මට කන්න කියලා ප්‍රින්සස් කේක් අරන් ආවේ අර ටෙරී කියන වයසක සර්වන්ට් එක්ක..
"කන්න බේබී.. මේ සේලම ඔයාත... "
මං ටේබල් එක උඩ තියන කේක් කන්දරාව දිහා බලන් කෙල ගිලිද්දි නිකී කිව්වා..
මං දැකල නැති ලස්සන ලස්සන පාට පාට කේක් අනේ.. මට කන්න නෙවෙයි ඒ දිහා බලන් ඉන්නයි ආස හිතුනේ..
"මෙච්චර කේක් ඇයි අනේ.. "
"අප්ප මත ගේන්නේ කන්න.. ඒත් මට වැදිය තන්න බෑනේ ඉතින් විසික් කලනවා.. අද ඔයා තන්න සේරම.. ඉන්න චොතෝ එකකුත් තිබ්බා.."
කෙල්ල දිව්වෙ කිචන් එකට.. මට මතක් උනේ පොඩිකාලෙ මගේ උපන්දිනේකට කේක් එකක් අරන් දෙන්න සල්ලි නැතුව ඔම්මා ඇඩුව විදිහ..
"බේබී.. ඇයි අඩන්නේ.."
කෙල්ල මං ගාවට ඇවිත් කදුලූ පිහනකල් මං දැක්කෙ නෑ..
"නෑ ප්‍රින්සස් ඇහැට රොඩ්ඩක් ගියා.. කෝ එන්න ඔයත් කන්න.."
මං කෙල්ලට කේක් කෑල්ලක් කවද්දි කෙල්ල මගේ මූණේ කේක් එකේ තිබ්බ ක්‍රීම් ගෑවා..
"දැන් සස්සනයි.. "
"ඉන්නවා මං කරන්නම් වැඩක්.. "
මාත් කෙල්ලගෙ මූණේ අයිසිනුයි ක්‍රීමුයි ගාන්න ගත්තා.. අපි දෙන්න කනවට වඩා මූණේ ගාගත්ත එක තමයි කරේ.. කොහොම හරි වැඩේ නැවතුනේ නම්ජුන් ඇවිත් කට ඇරන් අපි දිහා බලන් ඉද්දි..
හත්වලාමේ අවට පරිසරය විනාසයි.. මං හිමීට වටපිට බලන ගමන් කේක් කෑල්ලක් කටේ ඔබාගත්තා..
"මිස් මීසු.. "
මට පිට උගුරෙ ගියේ නම්ජුන් කෑ ගහපු සද්දෙට..
"ද් දේ.. "
"එනවා.. "
මං නම්ජුන් පස්සෙන් යන්න ගත්තෙ මරණ බය හිතට එද්දි.. මාව මරයිද දන්නෑ.. බිම බලන් ගිය මාව ගිහින් හැප්පුනේ ඒ පපුවෙ.. මං හිමීට උඩ බලද්දි ඉනට අත් තියන් මං දිහා රවන් බලන් ඉන්නවා..
"මොකද්ද අර කරල තියෙන විනාසෙ.. ආහ්.. "
මං ගැස්සිල බිම බලාගත්තෙ ඒ සද්දෙට..
"තමුසෙත් එක්ක ඉදලා නිකීත් නරක් වෙයිද දන්නෑ ශිට්.. "
හහ්.. අනේ.. මාත් එක්ක ඉදල නෙවෙයි ඔහෙත් එක්ක ඉදල තමයි කෙල්ල නරක් වෙන්නෙ හහ්.. මං ගාව හිටියනන් හා පැට්ටෙක් වගේ බලාගන්නව හුම්..
