هاي شلونكم ادري صارلي شهر كامل ممنزلة اسفة بس امتحانات وطول العطلة جنت ماخذه رست احاول اتونس شكد ماكدر وارتاح من ضغط الامتحانات المهم رجعتلكم بارت طويل تعويض عن الفترة الراحت قرائة ممتعة ❤️
الكَوْنُ عَيْنَاك لا شَمْسُ وَلا قَمَرُ
والرّوْضُ خَدّاك لا غُصْنٌ ولا ثَمَرُ
وأنْت في دَوْحَة الأحْلامِ أُغْنيَة
يشدو بِها الحُبّ، لا نَايٌ ولا وَتَرُ.
💕💕💕💕💕💕💕💕💕💕💕💕
سيلين "شبل احجي ويه نينا والغي موضوع الزواج"
شبل"شنو لعبة هيه"
سيلين "لعد اني لعبة بايدك بكيفك تروح تحجي ويه نينا وتدري اني رافضتك"
ابتسم بجانبية.شبل"بس اني اريدج"تنهدت
سيلين"شبل اني ما..قاطعها
شبل"باجر اهلي يجون يطلبوج رسمي"توسعت عينها .سيلين" شدتحجي انتَ ...ماريدك شبل "
شبل "بس اني اريدج "اخذت نفس عميق
سيلين "اذا تحبني الغي الفكرة فكرة الزواج مني"
شبل "لان احبج لازم اتزوجج حبيبتي "عافته وكامت طلعت من الكافية صعدت سيارتها تنهدت رايحة لبيت شمس نزلت فتحت الباب ودخلت
شمس "هلو سلون...شبيج ليش باجية "حظنتها وهيه تبجي بقوة كعدتها على التخم ماسحة دموعها.شمس "شبيج سيلين خوفتيني "
سيلين "شبل باجر يجيب اهله ...وعلي هددني اذا اقبل يذبحني ..شسوي شمس حتخبل "
شمس "زين ما حجيتي ويه شبل "
سيلين" هسه اجيت منه ميقبل يكلي اني باجر يمكم ...شمس خايفة ليعرف علي ولله يذبحنة ثنينه "
شمس "اوفف سيلين...زين باعلي اخلي حيدرة يحجي ويه شبل يأجل فكرة الزواج "
سيلين "اي فدوه شمس بين ما اقنع علي يطلع من السجن "
شمس "اي حبيبي اهدي حصعد اخابره" صعدت تخابره تنهدت
سيلين
طلعت تلفوني من الجنطة من دك جاوبت.سيلين "الوو"
علي "طلعي براا "توسعت عيني بصدمة
سيلين "علي ..وين انتَ"
علي بحدة "سيلين يلاا دانتظرج "وسدة ياربي بس لاعرف
سيلين "شمس شمس"مسمعتني رجع دك عليه مرة ثانية طلعت اشرلي اصعد السيارة بلعت ريقي بخوف وصعدت شخط السيارة يمشي بسرعة
سيلين بخوف "وين رايحين...وشلون طلعت "
علي بصراخ "صوتج ماريد اسمعة "نزلت دموعي بخوف فزيت من صرخ بيه "لتبجين "مسحت زموعي شوية وكفنه كدام العمارة الى جابني الها اول مرة صعدنه للشقة قفل الباب وندار عليه
علي" اي سيلين گتيلي الى تقدملج متعرفي "رجعت ليورة بخوف
علي بصراخ "جاوبي "نزلت دموعي احس گلبي حيوكف .سيلين بجي "احسس گلبي حيوكف" كعدني على التخم
علي بخوف "شبيج سيلين "
سيلين "الدوه مالتي بلجنطة "طلع الدوة انطاني ياه جاب ماي شربني
علي "ادوية شنو هاي "
سيلين "مال خفقان" تنهد ماسح وجهه بايده كام ندار عليه اخذ نفس عميق
علي بحدة "ليش مگتيلي شبل "
سيلين "خايفة من ردة فعلك "ضحك باستهزاء تقرب مني رجعت ليورة وجهه احمر واوريدة رقبته بارزه .حجه بحدة وعيونه تباوع بعيوني "حقج تخافين لان مارحمكم ثنينكم "
