_
قرأءه شيقه احبتي
_
سيلا .. رحت لبيتي واني بداخلي
خوف مو طبيعي صح اني كبرت وصرت
امراة ودخلت جامعه افضل قسم طب عام
وكله بجهودي وتعبي لا ام راقبت
ولا اب ساعد حسام كان هوة كل اهلي
والله راح اموت من جها مااكدر اكسر
خاطرة وداموت قهر من اشوفه
يتعذب بسببي ومن جها
اشوفهم عائله حلوة وعايشين ومرتاحين
ومالي مكان بنصهم شلون اطب
وادمر هل عائله الحلوة الي اتمنئ
بيوم من الايام يكون عندي مثلها
وبنفس الوقت حسام صرت افهم نظراته
ولهفته اني صح احبه بس احبه
گصديق واب واكن اله كل الاحترام
ومااتخيل بيوم من الايام اجرح
مشاعرة وكل يوم ادعي ربي
يبرد نار قلبه ويهدي ويتخلص من هل مشاعر
لان مااريد اخسرة ابدا لو ادري
اخسر نفسي مااخسر حسام لان
هل انسان شااكول عليه قليل بحقه والله ملاك
مو بس وياي حتئ ويه عائلته
ابد مايوم سمعته صيح علئ،طفل
او علئ مرته رغم قوته وفارض سلطته
بس بذكاء وحكمه وكل شيئ عنده
بالهدوء وهاذا الشيئ يخلي
يفرض،احترامه غصب عليك
ضليت كل اليل افكر شلون راح يكون
القاء بينا مامصدقه راح اشوف
اهلي الحقيقين رغم اني مااعتبرهم
اهلي بس يبقون غصب عليه
اجدادي بس شنو راح يكون شعوري
اتجاهم مااعرف نمت الفجر
بعد الاذان ولاول مرة من ماتت ماما
لحد هاذا اليوم احلم بيها كعدت الشمس
عاليه كعدت ارجف مثل سعفه
امي كانت تحذرني وخايفه عليه واضح
بعيونها الخوف الحلم كان ..
كنت كاعدة علئ نهر والجو يخبل
النهر جاري والماء صافي يجنن
والارض داير مدايري خضرة
والشمس حلوة والفراشات الي احبهم
طايرين داير مدايري
واسمع اصوات العصافير تجنن
كنت لابسه ثوب ابيض وشعري
الاحمر طاير بالهوئ فجاة اجه
رجال مااعرفه كان لباسه غريب عليه
جاب التاج مال ورد وخلاه علئ راسي
شكد حلو يخبل حسيت نفسي
اميرة بس الغريب ريحت الورد ماحبيتها ابد
بس شكل حلو بعدها كومني
وسحبني من ايدي وصرنا نمشي
كل ماابتعد عن مكاني الي كنت
كاعده بي النهر والفراشات تصير
حرارت الشمس اقوئ والخضار يختفي
لحد ماوصلت الصحراء وهوة
كل مانتقدم يتقرب مني اكثر واني
مسحورة بجماله فجاة طلعت
ماما من بين التلال مال تراب
وجها تعبان ودموعها علئ خدها
وتباوع علئ هاذا الرجال الي وياي
وتهومي باايدها تكول ارجعي لاااا
لااا لترحين راح تحترقين ارجعي
بس اني ماسمعت كلامها
تقدمت وياه اخذني وياه صرنه نمشي علئ
تراب والحرارة صارت تلجع رجليه
اباوع العقارب كل وحدة بحجم
القط تركض ورانا تريد
تلزمني بمخالبها وماما تصرخ
تحاول تنقذني فجاة طلع
شخص مااعرفه لابس كله ابيض
اخذني من ايدي وطار بيه
هنا صرت اباوع علئ ماما صارت تضحك
بصوت عالي وتشمر تراب
علئ العقارب بس العقارب
ماتركت ماما افترسوها وصارو
ياكلون بيها هيه وعدله بس ضحكتها
ماوقفت ابدا وسبب ضحكها
الملاك الي اخذني من وسطهم
وطار بيه بعيد بس اني
طارت روحي من شفت اشلون
ياكلون بماما صرت اصرخ
وارجف وبهل لحضه حسيت علئ
نفسي وهل شيئ مجرد كابوس
وبسبب هل حلم صار عندي فوبيا من
العقارب لان اكلت ماما مجرد اشوف
عقرب صار يغمئ عليه خوف
مو طبيعي بس ليش اليوم شفت ماما
وشنو تفسير هل حلم مااعرف
أنت تقرأ
أبنة الخادمة
Romanceمسكينة حالتها يرثى لها مات والدها ولم يورثها غير اسمه وماتت أمها ولم تترك لها سوى دموع الأسى وذلّ اليتم. كانت عارية القدمين رثّة الثوب لا يحتاج وصف من شدت قذارته أغبر شعرها القاتم وتلبّد ولاح من تحته وجه كالدينارالزائف في صفرته هي فتاة عليلة قد أخذ...
