ليلٌ بلا قَمَرٍ وَنَجْمٌ قد غفا
وشُجونُ قَلبٍ هَدّهُ طولُ الجفا
والعينُ ساهرةٌ وَطيفكَ غـائبٌ
والروحُ تَصْرخُ بالحنينِ أما كفى!
دَعْ سَوطَ هَجْرِكَ جانباً وَتعالَ لي
فقدْ اكتفى منّي عَدوّيْ واشْتفى
واسألْ ضَميرِكَ مَرّةً ياهاجري
هلْ كُنتَ في شَرْعِ المَحبَّةِ مُنصِفا؟...
💕💕💕💕💕💕💕💕💕💕💕💕
طلعو من البيت فتحلها باب السيارة صعدت وصعدت رفل وره حرك السيارة
رفل "مو لازم اني اكعد كدام اني مو مرتك الاولى "تفرك ايدها بقوة تحاول تهدي نفسها لزم ايدها بايسها. علي "بيج شي سيليني "باوعت من الجامة جارة حسرة
سيلين
وصلنة للسوك لزم ايدي بيه ايده ويمشي وراي محاوطني بجسمة حتى محد يطخني فترينه اكثر من محل ومعجبني شي كل شوية يهمسلي دنجي راسج عيونج بلكع بزعني رحنه لغير محل اختارت رفل وراحت تقيسه
سيلين "ليش اجت ويانة "
علي "تريد تشتري للحفلة" رفعتله حاجبي اخذت نفس عميق نرجع ونتحاسب ياعلي طلعنه من المحل بعد ما رفل اشترت الفستان
رفل "حبيبي جعت خلي نروح ناكل "
علي "اني هم جعت "لزمت ذراعة عضيت شفتي بغضب سحبت ايدي من بين ايده ومشيت كدامة سحبني من ايدي عليه وهو يمشي وراي صعدت السيارة راكعة الباب بقوة
علي "الباب" مجاوبته رحنة بمطعم كعدنه وهو كدامي كعدت بصفة ابتسمتلي طلبو اكل .علي "شنو تطلبين "
سيلين "ماريد ..اكل حتى نروح "
علي "حطلبلج سفري حتى تاكلين من تجوعين "
رفل "حبيبي باجر موعد ايلا ناخذها للدكتور "
علي "همزين ذكرتني "
رفل "نروح اني وياك وايلا" تسولف وياه وتشاقة اخذت نفس اهدي نفسي لا ارتكب بيهم جريمة .سيلين "اذا كملت حتى نروح "
علي "اي "كمت دفع الحساب وطلعنه صعدنه السيارة وكف كدام مجمع فساتين سهرة واعراس نزل تنهدت ونزلت دخلنه للمحل واني اشوف الفساتين عجبني فستان ابيض عل جسم بيه ريش بلمقدمة الصدر وبيه جاكة
علي "لتفكرين اصلاً "انداريت عليه
سيلين" ليش حلو عجبني "
علي "هواي يبين جسمج وفتحته طويلة اختاري شي طويل مابيه فتحه وردن هاذ يبين صدرج "
سيلين "عجبني "
علي "لا سيلين ..شوفي غيرة " رجعته بمكانه وطلعت من المحل سحبني من ايدي دارني عليه.علي "ليش طلعتي "
سيلين "ماريد هاهيه ..كتلك رجعني للبيت "
علي "صوتج ..ويلا اختاري واحد غيرة حتى نرجع من العصر نفرفر عل فستان ومعجبج غير هاذ المشلتح "
سيلين وهيه صاكة عل سنونها "كتلك ماريد لو هاي هم جبر" وجهه صار احمر من العصبية
علي "يعني تعاندين "
سيلين "اعاند واسوي الى اني اريده "مشيت قبلة فتح السيارة صعدت وره صعدت رفل لكدام ندارت عليه وابتسمت "شلون علي يحب احد يكسر كلمته" درت وجهي عنها صعد السيارة وهو يسوق بسرعة وايده قابضة عل سترين بقوة
