رِهان

part 4

لا تَعذَلِيه فَإِنَّ العَذلَ يُولِعُهُ
قَد قَلتِ حَقاً وَلَكِن لَيسَ يَسمَعُهُ
جاوَزتِ فِي لَومهُ حَداً أَضَرَّبِهِ
مِن حَيثَ قَدرتِ أَنَّ اللَومَ يَنفَعُهُ
فَاستَعمِلِي الرِفق فِي تَأِنِيبِهِ بَدَلاً
مِن عَذلِهِ فَهُوَ مُضنى القَلبِ مُوجعُهُ...

💕💕💕💕💕💕💕💕💕💕

مر اسبوع ولحمدلله مشفته ابد اليوم حنة شمس كعدنه من الصبح رحنه اني وياها للصالون بلشو بيها وبيه سوه طلبيت يكون مكياج بسيط وشعري برمته وطاك ناعم ونازك بيه كرستال ناعم كلش وخصل من كدام لبست فستاني ورشيت عطر

لبست بشت فوك وطلعت لكيت شمس مكمليلها
سيلين "ياروحيي طالعة تخبلين "
شمس "يابعد روحي مو بجمالج" حظنتها
سيلين "اختي الصاكة ...يلا امشي نروح" اخذت غراضنه وطلعنه ساعدتها تصعد السيارة وخليت الغراض ليورة شغلنه اغاني ولطريق كله نغني فرحانين لحد موصلنه لبيت خالتي نزلت وساعدتها اول مدخلنه  كلها هلهلت اجن بنات عمها وعماتها وصديقاتنه سلمت عليهم ورحت لنينا بست ايدها همستلي "يااميرة كل البنات "

سيلين "اروحلج فدوه "
سيلين "عيني شمس ديربالج لا حيدرة يعوفج ويكلب عل نينا "
شمس "هسه ميفرق منو العروس "
نينا "هاا استلمتني يالمكموعات "ضحكت وبست راسها
سيلين" اني شعندي غيرج نينتي "

شمس "تعاي سيلين ناخذ صور" رحت يمها ناخذ صور وكومتها نركص اني وياها ولبناات لليل اجه حيدرة واهله حنوها وراحو استمرت حفلتنه لل12 ونص يلا راحو المعازيم بس ضلو كرايب بيت خالتي صعدنه اني وياها فوك لغرفتها

سيلين "خلي وحدة من البنات تفتح شعرج اني حفوت اسبح "
شمس" اوك "دخلت سبحت وبدلت ملابسي نزلنه جوه تعشينه وكلنه كاعدين سوه .نينا "تعاي سيلين "فتحتلي ايدها كمت حضنتها بقوة وهيه تمسح عل شعري
نينا "سيلين تنامين اليوم يمي"
سيلين" اي نينا "
شمس "شنو نينا اني الى حتزوج مو سيلين هيه مكابلتج "

نينا "نامو ثنينكم يمي حتى اشبع منكم "بست ايدها شوية وكمنه نمنه بصف ننينا وهيه تسولفلنه عل ايامها قبل هيه وجدو الله يرحمه

ثاني يوم نفس الروتين من الصبح بدلنه ورحنه للصالون بلشو بيها بعدين اني خليت يسولي مكياج يبرز عيوني وطلبت يشسورون  شعري ويشيلون منه نص لبست فستاني الاسود ولكعب رشيت عطري