_
قرأءه شيقه احبتي
_
سيلا .. ضليت واقفه بمكاني
مااكدر اتحرك
احس العالم كله معاد يسع
روحي المزهورة
دموعي نشفت اريد ابلع ريكي
مااكدر اباوع
نزلو شرطه يركضون
وطوقو المكان
وثنين اخذو استاذ جبر مااعرف
شنو يسئلو
والباقين واقفين
لحد ماوصلت الاسعاف
من عرفت راح ياخذو تخبلت لان اكيد هاي
اخر مره اشوفه مااعرف شلون
وصلت العنده بس منعوني من الاقتراب منه
سيلا .. لا عفيه خلينا اشوفه فدوة
عايش صح عايش احجو شبيكم
هاذا روحي احجوو
سيلا .. اباوع قلبو لان كان نايم علئ وجها من
شفت وجها متروس دم فقدت
كمت اهمش بنفسي
اباوع صارو يخلوله اجهزه وبعدها
سمعت واحد كال كلمه
هيه مو مجرد كلمه بالنسبة الي هيه امل هيه حياة
هيه مستعده ادفع كل عمري
حتئ تطلع حقيقه مو كذب من سمعت كال
عايش عاااايش صرت اصرخ بيها
بكل صوتي عااااايش حساااااام عااايش
جبررررر حسااام عايش
جبر .. ماعرفتكم علئ نفسي اني جبر
اسمي غريب ابي مسميني علئ اسم
جدي لذالك اسمي تراثي
نحن ولدين وبنت زينب و وردة واني وامي
اختي زينب منفصله وتسكن قريب علينا هيه وبنتها
بيتها بنفس الشارع زينب معلمه
ورد طالبه ثالث سنه علوم كيميائية
اني محامي واريد امكل دراسه ان شاء الله
حاط براسي اكون قاضي
اني وحسام درسنا سوئ،حسام صديقي
بس علاقتنا ضعفت من هوة راح ضباط
واني رحت قانون بس ضلينا نتواصل
ونلتقي بالفرص لحد اليوم
الي اجاني بي حسام وطلب يكتب وصيته
ويسجل المشتمل الملحق بالبيت مالته
بااسم بنت مو من اقاربه بس
تفاجاة من شفت عنده وكاله علئ،البنت
من ام البنت المهم تم شغل
وسجل البيت بااسم البنيه وبعدها طلب
مني ابحث عن ماضيها واجيب كل معلومه تخص
اهلها وفعلا كدرت اوصل واجيب
كل معلومات اهلها وطلعت بنت
ناس حموله بس الزمن فرقهم وبهذلها
حسام طلب مني مااحجي شيئ
لاي احد عن الموضوع سر
واليوم اثبت الي انو الي سواه حسام
مع هل بنت قليل بحقها وصدك
من كال صديق غريب يعوضك اخ قريب
مرة فترة واليوم گالعادة
طلعت للجم اني احب اعتني بمضهري
ساعه واتصلت بيه اختي ورد
كالت اكو جماعه يردوك بعد ماسئلة
عرفت هاي نفس البنت الي من طرف
حسام بس ليش تجي لعندي حسام وين
طلبت من ورد تدخلهم لحد ماارجع
اكيد في شيئ ضروري
اخذت جنطتي ورجعت للبيت
اول ماوصلت كانت العصر دخلت
كان اشوف بنات ثنين وحدة بعدها
صغيرة عرفتها هاي سيلا من صورة
مال المعامله لان صورة هل
بنت انطبعت بمخيلتي
مستحيل انساها بس مرات صور تضلم
بالواقع شيئ،ثاني ماشاء الله
والثانيه تشبه حسام مكمكمه
عرفتها اخت حسام تشبها
بعد ماسلمت ردت اروح ابدل
بس من حجة البنيه تفاجاة
من عرفت حسام مخطوف صدك نقهرت
حسام رجال ونعم منه
واعرف ماعنده اخوه بس عم واحد
ومهاجر وخواله مو علئ اصطلاح
وياهم يعني بااختصار وحيد
لذالك واجبي گصديق اساعدة
وبالذات بعد ماصرت محاميه اصبح هاذا واجبي
من عرفت طالبين فديه كان عندي
نص المبلغ بس النص ثاني شلون
قترحت عليهم نرهن بيت حسام
وفعلا رحنا وخبرنا زوجته تخبلت
مقبلت هنا نسدت كل الابواب بوجوهنا
لحد ما سيلا تذكرت حصتها بالمشتمل
ونطتني الاوراق حتئ اقدمهن گ سند
و اجمع المبلغ وانقذ حسام وهاذا الي صار كدرت
اتواصل مع العصابه ونسلم الفلوس
ونستلم حسام الي للاسف كان
مصوب اكثر من ثلاث طلقات مكسرين
اديه ثنينهم وطلقه بصفحته
وماخذه نزيف بس المهم عايش
كدرت اوصله للمستشفئ
بعد مااجتي الشرطه والاسعاف
صارو يحققون وياي شلون وشلون
كتلهم اجاني اتصال
وكالو حسام تلكو بفلان مكان وهاي
اني خابرتكم وانتو اجيتو واني وصلت
قبلكم لان مااكدر اكول عصابه وطلبت فلوس
كل مافي الامر ضابط
ورادو فلوس ماعدنا قتلو ورمو النا
صدكو كلامي وصارو يتحرون
علئ الموضوع وحسام شالته الاسعاف
يكلون في نبض هاذا كله بصفحه
وقصة هاي البنت بصفحه
موتت روحها ومن البارحه لليوم رجلها
علئ،رجلي ماانكر حبيت قربها
واتمنئ،كل العمر تضل قريبه عليه
لان سحرتني بهدوها وصوتها الناعم
والجمال قصه اخذت عقل وقلب جبر
بس ياترئ شنو علاقتها بحسام لان
الي يشوفها يكول مو بس تحبه
لا تعشقه لان موتت روحها عليه
لا اكل لا نوم بس طايرة روحها
عليه والله حسدته نادرا
بهل زمن تلاقي شخص
هيج يحبك ويهمه امرك ودليل زوجة
حسام نفسها مو مهتمه حسب ماشفت
كنت واقف مع شرطه
واسمعها تصيح عااايش عااايش
صح فرحة من سمعت حسام عايش
وان شاء الله يتحسن بس
رجف قلبي من سمعتها صاحت بااسمي جبر
اول مرة احب اسمي
اباوع عليها هاي شلون حسام
تاركها بهل وضع الشعر شعله مال نار
العيون شمع نحل اوردتها تلالي من
البياض الطول ماشاء الله بطولي اله شويه
رغم صغر عمرها اني مو قصير طولي 178
هيه شويه اقصر مني رشيقه مثل عود ريحان
لبسها اوف ليش هيج حسام
البنطرون والقميص خفيف الفانيله الي تحت
واضحه والشعر مفتوح علئ طوله
من تمشي عبالك غزال
من صاحت ركضت عليها ماادري اباوع علئ
حسام الي اخذوه ماادري اطلب
منها تعيد نطق اسمي حتئ ارتاح كتلها
أنت تقرأ
أبنة الخادمة
Roman d'amourمسكينة حالتها يرثى لها مات والدها ولم يورثها غير اسمه وماتت أمها ولم تترك لها سوى دموع الأسى وذلّ اليتم. كانت عارية القدمين رثّة الثوب لا يحتاج وصف من شدت قذارته أغبر شعرها القاتم وتلبّد ولاح من تحته وجه كالدينارالزائف في صفرته هي فتاة عليلة قد أخذ...
