نور المجهول
الفصل السادس :
معلش يا جماعة علي التأخير
سمع الجميع صوت جرس الباب
سهير : مين هيجي دلوقتي
ذهب مازن لفتح الباب فوجده أدهم
مازن : أدهم ازيك
أدهم : الحمد لله تمام السلام عليكم
مازن : وعليكم السلام اتفضل ادخل
دخل أدهم إلي المنزل فرحب به الجميع وجري الأطفال عليه لاحتضانه
كانوا مازلوا يتناولون طعامهم فانضم إليهم أدهم
وسلم علي حسين وزوجته وتعرف عليهما فهذه هي المرة الأولى التي يراهم فيها مما جعله لبقاً في كلامه أكثر من المعتاد وهذا ما أعجب حسين
جلس الجميع يتناولون الطعام وبعد الانتهاء من الطعام
جلس أدهم مع محمد وحسين ومازن
أدهم : عمي كنت عايز اتكلم مع حضرتك في حاجة
محمد : اتفضل يا ابني
أدهم : أخبار شركات ياسين ايه ؟
محمد : والله يابني مش عارف اقولك ايه من يوم اللي حصل و الشركات مقفولة مازن راح عطي الكل إجازة واداهم مرتب كام شهر مقدم عشان ميسبوش الشغل وخلاص قفلة الشركة دي مش عجباني بس هنعمل ايه
أدهم : قفلة الشركة كدا مش نافعة يا عمي لازم نفتحها دا حق الولاد الصغيرين دول وأنا هحاول اكون فاضي ليها
محمد :وماله يابني لو هتعرف تفتحها لفتحها وشغلها
أدهم : يا عمي أنا كدا كدا كنت هحول كل شركاتي هنا عشان ابقا جنب ولاد اخويا كفايا مقدرتش اكون جنبه في آخر أيامه ثم أغرورقت عيناه بالدموع ولا حضرت عزاه ولا جنازته
محمد : وحد الله يابني
أدهم. : لا إله إلا الله محمد رسول الله
الجميع : عليه أفضل الصلاة والسلام
أدهم : فأنا يا عمي ممكن أمسك الشركات لحد ما الدكتورة نور تخرج وتتابع هي بنفسها شغلها وشغل ولادها أكون أنا نقلت كل شغلي من بره
محمد : خلاص علي خيرة الله يابني وهي كدا كدا حاجة أخوك
أدهم : حاجة مراته وولاده ربنا يباركلهم فيها
محمد : يارب يابني
أدهم : خلاص يا عمي إن شاء الله بكرة هروح الشركة بس عايز مازن معايا في المشوار دا علي أساس إنه راح قبل كدا والموظفين عارفينه
محمد : تمام شوف مازن لو فاضي يروح معاك
مازن : ها
محمد ضاحكاً : دا أنت مش معانا خالص
أدهم : كنت عايزك تيجي معايا شركات ياسين بكرة
مازن و كأنه وجد الحل للتخلص من الذهاب للعمل غداً كي لا يراها : خلاص تمام هاجي معاك
هاتف مازن سكرتير الشركة وطلب منه أن يخبر الجميع بالمجيء غداً صباحاً وبالفعل قام بذلك
وفي صباح يوم جديد ذهب أدهم و مازن إلي الشركة وجمعوا كل الموظفين
أدهم : أنا البشمهندس أدهم أخو البشمهندس ياسين الله يرحمه
الموظفين: الله يرحمه أهلاً بحضرتك يافندم
أدهم : أهلاً بيكوا أنا همسك الشغل هنا مؤقتاً لحد ما الدكتورة إن شاء الله ترجع وهي هتمسك شغلها بنفسها
أنا بحب الالتزام والانضباط في الشغل ومبحبش التقصير أتمني تفهموا كلامي كويس وتلتزموا بيه عشان نرتاح مع بعض الفترة اللي هنقضيها مع بعض ونبقوا كويسين مع بعض مفهوم
الموظفين : مفهوم يافندم
أدهم : تقدروا ترجعوا مكاتبكم وتبشروا شغلكم
ذهب الموظفين إلي أعمالهم أما مازن فكان في عالم آخر
أدهم : مازن مالك
مازن :لا أبداً مفيش
أدهم : ايه رأيك تباشر الشغل معايا
مازن : مش هينفع والله يا مازن عشان شغلي أنا مروحتش بقالي يومين ومش هينفع أغيب أكتر من كدا
