رثّة الثوب لا يحتاج وصف من شدت قذارته أغبر شعرها القاتم وتلبّد ولاح من تحته وجه كالدينارالزائف في صفرته هي فتاة عليلة قد أخذ...
