إنّكَ بينَ النَّفسِ والهوّى والفُؤادِ وما حوّى .
💕💕💕💕💕💕💕💕💕💕💕💕💕
دخلنه جوه كاعدة مرة ورجال اول مشافته كامت حظنته وهيه تحجي بلكردي والرجال الكاعد اعتقد ابوه يباوعلي باستغراب ابتعدت عنه شوية كام الرجال هم حظنة
باوعتلي باستغراب شكلهم هم ميدرون ابتعد عنه شوية" بابا"
اندارينة نزلت طفلة عمرها ب 4سنوات وهيه تركض ابتسم وشالها وهو يبوس بيها وهيه حاضنتة توسعت عيني ثواني شنو كالتله هيه نزلت بنية مبينة بنهاية ال 20 تقربت منه بابتسامة حاضنته وباسته بخده كل هاذ واني واكفة بصدمة ايده بعدها لازمة ايدي سحبت ايدي من ايده باوعلي
سيلين" علي شديصير" حجت وياه بلكردي وهيه تاشر عليه يارب نشالله ماكون فاهمة الموضوع صح .علي" احجو عربي "
ام علي "منو هاي ابني "حجت البنية "وليش جايبها وياك "عيونه عليه .علي "سيلين زوجتي" شهكت البنية
ابو علي بعصبية "شنو دتكول انتَ" لزمت الطفلة وجهه دايرته عليها" بابا يعني هاي ماما جديدة " شاالتها منه وهيه تصرخ بيها وتبجي" بس اني امج ماكو ماما جديدة "احس اطرافي جمدت وحيغمى عليه شنو كمية الصدمات هاي
صرخ بيه ابوه "شلون تزوج عل بنت عمك وبدون متستشير احد "
صرخ بغضب "حياتي واني حر بيها كافي تحكم سويت الى تريده مو زوجتني ياها غصب ....هسه اجه الوكت الى اني اقرر شنو اريد محد اله شغلة بيه "لزم ايدي ساحبني وراه فوك دخلني لغرفة انداريت عليه .سيلين" ليش مگتلي"
علي" شنو اكلج"
صرخت بيه بغضب "تگلي اني متزوج وعندي طفلة .. تگلي حتكونين الثانية وتصيرين ضرة تخربين حياة عائلة "نزلت دموعي تقرب مني رجعت ليورة .علي "انتِ ماخربتي شي اصلا ماكو عائلة ..لتحسين بلذنب "كعدت عل جرباية خليت ايدي بين راسي ودموعي تنزل رفعت راسي من نفتح الباب ودخلت الطفلة حظنها وهو يبوس بيها
علي "شلونها اميرة ابوها "
"مشتاقتلك بابا" . علي "واني اكثر" اشرلها عليه "شفتي ماما الجديدة شلون حلوة "هزت راسها ب اي نزلها
علي "روحي يمها" اجتني وهيه تركض خلت ايدها الصغيرة عل خدي مسحت دموعي "ليش تبجين "
سيلين "شوية تعبانة "
"اني ايلا انتِ شنو اسمج "
سيلين" واني سيلين تشرفت بمعرفتج ايلا "
ايلا "اسمج حلو "
سيلين "انتِ احلا "ابتسمت بخجل يالله شنو هل طفلة الى تناكل شعرها جوزي طويل بعيون كبار بيضة صاحبة خدود كرصت خدي بايدها اصغيرة .ايلا" بابا سيلين عدها خدود سمان مثلي" ضحكت عل تشبيه بستها بخدها
سيلين "بس اكيد خدودج احلا" دخلت زوجته" تعاي ايلا وممنوع تحجين او تتقربين من هاي الحية "
واتت صرت حية .
علي بحده "رفل "بلعت ريقها بخوف باوعتلي بكره .علي 'روحي حبيبتي ويه ماما هسه اجي "راحت الامها اشرلها تطلع برا طلعت كمت .سيلين "بسم الله مصارلنه غير دقايق وصرت حية "تقرب مني .علي "احلا حية "رفعتله حاجبي تقرب مني يريد يبوسني دفعته من صدره بخفة
