ورجعتلكم بقصة جديدة اتمنى تعجبكم وتحبوها وقرائة ممتعة❤️❤️
احمد "متگلي شجابك على شلعان الكلب ...هيه مال دراسة "
عبدلله" يريد يعلكها ويه شهاداته الباقية"
ابتسم بخفة وهو يشرب من استكان الجاي لفتت نظرة من دخلت للكافتريا تمشي بكل غرور ونظراتها الحادة تعدل شعرها البني الى واصل لوركها وكفت كدام الكاشير ابتسمت بخفة وهيه تاخذ طلبها تنطي الفلوس باوعتله صفح وكملت طريقها طالعة من الكافتريا
احمد "لتفكر بيها اصلا "باوعله وعقد حاجبه
علي "منو "
احمد" اللبوة "
علي باستغراب "اسمها لبوة "
ضحك .عبدلله "لا مو اسمها بس هيه شوية اسم الله عليها شرسة.. مبقة واحد من الكلية محاول وياها وكلهم رفضتهم "
احمد "لسان ومغرورة محد يكدرلها .... يا اخوية لتحاول حاولو قبلك هواي واحنه من ضمنهم "وضحكو
علي" مبينة صغيرة "
عبدلله" اي ..مرحلة اولى ولعبت بينه لعب "
احمد "ها شبل ساكت مبين ماعجبتك "
شبل "جمالها صعب الواحد يشرحة نظرت عيونها الحادة"
قبض ايدة بقوة .علي "لتخلي عينك عليها شبل حتصير حبيبة صديقك "
ضحك باستهزاء .شبل "متكدرلها مو سهلة مبينة من عيونها "
ابتسم بخفة ومد ايده .علي "نتراهن ياصديقي "
شبل وهو يصافحة "نتراهن "
صوفر بحماس .احمد" ولله ولعت نشوف منو يفوز "
عبدلله "ولله ياخوية ماضنك تكدر تفوز وتخليها تحبك "
احمد "رائي من رائي عبدلله "
رفعلهم حاجبه وابتسم بجانبية "نشوف "كام ماخذ تلفونه ومحفضته "لتنسون مو علي محمود سلمان الى يخسر "
عافهم وطلع من الكافتريا دك باب غرفة العميد دخل بعد ما اذان له
العميد "ياهلا بسيادة النقيب فخر النه حضرتك تكمل الماستر عدنه "
علي" الفخر الي دكتور"
العميد" تفضل استريح ..الوالد شلونه اخوانك نشالله كلهم بخير "
علي الحمدلله "اجيت حتى اسئلك عل طالبة بلمرحلة الاولى "
العميد "شنو اسمها "
علي "ماعرف اسمها اول مرة اشوفها وكع دفترها واريد ارجعه الها "
العميد "مواصفاتها شنو"
علي "شعرها بني لحد وركها تقريبا كصيرة عيونها كبار وحادة "
ضحك بخفة. العميد" سيلين...سيلين ياسر طالبتنه المتفوقة " ابتسم بخفة وهو يردد بداخله سيلين
العميد" متأملين بيها تنافسك تصير احسن محامية بلعراق "
علي "نشالله ليش لا ..تسلم استاذ "كام صافحة. العميد "سلملي على الوالد "
علي "يوصل "طلع من المكتب وابتسامة خفيفة عل شفته تقرب من مجموعة شباب كاعدين
علي "هلا بلشباب وين قاعة المرحلة الاولى "
"وراك اخوية ".علي "تسلم"
لبس نظراته وراح للقاعة وكف باب القاعة وهو يدورها بعيونه ابتسم من شافها كاعدة وبصفها بنية تحجي وهيه تباوع للكتاب بايدها شعرها نازل على جهة من وجها رفعت راسها بعدت شعرها من وجهها رفعتله حاجبها من لاحظت نظراته عليها ابتسم بخفة وطلع
