#قانون_الكرامة
ورودالخالدي
البارت ٣
امال:::::٣
ماما سمعتنا نتصايح جتي وكفت بصفي:
ماما تعالي فوتي جوه شعرج ينكط مي لتتمرضين عوفيهن ذني يردن جنازة ويشبعن بيها لطم
اعوفهن يوم ليش مسمعتيهن شيحجن !!
واحنا كل اليحجي نكبر راسه وناخذ وننطي ويا!
طبعا بسمار ماما حسيته اقوى من كل الحجي الحجيته وياهن..فتت جوه كعدت ع القنفه احس نفسي حتى وكفه ما اكدر اوكف من وجع جسمي ماما كعدت بصفي وكالت:
بنيتي متكوليلي شبيج بسرعة تصيرين عصبيه شنو ذني وشادتلهن راس ومهتمه لحجيهن!
يوم انتي يمكن مسمعتيهن جيتي بالاخير
لا سمعتهن صح حجيهن يدق بس ما انتبهتي شلون حجيهن كوله حسد ميتات وناطات منج ..وهسه يجي رجلج ان شالله يرجعج ويموتن بحركتهن اكثر!!
يوم ومنو كلج ارجعله اني ما ارجع يعني تقبليها عليه ارجعله بعد ما جان طلاكي عنده اسهل من شربه مي!!!
اي اقبل وج يمه مهران هيبتج ومعزتج مهران يستاهل ماي العين زلمة معدل وشفتيهن شلون حاسداتج عليه واذا طلكج ..شنو كامت الدنيا ساعة عصبيه وشيطان فات بيناتكم ..يمه حملنا اشكال والوان وما فرطنا بزلمنا انجان اني وانجان خالاتج وبت الاصول تحمل الزينه والشينه ..عبالج من تضلين هنا يم ذني الحيايه ترتاحين والله تعضين اصابعج ندم لا اني اكدر اصد عنج كرهن ولا اخوتج اصلا اخوتج محابس بديهن يفرنهم يمنه ويسره اسمعي كلامي ولتعاندين اذا اجه مهران رجعيلة وحاولي بالتفاهم..تحصلين كل الي ترديه مو بالعناد
ماما ياتفاهم تره مهران ميحبني ولا فد يوم حسسني هو يحبني يمكن لو حاسه هو يحبني جان كولشي يهون يعني ارجع لواحد ..ميحبني مجرد ماخذني لان بت عمه ع ابو اولى من الغريب ولازم اتحمل كولشي لان احبه ..ولان اخاف من عيشه اهلي ومن كلمة مطلقة.؟؟؟!!!!💔💔💔
انتي كلتيها تحبي ..واليحب كولشي يسوي ع مود حبيبة وبعدين منو كلج مهران ميحبج يثوله وروح ابوج من جان يجي وانتي ويا..يباوع لحلكج صدوك جذب ..والله عرفته شيطان وفات بينكم من وره عيون بنادم
يوم مسويت شي اذا رجعتله مثل مرحت مثل مجيت
كولشي اهون من ضلتج هنا مدمغه وعلج بحلوك ذني الحياية..
ليش يوم هذا مو بيت ابويه مو جنت قبل اجيكم مسيرة وابات لو ازعل واضل اسبوع لو اكثر شنو الي تغير شبيهم اخواني شبيهن نسوانهم كلبن عليه..
يمه المسيرة والزعلانه مو مثل المطلقة اكو فرق مثل السمه والكاع..
شنو الفرق يعني من صرت مطلقة صرت مو بتكم؟؟
