قانون الكرامة (مكتملة)

عيونه..تشبه عيونك💔💔

#قانون_الكرامة

ورود الخالدي

البارت ٧

امال:::؛٧

سمعته يكول لماما::

عمه سكتي اترجاج سكتي لتخوفيها اكثر..

وشفته فتح بطل المي وغسل وجهي جان المي بارد فزيت من برودته فتحت عيوني شفت وجهه شكد قلق وكلي:

امال دتسمعيني..امال حاجيني..

احس راسي ثكيل واكو حراره يعني فد شي حار ديتحرك براسي فكتله:

راسي..راسي يوجعني..

ماما بجت:

مو كتلكم انداست بتي سوده ابوجهي المن جبناها للمكبرة جان خليناها وجبنا وحدنا دفنا..

مهدي كال

مهران خلي ننزل خلي نرجع للنجف اكو سادة اندلهم اي  ال بو فريحة يعالجون هيج حالات..خلي نرجع ..

زمخ بيهم

سكتو ..لحد يحجي شبيها تاخذوها للساده امال مبيها شي انتو الي دتخوفوها كتلكم لحد يحجي سكته منا لنا نوصل لحد يكوم يفتي بكيفه

مد ايده خلاها وره ظهري وسندني على ايده ولان شعري تبلل وخر خصلات منه ليوره وكلي:

امال عيني معليج بيهم تره مبيج شي مثل الورده انتي بس مختنكة وضايحة ..ها راسج يوجعج احتمال  من المهديء مال البارحة

اي..اي راسي يوجعني....انام احسن راح ارجع انام..

شفت وجهه تغير كلي

لا..لا لتنامين ضلي وياي خلي عيونج مفتوحة لتنامين

وبقيت كاعده هو خطيه كل دقيقة يلتفتلي ويرجع يلتفت للطريق ساندني على ايده ولازمني حتى  من تصادفنا طسا يضمني اكثر ..ومن وصلنا للبيت قبل مننزل نزلو اخواني سمعته يحجي ويه ماما بصوت ناصي مثل الهمس حتى ما اسمعه بس لان السياره فرغت وبس همه يحجون سمعتهم:

عمه ما اريد بجي كدامها ولا نسوان اطب يمج تعيط لامن خالاتها ولا الجوارين ولا اي شي ..واني راح انزلها ع كيفكم وياها  وهسه راح احجي ويه الولد:

عمه جاراتي وخواتي يجني  بس يسمعن شلون ؟؟

خليها جوه بالصاله واي وحده تجي استقبليها بالاستقبال لدخليها تره مناقصها شوفيها بغير دنيا تحتاج تهده وترتاح حتى ترجع لطبيعتها

اي ..بس انت راح تسوي فاتحة ..صح ابنك وغالي علينا وعليك بس طفل زغير مو مال فاتحة وتخسر!!

عمه شنو طفل ليش اني عندي غيره؟؟!!!!

بكيفك عمه..بس انت مو تكطع ..شفتها متسمع من احد بس من تحجي وياها انته تسمعك وتحاجيك!!